Asiria matsɛ, Tiglat Pileser ba tua Israel; nɛ Menahem ha lɛ sika hiɔ kilo akpe nyingmi etɛ kɛ eywiɛ, bɔ nɛ pee nɛ Tiglat Pileser nɛ e piɛ e he, nɛ e matsɛ yemi ɔ nɛ da si.
A weku ɔmɛ a nya dali ji Efer, Ishi, Eliel, Azriel, Yeremia, Hodavia, kɛ Yadiel. Ta buli katsɛmɛ, kɛ nikɔtɔmahi nɛ a le mɛ saminya ngɛ weku ɔmɛ a mi ji mɛ tsuo.
A kane Israel ma a tsuo weku nya weku nya, nɛ a ngma kɛ wo Israel Matsɛmɛ ɔmɛ a Womi ɔ mi. Yuda bi ɔmɛ lɛɛ, a ba nuu mɛ kɛ ho Babilon ya, ejakaa a yi Mawu anɔkuale.
O kɛ nihi nɛ ngɛ zugba a nɔ ɔ kó so somi ko. Ke pi ja a, ke a ngɛ a mawu ɔmɛ jae nɛ a ngɛ bɔ sãe kɛ ngɛ mɛ hae ɔ, a ti nɔ ko kɛ̃ ma tsɛ mo ní yemi, nɛ o ma ya ye ní nɛ a kɛ sã bɔ ha a mawu ɔmɛ ɔ eko.
Kekleekle nɛ Yawɛ kɛ Israel tu munyu kɛ gu Hosea nɔ ɔ, e de Hosea ke, “Yaa nɛ o ya ngɔ yo; yo ɔ maa pee e he yakayaka nɔmlɔ, nɛ e bimɛ maa hi kaa lɛ pɛ. Ja pɛpɛɛpɛ ye ma a pee ɔ nɛ; ye ma a kua mi; a yi mi anɔkuale.”
Israel ma, nyɛ kpa nyami kaa bɔ nɛ je ma amɛ peeɔ ɔ. Nyɛ je nyɛ Mawu ɔ se, nɛ nyɛ yi lɛ anɔkuale. Nyɛ ngɔ nyɛ he ya mɛtɛ mawu ɔ nɛ a tsɛɛ lɛ Baal ɔ he ngɛ zugba a nɔ tsuo kaa yaholi. Ke blɛfo nya je ɔ, nyɛ ya sãã bɔ ha lɛ, nɛ nyɛ naa lɛ si.
A kua Yawɛ, a nɛmɛ a Mawu ɔ nɛ je mɛ kɛ je Egipt zugba a nɔ ɔ; nɛ a ya nyɛɛ mawu kpahi nɛ ji nihi nɛ bɔle mɛ ɔ a mawu ɔmɛ a se. A ja mɛ, nɛ a kɛ nɔ́ nɛ ɔ wo Yawɛ mi mi la.
Se manyadali ɔmɛ po a bui mɛ; nɛ Yawɛ hu a yi lɛ anɔkuale. Mohu ɔ, a ya nyɛɛ mawu kpahi a se, nɛ a ja mɛ; nɛ a je blɔ nɛ a nɛmɛ ɔmɛ nyɛɛ nɔ ɔ nɔ. A nɛmɛ ɔmɛ ye Yawɛ mlaa amɛ a nɔ; se mɛɛ lɛɛ a pee we ja.