Kronika I, 29:9 - BAIBLO ALOO NGMAMI KLƆUKLƆU Ɔ

⁹ Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

Kronika I, 29:9 ပူးပေါင်းရင်းမြစ်များ

2 Korintobi 8:3

I ngɛ odase yee kaa a ha bɔ nɛ a ma nyɛ kɛ je a tsui mi faa; ee, a ha pe bɔ nɛ a ma nyɛ po.

Matsɛmɛ I, 8:61

Nyɛ, e ma a, nyɛɛ ye Yawɛ, wa Mawu ɔ anɔkuale daa, nɛ nyɛɛ ye e mlaa amɛ, kɛ blɔ nya tomi ɔmɛ tsuo a nɔ kaa bɔ nɛ nyɛ ngɛ pee mwɔnɛ nɛ ɔ.”

Filipibi 4:10

I na bua jɔmi babauu ngɛ Nyɔmtsɛ ɔ mi kaa be saii ji nɛ ɔ nɛ i nui nyɛ he ɔ, jehanɛ lɛɛ nyɛ na he blɔ kɛ ngɛ nyɛ suɔmi kpo jee kɛ tsɔɔ mi ekohu. I tsɔɔ we kaa nyɛ susuu we ye he hu, se he blɔ nɛ nyɛ ya na we kɛ pee nɔ́ ko ha mi.

Yohane 15:11

“I de nyɛ ní nɛ ɔmɛ tsuo, konɛ kaa bɔ nɛ bua jɔmi ngɛ ye mi ɔ, nyɛ hu nyɛ na bua jɔmi babauu.

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Filipibi 4:1

Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

Luka 15:6

nɛ e kɛ lɛ baa we mi. Lɔ ɔ se ɔ, e tsɛɔ e huɛmɛ, kɛ e paka bi, nɛ e deɔ mɛ ke, ‘I na ye to nɛ laa a; nyɛ ha nɛ wa nya!’

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Manyadali 5:9

Israel tatsɛmɛ ɔmɛ nɛ ngɔ a he ngɔ ke ɔ, i ná a he bua jɔmi. Nyɛ je Yawɛ yi!

Mose II, 35:29

Israel ma a tsuo, nyumuhi kɛ yihi, kɛ nɔ tsuaa nɔ nɛ e ta e tsui mi kaa e ha nɔ́ ko nɛ a kɛ tsu ní tsumi slɔɔtohi nɛ Yawɛ fa Mose ke a tsu ɔ je a tsui mi faa ngɔ a nike ní ɔmɛ kɛ ba ba ha Yawɛ.

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

Kronika II, 17:16

Asafoatsɛ nɛ ba ngɛ lɛ hu e se ji Zikri binyumu Amasia nɛ ngɔ e he ngɔ ha kaa e ma tsu ní ha Yawɛ. E we bi ɔmɛ a hiɛmi ji akpe lafa enyɔ.

Matsɛmɛ II, 12:5

Osɔfo tsuaa osɔfo nɛ e he sika a ngɛ lɛ nitsɛ e we asafo bi a dɛ, konɛ be tsuaa be nɛ e maa hia kaa a dla Yawɛ we ɔ, a ngɔ sika a kɛ dla lɛ.

Kronika II, 24:10

Sane nɛ ɔ ngɔ ma a, kɛ ganɔ ɔmɛ a nya saminya. Lɔ ɔ he ɔ, a ngɔ a tó ɔ kɛ ba ba wo daka a mi hluu kɛ ya si e hyi tɔ.

Kronika II, 31:8

Benɛ Matsɛ Hezekia, kɛ ganɔ ɔmɛ ba na nike ní babauu nɛ a kɛ ba a, a je Yawɛ kɛ e ma Israel ɔ a yi.

Ezra 1:6

Nihi tsuo nɛ a kɛ mɛ ngɛ ɔ tsuo wo mɛ blɔ kɛ níhi babauu; sika hiɔ ní, sika tsu, tlomi, lohwehi, nike ní kpahi nɛ a he jua wa, kɛ nike níhi nɛ je tsui mi faa kɛ ba Mawu we ɔ.