Kronika I, 6:32 - BAIBLO ALOO NGMAMI KLƆUKLƆU Ɔ

³² Nɛ a tsu lami ní tsumi nɛ ɔ ngɛ kpe he bo tsu ɔ mi kaa bɔ nɛ a to blɔ nya ha mɛ ke a pee ɔ, kɛ ya si be nɛ Matsɛ Salomo ma Yawɛ we ɔ ngɛ Yerusalem.

Kronika I, 6:32 ပူးပေါင်းရင်းမြစ်များ

Ezra 6:18

A to osɔfo ɔmɛ, kɛ Levi bi ɔmɛ ngɛ a we asafo kuu ɔmɛ a nya kɛ ha Mawu we ɔ sɔmɔmi ní tsumi ɔmɛ ngɛ Yerusalem, kaa bɔ nɛ a ngma ngɛ Mose mlaa womi ɔ mi ɔ.

Kronika II, 35:15

Lali ɔmɛ nɛ ji Asaf bimɛ ɔmɛ ya hi a blɔ hehi kaa bɔ nɛ Matsɛ David wo mlaa ke a pee ɔ. Mɛ ji Asaf, Heman, kɛ Yedutun, matsɛ ɔ gbalɔ ɔ. Agbo nya buli ɔmɛ ho ya da a blɔ hehi kaa bɔ nɛ a peeɔ daa a; mɛɛ lɛɛ e hia we kaa a si a ní tsumi ɔ, ejakaa a nyɛmimɛ Levi bi ɔmɛ ngɔ a blɔ fa mi nɔ́ ɔ kɛ ba ha mɛ.

Kronika II, 31:2

Matsɛ Hezekia kpale dla ní tsumi kɛ ha osɔfo ɔmɛ, kɛ Levi bi ɔmɛ, nɔ tsuaa nɔ kɛ e ní tsumi pɔtɛɛ. Ní tsumi slɔɔto ɔmɛ ji nɛ ɔmɛ nɛ: sami bɔ sami, tue mi jɔmi bɔ sami, sɔmɔmi ngɛ Yawɛ we ɔ, kɛ Yawɛ yi jemi kɛ si nami.

Kronika I, 9:33

Levi bi ɔmɛ a ti ni komɛ a ní tsumi ji a la ngɛ Yawɛ we ɔ. A nya dali ɔmɛ hii tsuhi nɛ ngɛ Yawɛ we ɔ ekomɛ a mi. Mɛɛ lɛɛ a ha we mɛ ní tsumi kpa ko, ejakaa a tsuɔ ní nyɔ kɛ pia.

Kronika I, 6:10

Azaria (nɔ nɛ ye osɔfo ngɛ sɔlemi we ɔ nɛ Matsɛ Salomo ma ngɛ Yerusalem ɔ),

Kronika I, 6:31

Nimli nɛ ɔmɛ ji nihi nɛ David ngɔ la he blɔ nya tomi ngɛ Yawɛ we ɔ ngɔ wo a dɛ, benɛ a kɛ somi daka a ya su lejɛ ɔ.

Kronika I, 6:33

Nimli nɛ ɔmɛ, kɛ a nina ji nihi nɛ tsu ní tsumi nɛ ɔ nɛ. Kekleekle lali a kuu ɔ, a nya dalɔ ji Heman. Heman je Kohat weku ɔ mi, nɛ e tsɛ ji Yoel. Bɔ nɛ Heman weku kpa a nyɛɛ senyasenya kɛ ya si Yakob nɔ ji nɛ ɔ nɛ: Heman, Yoel, Samuel,

Ezekiel 40:44

Jehanɛ nyumu ɔ kɛ mi ba mi mi je kue ɔ mi. Tsu enyɔ ngɛ lejɛ ɔ nɛ a bliɔ a sinya amɛ kɛ baa we ɔ mi je; kake ngɛ omleyi je agbo ɔ nya, nɛ e hɛ mi kpee leneyi je; nɛ kake hu ngɛ leneyi je agbo ɔ nya, nɛ e hɛ mi kpee omleyi je.