Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ, pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Enɛ ɔmɛ ji níhi nɛ o kɛ ma tsitsɛɛ Siria bi ɔmɛ kɛ ya se kɛ yaa si o ma kpata a hɛ mi pɛsɛpɛsɛ.’ ”
We puɔ nya dali, kɛ ta buli katsɛmɛ ji mɛ tsuo ngɛ weku ɔ mi. Benɛ a kane a nina weku nya weku nya a, a hiɛmi ji ta buli katsɛmɛ akpe nyɔngma kɛ kpaago kɛ e nya lafa enyɔ.
Ehud nina ji nɛ ɔmɛ nɛ: Naaman, Ahiya, kɛ Gera. We puɔ nya dali ji mɛ ngɛ Geba. Se a nuu mɛ ngɛ ta mi, nɛ a ngɔ mɛ kɛ ho Manahat ya. Gera ji nɔ nɛ ngɔ mɛ kɛ ho. E binyumuhi ji Uza kɛ Ahihud.