Kronika I, 28:20 - BAIBLO ALOO NGMAMI KLƆUKLƆU Ɔ

²⁰ Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

Kronika I, 28:20 ပူးပေါင်းရင်းမြစ်များ

Matsɛmɛ I, 6:38

Salomo yi nɔ jeha nɛ ji nyɔngma kɛ kake ɔ we nyɔhiɔ kpaanyɔne ɔ nɛ a tsɛɛ Bul ɔ mi ɔ, a gbe Yawɛ we ɔ, kɛ e he nɔ́ tsuaa nɔ́ nya pɛpɛɛpɛ kaa bɔ nɛ a tsɔɔ kaa a ma lɛ ɔ. Lɔ ɔ he ɔ, jeha kpaago ji be tsuo nɛ Salomo ngɔ kɛ ma Yawɛ we ɔ.

Kronika I, 22:13

Mlaa amɛ tsuo nɛ Yawɛ wo Israel ma a kɛ gu Mose nɔ ɔ, ke o ye a nɔ ɔ, e maa hi ha mo. O he nɛ wa nɛ o pee kã; koo ye nɔ́ ko nɔ́ ko gbeye!

Kronika I, 28:10

Ná nɛ o le kaa Yawɛ hla mo konɛ o ma e we klɔuklɔu ɔ. Pee kã nɛ o kɛ tsu ní tsumi nɛ ɔ.”

Kronika II, 19:11

Sanehi tsuo nɛ kɔɔ Yawɛ jami he ɔ, ke Amaria, osɔfo nɔkɔtɔma pe kulaa a ngɔ e nya ngɔ wo mi pɛ, a po sisi; nɔ kpa ko be he blɔ nɛ e deɔ nɔ́ ko hu. Ma mi sanehi lɛɛ, nɔkɔtɔma pe kulaa nɛ maa to blɔ nya ji Ishmael binyumu Zebadia, amlaalo ɔ nɛ ngɛ Yuda a. Ke lɛɛ e tu munyu ɔ, nɔ kpa ko be he blɔ nɛ e deɔ nɔ́ ko hu. Ke a ye sane ko gbe nya nɛ a buá he ɔ, Levi bi ɔmɛ a blɔ nya ní tsumi ji kaa a hyɛ konɛ blɔ nya nɛ kojomi he ɔ to ɔ, a ye nɔ. Nyɛɛ pee kã, nɛ nyɛɛ ye mlaa nɛ ɔmɛ a nɔ. Yawɛ nɛ piɛ nɔ nɛ peeɔ nɔ́ nɛ da a he!”

Ezra 10:4

Tee si; o ní tsumi ji nɛ ɔ nɛ; wa ngɛ o se kpɛii. Pee kã, nɛ o tsu.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 41:13

Ejakaa imi ji Yawɛ, o Mawu ɔ nɛ; imi lɛ i ngɛ mo he wami woe ɔ nɛ, i ngɛ mo dee ke, ‘Koo ye gbeye! Ma piɛ o he!’ ”

Hagai 1:13

Jehanɛ Hagai, Yawɛ tsɔlɔ ɔ ngɔ Yawɛ sɛ gbi ɔ ngɔ ha ma a ke, “I kɛ nyɛ ngɛ.” Yawɛ lɛ de.

Hagai 2:4

Se kɛ̃ ɔ, nyɛ ti nɔ ko nɔ ko kɔni mi ko wo nyu. Nyɛ tsu ní ɔ, ejakaa i kɛ nyɛ ngɛ.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Mose V, 4:31

Akɛnɛ Yawɛ, nyɛ Mawu ɔ, mɔbɔ nalɔ ji lɛ he je ɔ, e be nyɛ kuae, nɛ e be nyɛ hɛ mi kpatae; e hɛ be somi nɛ e kɛ nyɛ nɛmɛ ɔmɛ so ɔ nɔ jee.

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”