Kronika I, 28:4 - BAIBLO ALOO NGMAMI KLƆUKLƆU Ɔ

⁴ Yawɛ, Israel Mawu ɔ hla imi, kɛ ye nina kaa waa ye Israel nɔ matsɛ kɛ ya neneene. Yawɛ hla Yuda wɛtso ɔ, nɛ e pee mɛ hɛ mi nyɛɛli. Jehanɛ, e hla tsaatsɛ we ɔ, nɛ ngɛ tsaatsɛ bimɛ ɔmɛ a kpɛti ɔ, e ná ye he bua jɔmi, nɛ e wo mi Israel tsuo nɔ matsɛ.

Kronika I, 28:4 ပူးပေါင်းရင်းမြစ်များ

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Kronika I, 17:27

Lɔ ɔ he ɔ, i kpa mo pɛɛ nɛ o ya nɔ nɛ o gbaa imi, o tsɔlɔ ɔ, ye nina daa. Yawɛ lee, o gbaa mɛ momo, nɛ o gbaami ɔ maa hi a nɔ kɛ maa ya neneene.”

Kronika I, 17:23

“Lɔ ɔ he ɔ, Yawɛ, si nɛ o wo nɛ kɔɔ o tsɔlɔ ɔ, kɛ e nina a he ɔ, moo ye nɔ daa, nɛ o pee kaa bɔ nɛ o de ɔ.

Hebribi 7:14

Wa Nyɔmtsɛ ɔ, wa le kaa Yuda wɛtso ɔ mi nɛ e je; nɛ Mose de we nɔ́ ko kɛ kɔ Yuda wɛtso ɔ osɔfo yemi he.

La 108:8

Ye mahi ji Gilead kɛ Manase. Efraim ji ye dade pɛɛ, nɛ Yuda ji ye matsɛ tso.

La 60:7

Ye mahi ji Gilead, kɛ Manase. Efraim ji ye dade pɛɛ, nɛ Yuda ji ye matsɛ tso.

La 18:19

E ngɔ mi kɛ ba he nɛ he jɔmi ngɛ. E he ye yi wami, ejakaa e suɔ mi.

Samuel I, 26:1

Zif bi ɔmɛ ba Saul ngɔ ngɛ Gibea ba bɔ lɛ amaniɛ ke David ba laa e he ngɛ Hakila yo ɔ nɔ ngɛ Yuda nga a nya.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

La 89:4

‘Ma ha nɛ o nina maa ye matsɛ daa; o matsɛ yemi ɔ maa hi si kɛ maa ya neneene.’ ”