Kronika I, 28:9 - BAIBLO ALOO NGMAMI KLƆUKLƆU Ɔ

⁹ Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika I, 28:9 ပူးပေါင်းရင်းမြစ်များ

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Matsɛmɛ I, 3:6

Salomo he nɔ ke, “O na tsaatsɛ David, o tsɔlɔ ɔ mɔbɔ babauu; ejakaa e ye mo anɔkuale, nɛ e pee nɔ́ nɛ da, nɛ e kɛ mo hi si saminya kɛ tsui mi faa. O mɔbɔ nami nɛ se pui nɛ ɔ tsa nɔ kɛ ba si o ha lɛ binyumu nɛ ba ngɛ tsɛ yee ngɛ e se mwɔnɛ nɛ ɔ.

Matsɛmɛ I, 8:39

moo nu a pɛɛ kpami ɔ. Moo bu mɛ tue ngɛ o hi he ɔ ngɛ hiɔwe; ngɔɔ a he yayami ɔmɛ ngɔ pa mɛ, nɛ o ye kɛ bua mɛ. Mo pɛ lɛ o le nɔmlɔ adesa tsui mi. Moo pee nɔ tsuaa nɔ hiami ní ha lɛ,

Matsɛmɛ I, 8:43

moo bu e pɛɛ kpami ɔ tue. Moo nu ngɛ o hi he ɔ ngɛ hiɔwe, nɛ o pee nɔ́ nɛ e ngɛ hlae ɔ ha lɛ; bɔ nɛ pee nɛ nimli tsuo nɛ ngɛ je ɔ mi ɔ, a le mo, nɛ a bu mo kaa bɔ nɛ o ma, Israel bi ɔmɛ buu mo ɔ. Kɛkɛ ɔ, a maa le kaa we nɛ ɔ nɛ i po ɔ ji he nɛ sa nɛ a ja mo ngɛ.

Matsɛmɛ I, 8:61

Nyɛ, e ma a, nyɛɛ ye Yawɛ, wa Mawu ɔ anɔkuale daa, nɛ nyɛɛ ye e mlaa amɛ, kɛ blɔ nya tomi ɔmɛ tsuo a nɔ kaa bɔ nɛ nyɛ ngɛ pee mwɔnɛ nɛ ɔ.”

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Matsɛmɛ II, 21:22

E kua Yawɛ, e nɛmɛ a Mawu ɔ, nɛ e yi Yawɛ mlaa amɛ a nɔ.

Matsɛmɛ II, 22:2

Yosia ní peemi níhi sa Yawɛ hɛ mi. E ya wo e nɛ̃ David nane ngɛ nɔ́ tsuaa nɔ́ peemi mi, nɛ e ye Mawu mlaa amɛ tsuo a nɔ sisiisi.

Kronika I, 22:19

Lɔ ɔ he ɔ, nyɛ sɔmɔ Yawɛ, nyɛ Mawu ɔ kɛ nyɛ tsui tsuo, kɛ nyɛ juɛmi tsuo. Nyɛɛ je Yawɛ we ɔ mami sisi, konɛ nyɛɛ ngɔ Yawɛ somi daka a, kɛ ní klɔuklɔu kpa amɛ tsuo nɛ a kɛ sɔmɔɔ lɛ ɔ kɛ ba ma mi.”

Kronika I, 28:8

“Lɔ ɔ he ɔ, ye nyɛmimɛ, ngɛ wa Mawu ɔ, kɛ Israel ma kpekpemi nɛ ɔ nɛ ji Yawɛ ma a hɛ mi ɔ, i ngɛ nyɛ dee ke nyɛɛ ye mlaa amɛ nɛ Yawɛ, wa Mawu ɔ wo wɔ ɔ a nɔ fitsofitso. Ke nyɛ pee ja a, zugba kpakpa nɛ ɔ maa pee nyɛ nɔ daa, nɛ nyɛ ma si kɛ ha nyɛ bimɛ nɛ maa ba ngɛ nyɛ se ɔ kaa gbosi ní kɛ maa ya neneene.”

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

Kronika II, 12:5

Kɛkɛ nɛ gbalɔ Shemaya ba Rehoboam, kɛ Yuda ganɔ ɔmɛ a ngɔ ngɛ Yerusalem. Blɔɔ Yuda ganɔ nɛ ɔmɛ ya ye Shishak gbeye, nɛ a tu fo kɛ je a ma amɛ a mi ba bua a he nya ngɛ Yerusalem. Shemaya de mɛ ke, “Bɔ nɛ Yawɛ de ji nɛ ɔ nɛ: ‘Nyɛ kua mi, lɔ ɔ he ɔ, imi hu i ngmɛɛ nyɛ he kɛ wo Shishak dɛ mi.’ ”

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 6:30

moo nu a kue fami ɔ. Bu mɛ tue ngɛ o hi he ɔ ngɛ hiɔwe, nɛ o ngɔ a he yayami ɔmɛ ngɔ pa mɛ. Mo pɛ lɛ o le nɔmlɔ adesa tsui mi. Moo pee nɔ tsuaa nɔ hiami ní ha lɛ,

Ezra 8:22

Kaa pe i ya bi matsɛ ɔ ke e ha wɔ ta buli nɛ hi okpɔngɔhi a nɔ nɛ a bu wa he kɛ je he nyɛli a dɛ mi ngɛ blɔ ɔ nɔ ɔ, jinɛ e ko pee mi zo; ejakaa i ha nɛ e nu sisi momo kaa nɔ tsuaa nɔ nɛ ngɔɔ e hɛ ngɔ fɔɔ wa Mawu ɔ nɔ ɔ, e gbaa lɛ; se nɔ tsuaa nɔ nɛ kuaa lɛ wa Mawu ɔ, lɛ hu e bua jɔɛ jamɛatsɛ he; e gblaa nɔ ɔ tue wawɛɛ mohu.

La 101:2

Ma ba ye je mi saminya, konɛ a ko na piami ko ngɛ ye he. Mɛni be po lɛ o maa ba ye ngɔ? Ma hi si ngɛ mumi mi he tsɔmi mi ngɛ ye we ɔ mi.

La 139:2

Ye si himi, kɛ ye si temi tsuo o le, ye yi mi tomi tsuo pɛpɛɛpɛ, o le momo.

La 17:3

Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 7:10

Mawu ji ye he bulɔ. Nihi nɛ peeɔ nɔ́ nɛ da a, e heɔ a yi wami.

La 7:9

Mawu nɛ yeɔ dami sane ji mo; o le nimli a tsui mi, kɛ a juɛmi mi. Ha nɛ nimli yayamihi nɛ jɔɔ yayami peemi, konɛ nimli kpakpahi lɛɛ o pee mɛ bɔ nɛ sa.

La 89:26

E ma tsɛ mi ke, ‘Tsaatsɛ, ye Mawu, ye he bulɔ, kɛ ye yi wami helɔ.’

La 89:38

Se nɔ nɛ o pɔ lɛ nu ɔ, o mi mi fu lɛ; o kua lɛ, nɛ o hɛ lɛ ngɔ fɔ he.

La 9:10

Yawɛ, nihi nɛ le mo ɔ, a ngɔɔ a hɛ kɛ fɔɔ o nɔ. Ejakaa ni nɛmɛ nɛ hla o se blɔ ɔ, mo Yawɛ, o kua we mɛ.

Mose II, 15:2

Yawɛ ji ye he falɔ kpanaa; lɛ ji nɔ nɛ he ye yi wami. Ma je e yi, ejakaa lɛ ji ye Mawu; ma wo e hɛ mi nyami, ejakaa Tsaatsɛ e Mawu ji lɛ.

Mose II, 3:16

Yaa nɛ o ya bua Israel ma nimeli ɔmɛ a nya, nɛ o de mɛ ke, Yawɛ, Mawu ɔ nɛ nyɛ nɛmɛ Abraham, Isak, kɛ Yakob ja lɛ ɔ je e he kpo tsɔɔ mi, nɛ e de mi ke, ‘I na nɔ́ nɛ a ngɛ nyɛ pee ngɛ Egipt ɔ,

Abɛ Womi 17:3

La a kɛ tsuɔ sika tsu kɛ sika hiɔ he, se Yawɛ lɛ kaa adesa tsui hyɛɔ.

Abɛ Womi 3:6

Nɔ́ tsuaa nɔ́ mi ɔ, mo kai Yawɛ, nɛ e maa tsɔɔ mo blɔ nɛ da.

Abɛ Womi 4:4

tsaatsɛ tsɔɔ mi ní. Nɔ́ nɛ e pɔɔ mi demi ji, “Mo kai níhi nɛ i de mo ɔ, nɛ o hɛ ko je a nɔ gblegbleegble. Moo ye mlaa nɛ i wo mo ɔ nɔ, konɛ o yi nɛ na wami.

Yesaya 1:28

Se nihi nɛ peeɔ yayami, nɛ tsɔɔ e hɛ mi atuã a, e ma kpata a hɛ mi; e maa gbe nɔ tsuaa nɔ nɛ kuaa lɛ ɔ.

Yesaya 38:3

“Yawɛ, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Yesaya 45:19

I tu we munyu ngɛ laami mi; ye yi mi tomi fɔɔ si paa. I de we Israel ma a ke a ya hla mi ngɛ nga pã. Imi ji Yawɛ, anɔkuale pɛ i tuɔ; nɔ́ nɛ da a, lɔ ɔ pɛ i deɔ.”

Yeremia 11:20

Kɛkɛ nɛ i sɔle ke, “Yawɛ Tabohiatsɛ lee, kojolɔ nɛ yeɔ dami sane; mo nɛ o hyɛɛ nɔmlɔ adesa tsui mi kɛ e juɛmi mi fitsofitso. I to ye sane ɔ kɛ wo o dɛ; lɔ ɔ he ɔ, i ngɛ mo hyɛe konɛ o wo nimli nɛ ɔmɛ hiɔ bɔ nɛ sa mɛ.”

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Yeremia 20:12

Se mo, Yawɛ Tabohiatsɛ! Moo lɛɛ o hyɛɛ nimli a tsui mi kɛ a juɛmi mi; o le nihi nɛ peeɔ nɔ́ nɛ da. I tu ye sane ɔ kɛ wo o dɛ, lɔ ɔ he ɔ, gbla ye he nyɛli ɔmɛ a tue ha mi nɛ ma na kɛ ye hɛngmɛ.

Yeremia 22:16

E ye ohiatsɛmɛ, kɛ nɔ́ nali a sane ha mɛ, nɛ e nɔ́ tsuaa nɔ́ ya nɔ bɔ nɛ sa. Anɛ pi enɛ ɔ peemi ji Yawɛ lemi lo?

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

Yeremia 29:13

Nyɛ ma hla ye se blɔ, nɛ nyɛ maa na mi. Ke nyɛ ngɔ nyɛ tsui tsuo kɛ hla ye se blɔ ɔ,

Yeremia 29:14

nyɛ maa na mi, nɛ ma ngɔ nyɛ kɛ ba nyɛ zugba a nɔ ekohu. Je mahi, kɛ hehi tsuo nɛ i fie nyɛ kɛ ho ɔ, ma bua nyɛ nya kɛ je lejɛ ɔmɛ, nɛ ma kpale nyɛ kɛ ba hiɛmɛ nɛ ɔ nɛ i ha nɛ a nuu nyɛ kɛ je ɔ ekohu. Imi, Yawɛ lɛ i de.’

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Yeremia 9:24

Ke nɔ ko suɔ kaa e maa fĩa a, e fĩa kaa e le mi saminya; ejakaa ye suɔmi ɔ se pui gblegbleegble; i peeɔ nɔ́ nɛ da, nɛ i yeɔ dami sane. Ní nɛ ɔmɛ ji níhi nɛ saa ye hɛ mi. Imi, Yawɛ lɛ i de.”

Ezekiel 11:5

Jehanɛ, Yawɛ mumi ɔ ba ye nɔ, nɛ e de mi ke ma de ni nɛ ɔmɛ ke, “Bɔ nɛ Yawɛ ngɛ dee ji nɛ ɔ nɛ. Nyɛ Israel ma, nɔ́ nɛ nyɛ ngɛ susue ji nɛ ɔ? I le níhi nɛ nyɛ ngɛ susue.

Ezekiel 38:10

Bɔ nɛ Nyɔmtsɛ Yawɛ ngɛ Gog dee ji nɛ ɔ nɛ: “Ke jamɛ a be ɔ su ɔ, susumi slɔɔtoslɔɔtohi maa ba o yi mi, se ga yaya mohu o maa to.

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 2:25

E hia we pohu nɛ nɔ ko nɛ ye nɔmlɔ adesa he odase kɛ tsɔɔ lɛ, ejakaa lɛ nitsɛ e le nɔmlɔ yi mi.

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Yohane 4:24

Mawu ɔ, Mumi ji lɛ, nɛ nihi nɛ jaa lɛ ɔ, ja a ja lɛ ngɛ mumi kɛ anɔkuale mi.”

Yohane 8:55

Imi le lɛ, se nyɛɛ lɛɛ nyɛ li lɛ. Ke i de ke i li lɛ ɔ, lɛɛ lakpatsɛ ji mi kaa nyɛ nɔuu. Se i le lɛ, nɛ i buɔ lɛ tue.

Ni Tsumi 1:24

Kɛkɛ nɛ a sɔle ke, “Nyɔmtsɛ, mo nɛ o le nimli tsuo a tsui mi, tsɔɔ wɔ ni enyɔ nɛ ɔmɛ a ti nɔ nɛ o hla,

Ni Tsumi 17:23

Ejakaa benɛ i nyɛɛ nyɛ ma a mi kɛ bee ɔ, i hyɛ níhi nɛ nyɛ jaa a. I na bɔ sami la tɛ ko nɛ a ngma ngɛ nɔ ke, ‘Mawu nɛ a li lɛ ɔ nɔ́.’ Lɔ ɔ he ɔ, nɔ nɛ nyɛ li lɛ, se kɛ̃ ɔ, nyɛ jaa lɛ ɔ, lɛ nɔuu e he sane i ngɛ fiɛe kɛ ngɛ nyɛ tsɔɔe ɔ nɛ.

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 31:21

nɛ haomi gbeyegbeye babauu maa ba a nɔ. Jamɛ a be ɔ mi tsuo ɔ, a maa hi la nɛ ɔ lae, nɛ e maa pee odase kɛ si mɛ. Amlɔ nɛ ɔ po nɛ i kɛ mɛ sui zugba nɛ i wo si ke ma ha mɛ ɔ nɔ lolo ɔ, i le a yi mi.”

Mose V, 4:35

Nyɛɛ lɛɛ Yawɛ ha nyɛ na ní nɛ ɔmɛ kɛ tsɔɔ nyɛ kaa Yawɛ ɔ, lɛ nɔ kake pɛ ji Mawu; nɛ nɔ ko nɔ ko be hu, ja lɛ pɛ.

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Samuel I, 12:20

Se Samuel de mɛ ke, “Nyɛ ko ye gbeye. E ngɛ mi kaa nyɛ ná pee kikɛmɛ a yayami nɛ ɔmɛ tsuo lɛɛ, se kɛ̃, nyɛ ko je Yawɛ se; mohu nyɛ sɔmɔ lɛ kɛ nyɛ tsui tsuo.

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”