Kronika I, 29:16 - BAIBLO ALOO NGMAMI KLƆUKLƆU Ɔ

¹⁶ Yawɛ, wa Mawu lee, níhi babauu nɛ wa ngɔ kɛ ba nɛ a kɛ po we ha mo, konɛ a kɛ wo o biɛ klɔuklɔu ɔ hɛ mi nyami ɔ, o dɛ mi a je, o níhi ji tsuo kulaa.

Kronika I, 29:16 ပူးပေါင်းရင်းမြစ်များ

La 24:1

Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.

Kronika I, 29:14

“I kɛ ye ma a, mɛnɔmɛ ji wɔ nɛ wa ma nyɛ je wa tsui mi faa kɛ ke mo ní kaa kikɛ nɛ ɔ? Ejakaa nɔ́ tsuaa nɔ́ nɛ wa ngɛ ɔ, mo lɛ o ke wɔ. Lɔ ɔ he ɔ, mo nitsɛ o níhi wa ngɔ ba ha mo nɛ ɔ nɛ.

Luka 19:16

Kekle nɔ ɔ ba ba de ke, ‘Sika tsu kpɔ kake ɔ nɛ o ha mi ɔ fɔ sika tsu kpɔ nyɔngma.’

Hosea 2:8

E li tete kaa ngma, dã, kɛ nu ɔ, imi lɛ i ha lɛ. Jehanɛ, sika hiɔ, kɛ sika tsu ní nɛ a kɛ jaa Baal ɔ, e li kaa imi lɛ i kɛ dloo lɛ.

Kronika II, 31:10

nɛ osɔfo nɔkɔtɔma Azaria, Zadok nina a de lɛ ke, “Kɛ je be nɛ ma a kɛ nike ní ɔmɛ bɔni Yawɛ we ɔ mi bami ɔ, wa yeɔ ní nɛ wa tɔɔ, nɛ babauu piɛɔ ngɛ se. Niinɛ, Yawɛ gbaa e ma a babauu nitsɛ, nɛ nɔ́ nɛ a ye nɛ piɛ ɔ ji níhi nɛ pueɔ si ngɛ hiɛmɛ nɛ ɔ nɛ.”

Kronika I, 29:15

Yawɛ lee, o le kaa wa ngɛ kaa nibwɔhi, kɛ blɔ nyɛɛli kaa wa nɛmɛ ɔmɛ pɛ. Wa wami ligbi ɔmɛ bee kɛ yaa kaa hɔ̃, nɛ wa be nyɛe maa tu gbenɔ nya fo.

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Hagai 2:8

Ye níhi ji je ɔ mi sika tsu, kɛ sika hiɔ tsuo.