Kronika I, 4:41 - BAIBLO ALOO NGMAMI KLƆUKLƆU Ɔ

⁴¹ Yuda matsɛ, Hezekia yi nɔ ɔ, nihi nɛ a wo a biɛ ta nɛ ɔ ya Gerar nɛ a ya gbɛ lejɛ ɔ ma mi bi ɔmɛ a bo tsuhi, nɛ a kpata Meun bi ɔmɛ a hɛ mi. A fie ni ɔmɛ kɛ je ma a mi, nɛ a hi lejɛ ɔ, ejakaa niye ní ngɛ lejɛ ɔ kɛ ha a lohwe ɔmɛ.

Kronika I, 4:41 ပူးပေါင်းရင်းမြစ်များ

Kronika I, 3:13

Ahaz, Hezekia, Manase,

Kronika I, 5:22

A gbe he nyɛli ɔmɛ a ti nihi babauu, ejakaa ta a, Mawu nine ngɛ mi. Nɛ a hi jamɛ a zugba a nɔ hluu kɛ ya si be nɛ a je Asiria nɛ a ba nuu mɛ kɛ ho.

Kronika II, 14:15

A ya tua lohwehi a lɛmi he komɛ hulɔ, nɛ a ha tohi kɛ afukpɔngɔhi babauu. Lɔ ɔ se ɔ, a kpale kɛ ba Yerusalem.

Kronika II, 20:1

Pee se ɔ, Moab bi kɛ, Amon bi, kɛ a huɛmɛ nɛ ji Meun bi ɔmɛ ba tua Yuda ma a.

Kronika II, 26:7

Mawu piɛ e he nɛ e kɛ ye Filisti bi, Arabia bi nɛ ngɛ Gurbaal ɔ, kɛ Meun bi ɔmɛ a nɔ kunimi.

Yeremia 49:20

Lɔ ɔ he ɔ, yi mi nɛ i to kɛ wo Edom bi ɔmɛ a he, kɛ bɔ nɛ i to nɛ ma pee Teman ma mi bi ɔmɛ ji nɛ ɔ nɛ. Nyɛɛ bu tue! A bimɛ tsɔwitsɔwi po a maa gbla mɛ ngɛ zugba kɛ je, nɛ nɔ tsuaa nɔ he mi maa po.

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Manyadali 10:12

Sidon, Amalek, kɛ Maon bi ɔmɛ wa nyɛ yi mi be ko nɛ be ɔ, nɛ nyɛ fa kue ha mi. Anɛ i je we nyɛ kɛ ji a dɛ mi lo?