Kronika I, 6:3 - BAIBLO ALOO NGMAMI KLƆUKLƆU Ɔ

³ Amram binyumuhi ji Aaron kɛ Mose. E ngɛ biyo hu nɛ a tsɛɛ lɛ Miriam. Aaron binyumuhi ji Nadab, Abihu, Eleazar, kɛ Itamar.

Kronika I, 6:3 ပူးပေါင်းရင်းမြစ်များ

Kronika I, 23:12

Kohat ngɛ binyumuhi eywiɛ. A biɛhi ji Amram, Izhar, Hebron, kɛ Uziel.

Kronika I, 23:13

Kohat bitɛte nɛ ji Amram ɔ lɛɛ e binyumuhi ji Aaron kɛ Mose. Aaron kɛ e nina lɛɛ a hla mɛ ngɔ to, nɛ a ngɔ Yawɛ we ɔ ní klɔuklɔu ɔmɛ ngɔ wo a dɛ. A ní tsumi ji a sã tsopa kɛ e he via kɛ ha Yawɛ, á sɔmɔ Yawɛ, nɛ á kɛ Yawɛ biɛ nɛ gbaa ma a.

Kronika I, 24:22

Izhar nina ji Shelomit, nɛ Shelomit nina ji Yahat;

Kronika I, 6:2

Kohat binyumuhi ji Amram, Izhar, Hebron, kɛ Uziel.

Kronika I, 6:4

Eleazar nina ji nɛ ɔmɛ nɛ: Finehas, Abishua,

Mose II, 15:20

Kɛkɛ nɛ Aaron nyɛmiyo Miriam, gbalɔyo ɔ ngɔ fao, nɛ yi ɔmɛ tsuo nyɛɛ e se kɛ fao fiami kɛ domi.

Mose II, 2:4

Bimwɔyo ɔ nyɛmiyo daa si ngɛ se banee ngɛ hyɛe kaa mɛni lɛ maa pee bimwɔyo ɔ lo.

Mose II, 2:7

Kɛkɛ nɛ bimwɔyo ɔ nyɛmiyo ɔ de Farao ɔ biyo ɔ ke, “Ma ya nɛ ma ya tsɛ bimɛanyɛ ko ngɛ Hebri yi ɔmɛ a kpɛti kɛ ba nɛ e ba hyɛ jokuɛyo ɔ nɔ ha mo lo?”

Mose II, 24:1

Yawɛ de Mose ke, “O kɛ Aaron, Nadab, Abihu, kɛ Israel ma nimeli ɔmɛ a kpɛti ni nyingmi kpaago nɛ kuɔ kɛ ba ye ngɔ. Be nɛ nyɛ ngɛ tsitsaa lokoo kɛ ma a, nyɛ kpla si nɛ nyɛ ja mi.

Mose II, 28:1

“Moo tsɔ ya ngɔ o nyɛminyumu Aaron kɛ e binyumu ɔmɛ nɛ ji Nadab, Abihu, Eleazar, kɛ Itamar kɛ ba. Mo ha nɛ a tsɔ a he kɛ je Israel bi kpa amɛ a he, bɔ nɛ pee nɛ a ba sɔmɔ mi kaa osɔfohi.

Mose II, 6:20

Amram ngɔ e tsɛ nyɛmiyo Yokebed, nɛ e kɛ lɛ fɔ Aaron kɛ Mose. Amram ye jeha 137.

Mose II, 6:23

Aaron ngɔ Aminadab biyo Elisheba, Nahshon nyɛmiyo ɔ; nɛ e kɛ lɛ fɔ Nadab, Abihu, Eleazar, kɛ Itamar.

Mose III, 10:1

Aaron binyumuhi, Nadab kɛ Abihu a ti nɔ tsuaa nɔ ngɔ e ngɛyu, nɛ e je la ngɔ wo mi, nɛ e ngɔ tsopa kɛ e he via ngɔ pue nɔ, nɛ e kɛ ba Yawɛ hɛ mi; se la nɛ ɔ he tsɔ we, ejakaa Yawɛ fa we mɛ ke a pee ja.

Mose III, 10:12

Jehanɛ, Mose de Aaron kɛ e binyumuhi enyɔ ɔmɛ nɛ piɛ, nɛ ji Eleazar kɛ Itamar ke, “Niye ní bɔhi nɛ a kɛ la sãã ha Yawɛ ɔ, nyɛɛ ngɔ nɔ́ nɛ piɛ ɔ; nyɛ ko wo mi masa nɛ nyɛɛ ye ngɛ bɔ sami la tɛ ɔ kasa nya, ejakaa e he tsɔ saminya.

Mose III, 10:16

Enɛ ɔmɛ tsuo a se ɔ, Mose hla mi fitsofitso konɛ e le nɔ́ ko ngɛ apletsi ɔ nɛ a kɛ maa sã yayami pami bɔ ɔ he. Benɛ e na le kaa a sã lɛ momo ɔ, e mi mi fu Eleazar kɛ Itamar, Aaron bimɛ ɔmɛ nɛ piɛ ɔ, nɛ e bi mɛ ke,

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.