Kronika I, 4:21 - BAIBLO ALOO NGMAMI KLƆUKLƆU Ɔ

^21-22 Shela ji Yuda binyumu ɔmɛ a ti nɔ kake. E nina ji nɛ ɔmɛ nɛ: Er, nɔ nɛ to Leka ma a sisi ɔ, Laada, nɔ nɛ to Meresha ma a sisi ɔ, kploba loli a weku ɔ nɛ hi Bet Ashbea a, Yokim, Kozeba weku ɔmɛ, Yoash kɛ Saraf, nɔ nɛ ngɔ Moab yihi nɛ e ye tsɛ ngɛ Moab, nɛ lɔ ɔ se loko e ba hi Betlehem ɔ. (Blema lokoo sanehi ji nɛ ɔmɛ nɛ.)

Kronika I, 4:21 ပူးပေါင်းရင်းမြစ်များ

Mose I, 38:5

E kpale fɔ binyumu ekohu, nɛ e wo lɛ Shela. Benɛ a fɔ binyumuyo nɛ ɔ, Yuda ngɛ Akzib.

Kronika I, 2:3

Yuda bimɛ ɔmɛ tsuo ɔ, mɛ ni enuɔ. E kɛ e yo Batshua, Kanaan no ɔ fɔ binyumuhi etɛ. Mɛ ji Er, Onan, kɛ Shela. Er bitɛte ɔ, nɔmlɔ yayami ji lɛ; enɛ ɔ he je ɔ, Yawɛ gbe lɛ.

Mose I, 46:12

Yuda kɛ e binyumu ɔmɛ: Shela, Perez, kɛ Zera. (Yuda binyumu kpahi, Er kɛ Onan ɔ, mɛɛ a gbo ngɛ Kanaan zugba a nɔ.) Perez binyumuhi ji: Hezron kɛ Hamul.

Nehemia 11:5

Baruk bi Maaseya, Kolhoze bibi ɔ. E nɛmɛ kpahi ji Hazaya, Adaya, Yoyarib, kɛ Zakaria. Yuda bi Shela nina ji mɛ tsuo.

Kronika I, 4:20

Shimon ngɛ binyumuhi. A biɛhi ji Amnon, Rina, Benhanan, kɛ Tilon. Ishi hu ngɛ binyumuhi nɛ a tsɛɛ mɛ Zohet, kɛ Benzohet.

Yoshua 15:44

Keila, Akzib, Maresha. E peeɔ ma nɛɛ kɛ a he kɔpehi.

Yesaya 19:9

Kpa tslɔli, kɛ kploba loli tsuo a nine mi maa je wu.