Kronika I, 28:21 - BAIBLO ALOO NGMAMI KLƆUKLƆU Ɔ

²¹ A dla ní tsumi ngɔ ha osɔfo ɔmɛ, kɛ Levi bi ɔmɛ nɛ a ma tsu ngɛ Yawɛ we ɔ. Ní tsuli nɛ le ga ní tsumi slɔɔtohi pee klaalo nɛ a maa piɛ o he. Jehanɛ se hu, ma a, kɛ ma nimeli ɔmɛ tsuo ngɛ mlɛe nɛ o wo gbi, konɛ a ba piɛ o he.”

Kronika I, 28:21 ပူးပေါင်းရင်းမြစ်များ

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

Romabi 13:1

Nɔ tsuaa nɔ nɛ ba e he si ha ma nɔ yeli, ejakaa blɔ nya tsuaa blɔ nya a, Mawu lɛ haa nɔ; nɛ nɔ yeli nɛ ngɛ nɛ ɔ hu he wami nɛ a hɛɛ ɔ, Mawu lɛ ha mɛ.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Kronika I, 28:13

Jehanɛ, David ha Salomo fonihi nɛ a maa hyɛ nɔ kɛ dla ní tsumi ha osɔfo ɔmɛ, kɛ Levi bi ɔmɛ ngɛ Yawɛ we ɔ, kɛ bɔ nɛ a maa hyɛ níhi tsuo nɛ a kɛ tsuɔ ní ngɛ Yawɛ we ɔ a nɔ ha.

Mose II, 35:25

Yihi tsuo nɛ ga ngɛ a hɛ mi ɔ tslɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa kɛ ba.

Mose II, 31:3

nɛ i ngɔ mumi mi nike ní babauu ngɔ ha lɛ. I dloo lɛ ga ní tsumi he juɛmi, kɛ nile ha ga ní tsumi slɔɔtohi tsuo,

Mose II, 36:1

“Bezalel, Oholiab, kɛ nɔ tsuaa nɔ nɛ Yawɛ dloo lɛ ga ní tsumi he juɛmi, kɛ nile nɛ a kɛ ma tsu he klɔuklɔu ɔ mami ní tsumi ɔ, mɛ tsuo pɛpɛɛpɛ a ba nɛ a ba tsu ní ɔ kaa bɔ nɛ Yawɛ fa mɛ ɔ.”

Mose II, 36:2

Mose tsɛ Bezalel, Oholiab, kɛ nɔ tsuaa nɔ nɛ Yawɛ dloo lɛ ga nile, nɛ jehanɛ e ngɛ ní tsumi ɔ he suɔmi ɔ kɛ ba ní tsumi ɔ he.

Kronika I, 26:26

Nike ní tsuo nɛ Matsɛ David, we puɔ nya dali ɔmɛ, wɛtsoyi ɔmɛ, kɛ tatsɛmɛ ɔmɛ gbaa nɔ kɛ to ha Mawu ɔ, Shelomit kɛ e we mi bi ɔmɛ lɛ a hyɛɛ nɔ.