Kronika I, 5:1 - BAIBLO ALOO NGMAMI KLƆUKLƆU Ɔ

^1-2 Ruben ji Yakob kekleekle bi. Se akɛnɛ e ble e tsɛ sa kaa e kɛ e tsɛ plã ya hwɔ si he je ɔ, a kpɔ e bitɛte blɔ nya a ngɛ e dɛ, nɛ a kɛ ha Yosef bimɛ ɔmɛ. Enɛ ɔ ha nɛ e biɛ be weku kɛ nina a womi ɔ mi kaa lɛ ji Yakob kekleekle bi. Se Yuda wɛtso ɔ mohu lɛ ba bɔ wawɛɛ pe wɛtso kpa amɛ tsuo, nɛ Yuda wɛtso ɔ hu mi nɛ ganɔ je kɛ ye tsɛ kɛ ha Israel ma a tsuo.

Kronika I, 5:1 ပူးပေါင်းရင်းမြစ်များ

Mose I, 25:23

Yawɛ de lɛ ke, “Bimɛ nɛ ngɛ o mi mi ɔ ma ba pee je ma enyɔ hwɔɔ se, nɛ́ a kɛ a he be yee. Kake he ma ba wa pe kake; nɛ nɔkɔtɔma a ma sɔmɔ jokuɛ ɔ.”

Mose I, 25:31

Yakob he nɔ ke, “Yoo, ma ha mo. Se loko ma ha mo ɔ, ja o ngɔ o blɔ nya kaa bitɛte ɔ ngɔ ha mi.”

Mose I, 29:32

Lea ba na mi nɛ e fɔ binyumu. E wo lɛ biɛ ke Ruben, nɛ e de ke, “Yawɛ na ye we amanehlu ɔ; jehanɛ lɛɛ ye huno ɔ maa suɔ mi.”

Mose I, 35:22

Benɛ Yakob ngɛ jamɛ a zugba a nɔ ɔ, Ruben kɛ Bilha, e tsɛ pla amɛ a ti nɔ kake ɔ ya na bɔmi; nɛ Yakob nu he. Yakob ngɛ binyumuhi nyɔngma kɛ enyɔ.

Mose I, 46:8

Yakob nina nɛ e ngɔ kɛ ya Egipt ɔ ji nɛ ɔmɛ nɛ: Ruben, Yakob bitɛte ɔ,

Mose I, 48:5

Yakob ya nɔ nɛ e de ke, “Binyumuwi enyɔ nɛ o fɔ ngɛ Egipt zugba a nɔ loko i ba hiɛmɛ nɛ ɔ maa pee ye bimɛ, kaa bɔ nɛ Ruben kɛ Simeon ngɛ ɔ pɛpɛɛpɛ.

Kronika I, 2:1

Yakob binyumu ɔmɛ a biɛhi ji Ruben, Simeon, Levi, Yuda, Isakar, Zebulun, Dan, Yosef, Benyamin, Naftali, Gad, kɛ Asher.

Kronika I, 26:10

Nyumu ko ngɛ Merari weku ɔ mi nɛ a tsɛɛ lɛ Hosa. E ngɛ binyumuhi eywiɛ; a biɛhi ji Shimri, Hilkia, Tebalia, kɛ Zakaria. Hosa wo e bi Shimri nɔkɔtɔma, pohu pi lɛ ji bitɛte. Hosa weku li tsuo nɛ buu ngɛ Yawɛ we ɔ ji nyɔngma kɛ etɛ.

Mose II, 6:14

Mose kɛ Aaron a weku he sane ji nɛ ɔ nɛ: Ruben, Israel bitɛte ɔ bimɛ ji Hanok, Palu, Hezron, kɛ Karmi. Ruben weku ɔmɛ ji nɛ ɔmɛ nɛ.

Mose III, 18:8

O kɛ o tsɛ e yo kpa ko kó na nyumu kɛ yo bɔmi nɛ o ba pue o tsɛ hɛ mi si.

Mose III, 20:11

Ke nɔ ko kɛ e tsɛ e yo na bɔmi ɔ, e pue e tsɛ ɔ hɛ mi si. Á gbe nyumu ɔ kɛ yo ɔ tsuo. A gbenɔ ɔ sa mɛ nitsɛmɛ.

Mose IV, 1:5

Kikɛmɛ a nikɔtɔma nɛ ɔmɛ, kɛ wɛtsohi nɛ a je a mi ɔ ji nɛ ɔmɛ nɛ: WƐTSO WƐTSO NƆKƆTƆMA Ruben Elizur, Shedeur bi ɔ Simeon Shelumiel, Zurishadai bi ɔ Yuda Nashon, Aminadab bi ɔ Isakar Netanel, Zuar bi ɔ Zebulun Eliab, Helon bi ɔ Efraim Elishama, Amihud bi ɔ Manase Gamaliel, Pedazur bi ɔ Benyamin Abidan, Gideoni bi ɔ Dan Ahiezer, Amishadai bi ɔ Asher Pagiel, Okran bi ɔ Gad Eliasaf, Deuel bi ɔ Naftali Ahira, Enan bi ɔ.

Mose IV, 16:1

Ligbi ko ɔ, Izhar binyumu Kora, nɛ je Kohat we puɔ nya ngɛ Levi wɛtso ɔ mi ɔ, ya dɔ nihi ngɔ piɛ e he, nɛ a te si ngɔ wo Mose. Ni ɔmɛ a kpɛti nyumuhi etɛ je Ruben wɛtso ɔ mi. Mɛ ji Eliab binyumuhi Datan, kɛ Abiram, kɛ Pelet binyumu On. Israel bi kpahi lafa enyɔ kɛ nyingmi enuɔ piɛ a he. Nimli nɛ ɔmɛ ji ma nimeli nɛ a le mɛ saminya, nɛ ma a hla mɛ.

Mose IV, 26:5

Ruben wɛtso ɔ (Ruben ji Yakob kekleekle binyumu): wekuhi nɛ ngɛ Ruben wɛtso ɔ mi ji Hanok weku ɔ, kɛ a nyatsɛ Hanok; Palu weku ɔ, kɛ a nyatsɛ Palu;

1 Korintobi 5:1

A ngɛ dee ke yo kɛ nyumu yakayaka fiɛmi sanehi ngɛ asafo ɔ mi. Nɔ́ nɛ ba nɛ ɔ, wɔ jali tete po pee we. I nu kaa nɔ ko kɛ lɛ nitsɛ e tsɛ yo ngɛ si hwɔe.

Mose V, 21:17

E ha e bi nɔkɔtɔma ɔ nɔ́ nɛ e ma ha e bi kaketsɛ ɔ totoe enyɔ. Ejakaa bi nɔkɔtɔma nɛ ɔ ji nyumu ɔ kekleekle binyumu nɛ a fɔ ha lɛ.

Mose V, 27:20

“ ‘Mawu maa gbiɛ nɔ tsuaa nɔ nɛ e kɛ e tsɛ yo naa bɔmi nɛ e kɛ pueɔ e tsɛ ɔ hɛ mi si.’ “Ma a tsuo ma he nɔ ke, ‘Amen!’

Mose V, 33:17

Yosef he wa kaa na ku; se e tsuɔ ní kaa na yo nɛ hɛ mi wo la. E he wami ɔ bɔbɔyoo pɛ lɛ ngɛ Manase; se hiɛhiɛɛ ɔ ngɛ Efraim. Yosef buaa a nya kɛ fieɔ a he nyɛli ɔmɛ kɛ yaa se lokoo kaa bɔ nɛ na kɛ e kolihi siɔ nɔ ɔ.”

Kolosebi 1:15

Kristo ji Mawu nɛ a nɛ́ lɛ ɔ subai nɛ a naa. Lɛ ji nibɔ níhi tsuo a kpɛti tɛte.

Yoshua 14:6

Ligbi ko ɔ, Yuda wɛtso ɔ mi ni komɛ ba Yoshua ngɔ ngɛ Gilgal. A ti nɔ kake ji Yefune nɛ je Keniz ɔ binyumu Kaleb. E ba bɔ Yoshua amaniɛ ke, “Mo nitsɛ o le munyu nɛ Yawɛ kɛ Mawu nɔmlɔ Mose tu nɛ kɔɔ i kɛ mo wa he ngɛ Kadesh Barnea.