Kronika I, 3:15 - BAIBLO ALOO NGMAMI KLƆUKLƆU Ɔ

¹⁵ Yosia ngɛ binyumuhi eywiɛ. A biɛhi ngɛ a wami nya ji Yohonam, Yehoyakim, Zedekia, Yoahaz.

Kronika I, 3:15 ပူးပေါင်းရင်းမြစ်များ

Matsɛmɛ II, 23:34

Matsɛ Neko wo Yosia binyumu Eliakim matsɛ ngɛ Yosia nane mi, nɛ e tsake e biɛ kɛ pee Yehoyakim. Matsɛ Neko ngɔ Yoahaz kɛ ho Egipt ya, nɛ e ya gbo ngɛ lejɛ ɔ.

Matsɛmɛ II, 23:31

Yoahaz ye jeha nyingmi enyɔ kɛ etɛ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ nyɔhiɔ etɛ. E nyɛ biɛ ji Hamutal. Yeremia nɛ je Libna a biyo ji lɛ.

Kronika I, 3:14

Amon, kɛ Yosia.

Kronika I, 3:16

Yehoyakim ngɛ binyumuhi enyɔ: Yehoyakin kɛ Zedekia.

Yeremia 1:3

E kɛ lɛ tu munyu ekohu be mi nɛ Yehoyakim, Yosia binyumu ɔ ngɛ matsɛ yee ngɛ Yuda ma a nɔ. Lɔ ɔ se ɔ, Yawɛ kɛ Yeremia tu munyu nɔtonɔto hluu kɛ ya si Yuda matsɛ Zedekia, Yosia binyumu ɔ yi nɔ jeha nɛ ji nyɔngma kɛ kake ɔ nyagbe. Jamɛ a jeha a we nyɔhiɔ enuɔne ɔ mi ɔ, a ba nuu Yerusalem ma mi bi ɔmɛ nyɔguɛ kɛ ho.

Yeremia 22:11

Yosia binyumu Yoahaz nɛ ba ye e tsɛ se kaa Yuda matsɛ ɔ, bɔ nɛ Yawɛ de ngɛ e he ji nɛ ɔ nɛ: “Nɛ a kɛ lɛ yaa nɛ ɔ, e be kpalee kɛ ba hiɛmɛ nɛ ɔ hu gblegbleegble.

Yeremia 37:1

Babilonia matsɛ, Nebukadnezar wo Zedekia, Yosia bi ɔ Yuda matsɛ ngɛ Yehoyakim bi Yehoyakin nane mi.

Matsɛmɛ II, 24:17

Nebukadnezar wo Yehoyakin tsɛko Matania matsɛ ngɛ Yehoyakin nane mi; nɛ e tsake e biɛ ngɔ pee Zedekia.

Kronika II, 36:1

Yuda ma a hla Yosia binyumu Yehoahaz, nɛ a pɔ lɛ nu, nɛ a wo lɛ matsɛ ngɛ Yerusalem.

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Yeremia 22:18

Lɔ ɔ he ɔ, bɔ nɛ Yawɛ ngɛ dee ngɛ Yuda matsɛ, Yehoyakim, Yosia binyumu ɔ he ji nɛ ɔ nɛ: “Ke e gbo ɔ, nɔ ko nɔ ko be kɔmɔ yee ha lɛ; nɔ ko nɔ ko be dee ke, ‘Ye nyɛmi due! Due!’ Nɔ ko nɔ ko be ya foe ha lɛ ke, ‘Ye nyɔmtsɛ! Ye matsɛ!’

Yeremia 24:8

“Se ni nɛmɛ nɛ piɛ nɛ a nuu we mɛ kɛ yɛ Babilonia a, bɔ nɛ a peeɔ ngmɔkɔ nɛ sa nɛ hí yemi ɔ, jã pɛ imi, Yawɛ ma pee mɛ. Mɛ ji Yuda matsɛ, Zedekia, ma nimeli ɔmɛ, Yerusalem ma mi bi ɔmɛ nɛ piɛ ngɛ zugba a nɔ, kɛ ni nɛmɛ nɛ ho Egipt ya a.

Yeremia 26:1

Benɛ Yuda matsɛ, Yehoyakim, Yosia bi ɔ bɔni matsɛ yemi ɔ, e kɛ we kulaa nɛ Yawɛ ha mi sɛ gbi nɛ ɔ.