Kronika I, 5:22 - BAIBLO ALOO NGMAMI KLƆUKLƆU Ɔ

²² A gbe he nyɛli ɔmɛ a ti nihi babauu, ejakaa ta a, Mawu nine ngɛ mi. Nɛ a hi jamɛ a zugba a nɔ hluu kɛ ya si be nɛ a je Asiria nɛ a ba nuu mɛ kɛ ho.

Kronika I, 5:22 ပူးပေါင်းရင်းမြစ်များ

Kronika II, 32:8

Niinɛ, Asiria matsɛ ɔ ngɛ ta buli babauu, se mɛ tsuo pɛpɛɛpɛ ɔ, nimli adesahi kɛkɛ ji mɛ. Wɔɔ lɛɛ Yawɛ, wa Mawu ɔ maa piɛ wa he; lɛ ji nɔ nɛ maa hwu ta amɛ ha wɔ!” Munyu nɛ ɔ nɛ Yuda matsɛ, Hezekia tu ɔ, wo ma a he wami.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Yoshua 23:10

Nyɛ ti nɔ kake ma nyɛ wo nihi akpe fo, ejakaa Yawɛ, nyɛ Mawu ɔ ngɛ ta hwue ha nyɛ kaa bɔ nɛ e wo si ɔ.

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Kronika I, 6:26

Ahimot nina ji nɛ ɔmɛ nɛ: Elkana, Zofai, Nahat,

Kronika I, 4:41

Yuda matsɛ, Hezekia yi nɔ ɔ, nihi nɛ a wo a biɛ ta nɛ ɔ ya Gerar nɛ a ya gbɛ lejɛ ɔ ma mi bi ɔmɛ a bo tsuhi, nɛ a kpata Meun bi ɔmɛ a hɛ mi. A fie ni ɔmɛ kɛ je ma a mi, nɛ a hi lejɛ ɔ, ejakaa niye ní ngɛ lejɛ ɔ kɛ ha a lohwe ɔmɛ.

Kronika I, 5:21

A nuu a he nyɛli ɔmɛ a we afukpɔngɔ akpe nyingmi enuɔ, jijɔ akpe lafa enyɔ kɛ nyingmi enuɔ, teji akpe enyɔ, kɛ ta buli akpe lafa kɛ ho.

Mose I, 49:19

“Gad lɛɛ, ojo fiali ma ba tua lɛ; Se e ma plɛ wo mɛ, nɛ e maa fie mɛ.

Kronika I, 5:26

Enɛ ɔ he je ɔ, Israel Mawu ɔ ha nɛ Asiria matsɛ, Pul (nɛ e biɛ kpa ji Tiglat Pileser a) ba tua a ma a. Tiglat Pileser nuu Ruben, Gad, kɛ Manase wɛtso fa a mi bi ɔmɛ kɛ ya to Hala, Habor, Hara, kɛ Gozan pa a nya. Nɛ lejɛ ɔ ji he nɛ a ngɛ kɛ ba si mwɔnɛ ɔ.

Kronika II, 26:7

Mawu piɛ e he nɛ e kɛ ye Filisti bi, Arabia bi nɛ ngɛ Gurbaal ɔ, kɛ Meun bi ɔmɛ a nɔ kunimi.