Kronika I, 7:14 - BAIBLO ALOO NGMAMI KLƆUKLƆU Ɔ

¹⁴ Manase kɛ e plã a nɛ je Aram ɔ fɔ binyumuhi enyɔ; nɔ kake biɛ ji Asriel, nɛ nɔ kake hu biɛ ji Makir. Makir bi ji Gilead.

Kronika I, 7:14 ပူးပေါင်းရင်းမြစ်များ

Manyadali 5:14

A je Efraim kɛ ba kɔ̃ ɔ mi. A nyɛɛ mo Benyamin, kɛ o ma mi bi ɔmɛ a se. Tatsɛmɛ je Makir kɛ ba, nɛ tatsɛ tso hɛɛli hu je Zebulun kɛ ba.

Yoshua 13:31

Gilead ma a fa, kɛ Ashtarot kɛ Adrei ngɛ zugba nɛ a ngɔ kɛ ha Manase wɛtso fa a mi. Ma nguahi nɛ ngɛ Bashan matsɛ, Og nɔ yemi he ɔ ji ma nɛ ɔmɛ. A ngɔ ma nɛ ɔmɛ tsuo ngɔ ha Manase binyumu Makir nina fa a we puɔ nya we puɔ nya.

Mose IV, 27:1

Ligbi ko ɔ, Zelofehad biyi enuɔ ɔmɛ ngɔ a hiami sane ko kɛ ba fɔ Mose, osɔfo Eleazar, ma nimeli ɔmɛ, kɛ Israel ma kpekpemi ɔ tsuo a hɛ mi ngɛ kpe he bo tsu ɔ sinya a nya. Yi nɛ ɔmɛ a biɛhi ji Mahla, Noa, Hogla, Milka kɛ Tirza, nɛ a je Yosef binyumu Manase wɛtso fa a mi. A nɛ̃ biɛ ji Hefer, nɛ a nɛnɛkasowa ji Gilead, Makir binyumu ɔ. A we amaniɛ ji,

Mose I, 50:23

E he bibimɛ kɛ gu Efraim nɔ. Jehanɛ, Manase binyumu Makir hu fɔ bimɛ kɛ wo weku ɔ mi.

Mose I, 25:20

Isak ye jeha nyingmi eywiɛ nɛ e ngɔ Rebeka, Aram no ɔ nɛ je Mesopotamia nɛ a tsɛɛ lɛ Betuel ɔ biyo ɔ. Rebeka nyɛminyumu ji Laban.

Kronika I, 7:13

Naftali ngɛ binyumuhi nɛ a tsɛɛ mɛ Yaziel, Guni, Yezer, kɛ Shalum. Bilha nina ji mɛ.

Kronika I, 7:15

Makir ngɔ yo kɛ ha Hupim, nɛ e ngɔ kake hu kɛ ha Shupim. Makir nyɛmiyo ji Maaka. Makir binyumu enyɔne ɔ biɛ ji Zelofehad. Zelofehad lɛɛ biyihi sɔuu e fɔ.

Mose IV, 26:28

Yosef ngɛ binyumuhi enyɔ: Manase kɛ Efraim.