Kronika I, 6:60 - BAIBLO ALOO NGMAMI KLƆUKLƆU Ɔ

⁶⁰ A ha Kohat weku ɔ ma nɛ ɔmɛ, kɛ kɔpehi nɛ bɔle ma amɛ kɛ je Benyamin wɛtso ɔ zugba mi: Geba, Alemet, kɛ Anatot. Lɔ ɔ he ɔ, mahi tsuo nɛ a ha Kohat weku ɔ nɛ a hi mi ji nyɔngma kɛ etɛ.

Kronika I, 6:60 ပူးပေါင်းရင်းမြစ်များ

Yeremia 1:1

Yeremia, Hilkia binyumu ɔ munyuhi ji nɛ ɔmɛ nɛ. Osɔfohi nɛ hi Anatot ngɛ Benyamin zugba a nɔ ɔ, a ti nɔ kake ji Hilkia.

Yeremia 37:12

jamɛ a be ɔ, imi hu i je Yerusalem kɛ yaa Benyamin zugba a nɔ, konɛ weku weto ní ɔ nɛ ngɛ lejɛ ɔ, ma ya ngɔ ye blɔ fa mi nɔ́.

Yeremia 11:23

Be nɛ ma ngɔ amanehlu kɛ ba Anatot bi ɔmɛ a nɔ ɔ, i to momo. Ke jamɛ a be ɔ su ɔ, a ti nɔ ko nɔ ko he be mi jee.”

Yesaya 10:30

Galim bi, nyɛ kpa ngmlaa! Laisha bi, nyɛɛ bu tue! Nyɛ he nɔ koo, nyɛ Anatot bi!

Kronika I, 8:6

Ehud nina ji nɛ ɔmɛ nɛ: Naaman, Ahiya, kɛ Gera. We puɔ nya dali ji mɛ ngɛ Geba. Se a nuu mɛ ngɛ ta mi, nɛ a ngɔ mɛ kɛ ho Manahat ya. Gera ji nɔ nɛ ngɔ mɛ kɛ ho. E binyumuhi ji Uza kɛ Ahihud.

Matsɛmɛ I, 2:26

Enɛ ɔ se ɔ, Matsɛ Salomo de osɔfo Abiatar ke, “Moo ho mo nitsɛ o ma mi ya ngɛ Anatot. Jinɛ e sa kaa a gbe mo, se i be hae nɛ a gbe mo piɔ; ejakaa benɛ o kɛ tsaatsɛ David ngɛ ɔ, mo lɛ o hyɛɛ Yawɛ Mawu somi daka a nɔ. Jehanɛ se hu, amanehlu slɔɔtohi tsuo nɛ tsaatsɛ na a, o kɛ lɛ nɛ na.”

Samuel I, 13:3

Yonatan ya gbe Filisti bi a nyatsɛ ɔ nɛ ngɛ Geba a, nɛ Filisti bi ɔmɛ tsuo nu he. Kɛkɛ nɛ Saul ha nɛ a kpa titimati kɛ kpa zugba a nɔ tsuo kɛ tsɛ Hebri bi ɔmɛ kɛ ha ta hwumi.

Yoshua 18:24

Kefaramoni, Ofni, kɛ Geba. E peeɔ ma nyɔngma kɛ enyɔ kɛ a he kɔpehi.

Kronika I, 6:61

Jehanɛ, a fɔ sɔ kɛ dla zugba kɛ ha Kohat bi nɛ piɛ ɔ, nɛ a na ma nyɔngma kɛ je Manase wɛtso fa a zugba mi.

Nehemia 12:29

Betgilgal, Geba, kɛ Azmavet kɛ ba.