Kronika I, 5:26 - BAIBLO ALOO NGMAMI KLƆUKLƆU Ɔ

²⁶ Enɛ ɔ he je ɔ, Israel Mawu ɔ ha nɛ Asiria matsɛ, Pul (nɛ e biɛ kpa ji Tiglat Pileser a) ba tua a ma a. Tiglat Pileser nuu Ruben, Gad, kɛ Manase wɛtso fa a mi bi ɔmɛ kɛ ya to Hala, Habor, Hara, kɛ Gozan pa a nya. Nɛ lejɛ ɔ ji he nɛ a ngɛ kɛ ba si mwɔnɛ ɔ.

Kronika I, 5:26 ပူးပေါင်းရင်းမြစ်များ

Matsɛmɛ II, 15:19

Asiria matsɛ, Tiglat Pileser ba tua Israel; nɛ Menahem ha lɛ sika hiɔ kilo akpe nyingmi etɛ kɛ eywiɛ, bɔ nɛ pee nɛ Tiglat Pileser nɛ e piɛ e he, nɛ e matsɛ yemi ɔ nɛ da si.

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ II, 18:11

Asiria matsɛ ɔ nuu Israel bi ɔmɛ nyɔguɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Yesaya 37:12

Benɛ nɛnɛmɛ kpata Gozan, Haran, kɛ Rezef ma amɛ a hɛ mi, nɛ a gbe Beteden bi ɔmɛ ngɛ Telasa zugba a nɔ ɔ, anɛ a mawu ɔmɛ nyɛ a yi wami he lo?

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Matsɛmɛ II, 19:12

Benɛ nɛnɛmɛ kpata Gozan, Haran, kɛ Rezef ma amɛ a hɛ mi, nɛ a gbe Beteden bi nɛ ngɛ Telasar a, anɛ a mawu ɔmɛ nyɛ a yi wami he lo?

Matsɛmɛ II, 16:7

Ahaz tsɔ ya de Asiria matsɛ, Tiglat Pileser ke, “O tsɔlɔ kɛ o binyumu ji mi. Siria matsɛ, kɛ Israel matsɛ ba tua mi, lɔ ɔ he ɔ, ba nɛ o ba je ngmlaa ha mi.”

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

Ezra 1:5

Kɛkɛ nɛ wɛtsoyi ɔmɛ ngɛ Yuda kɛ Benyamin, osɔfo ɔmɛ, Levi bi ɔmɛ, kɛ nihi tsuo nɛ Mawu mumi ɔ ta a he ɔ dla a he, konɛ a ya Yerusalem nɛ a ya ma Yawɛ we ɔ ekohu.

Kronika I, 9:1

A kane Israel ma a tsuo weku nya weku nya, nɛ a ngma kɛ wo Israel Matsɛmɛ ɔmɛ a Womi ɔ mi. Yuda bi ɔmɛ lɛɛ, a ba nuu mɛ kɛ ho Babilon ya, ejakaa a yi Mawu anɔkuale.

Kronika II, 28:20

Se benɛ Asiria matsɛ, Tiglat Pileser ba a, e ba piɛ we Matsɛ Ahaz he; e ba hao lɛ mohu.

Yesaya 37:18

Yawɛ, wɔ tsuo wa le kaa Asiria matsɛmɛ ɔmɛ kpata je mahi, kɛ a zugbahi babauu a hɛ mi,

Kronika I, 5:22

A gbe he nyɛli ɔmɛ a ti nihi babauu, ejakaa ta a, Mawu nine ngɛ mi. Nɛ a hi jamɛ a zugba a nɔ hluu kɛ ya si be nɛ a je Asiria nɛ a ba nuu mɛ kɛ ho.

Kronika II, 30:6

Tsɔli ɔmɛ ngɔ matsɛ ɔ, kɛ ganɔ ɔmɛ a sɛ gbi ɔ kɛ ya kpa Israel kɛ Yuda tsuo, nɛ a de ke, “Israel ma! Asiria bi ba tua nyɛ, nɛ nyɛ je a dɛ mi. Lɔ ɔ he ɔ, nyɛɛ kpale kɛ ba Yawɛ, Abraham, Isak, kɛ Yakob a Mawu ɔ ngɔ, konɛ lɛ hu e kpale nɛ e he nyɛ.