Kronika I, 28:2 - BAIBLO ALOO NGMAMI KLƆUKLƆU Ɔ

² Kɛkɛ nɛ David ba da si ngɛ ma a hɛ mi, nɛ e de ke, “Ye nyɛmimɛ, kɛ ye ma, nyɛɛ bu mi tue! Jinɛ i to nɛ ma po we nitsɛ nɛ a to somi daka a, he nɛ Yawɛ, wa Mawu ɔ hii ɔ ngɛ mi. Nɔ́ tsuaa nɔ́ nɛ he maa hia kɛ ha we nɛ ɔ pomi ɔ, i bua nya.

Kronika I, 28:2 ပူးပေါင်းရင်းမြစ်များ

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

La 99:5

Nyɛ je Yawɛ, wa Mawu ɔ yi! Nyɛ kpla si ngɛ e matsɛ sɛ ɔ hɛ mi nɛ nyɛ ja lɛ. Mawu klɔuklɔu ji lɛ!

Kɔmɔ Yemi 2:1

Benɛ Nyɔmtsɛ ɔ mi mi wo la a, e ha nɛ bɔku ha Zion nɔ. E kpɔ́ Israel he fɛu ɔ kɛ je hiɔwe kɛ ba pue zugba. Ligbi ɔ nɛ e mi mi fu ɔ, e kua lɛ nitsɛ e we pohu.

Ni Tsumi 7:49

E ke, ‘Hiɔwe ɔ, ye matsɛ sɛ, nɛ zugba a, nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ? Nɛ jije ma jɔɔ ye he ngɛ?

La 132:14

E de ke, “Hiɛmɛ nɛ ɔ ma hi kɛ maa ya neneene; hiɛmɛ nɛ ɔ ma jɔɔ ye he ngɛ; ejakaa i suɔ hiɛmɛ nɛ ɔ.

La 22:22

Ma wo o biɛ ta ngɛ ye nyɛmimɛ ɔmɛ a hɛ mi. Nɛ ma je o yi ngɛ a he nya buami he ɔ.

Kronika I, 22:14

I gbo dengme bua ní nɛ ɔmɛ a nya kɛ to, konɛ a kɛ po Yawɛ we ɔ: sika tsu nɛ jiɔmi ji tɔn akpe etɛ kɛ lafa eywiɛ, sika hiɔ nɛ jiɔmi ji tɔn akpe nyingmi etɛ kɛ eywiɛ, akɔblee kɛ dade babauu nɛ a li nya, tso, kɛ tɛ. Bɔɔ mɔde nɛ mo hu o na eko kɛ piɛ he.

Kronika I, 6:31

Nimli nɛ ɔmɛ ji nihi nɛ David ngɔ la he blɔ nya tomi ngɛ Yawɛ we ɔ ngɔ wo a dɛ, benɛ a kɛ somi daka a ya su lejɛ ɔ.

Matsɛmɛ I, 1:47

Jehanɛ se hu, matsɛ tsɔli ɔmɛ ya nɛ a ya ha Matsɛ David manye, nɛ a de lɛ ke, ‘O Mawu ɔ nɛ ha nɛ Salomo nɛ na biɛ pe mo, nɛ e yi nɔ hu nɛ jɔ pe o be ɔ mi.’ Kɛkɛ nɛ Matsɛ David ma e yi si ngɛ e sa a nɔ,

Mose V, 17:20

Enɛ ɔ ma ha nɛ e be susue kaa e hi pe e nyɛmimɛ Israel fɔfɔɛ ɔmɛ; nɛ e maa ye Yawɛ mlaa amɛ a nɔ pɛpɛɛpɛ. Lɔ ɔ loko e matsɛ yemi ɔ se maa kɛ, nɛ e bimɛ, kɛ e nina maa ye Israel nɔ be babauu.

Mose V, 17:15

Nyɛɛ hyɛ saminya, konɛ nɔ nɛ nyɛ ngɛ hlae kaa e ye matsɛ ɔ, e pee nɔ nɛ Yawɛ hla. E pee nyɛ ma mi no; nyɛ ko ngɔ nubwɔ kɛ to matsɛ nɛ e ye nyɛ nɔ.

Mose I, 48:2

Benɛ a de Yakob ke e bi Yosef ma lɛ slaami ɔ, Yakob wlua lɛ, nɛ e te si, nɛ e hi si ngɛ sa a nɔ.

Matsɛmɛ I, 5:3

“Mo nitsɛ o le kaa akɛnɛ tsaatsɛ David kɛ e he nyɛli nɛ bɔle lɛ kɛ kpe ɔ ngɛ ta hwue he je ɔ, e nyɛ we nɛ e ma tsu nɛ a ma ja Yawɛ, e Mawu ɔ ngɛ mi kɛ ya si be mi nɛ Yawɛ ha nɛ e ye e he nyɛli ɔmɛ tsuo a nɔ.

Kronika I, 17:4

“Yaa nɛ o ya de ye tsɔlɔ David ke, Yawɛ ke, ‘Pi mo ji nɔ nɛ maa po we ha mi nɛ ma hi mi.’

Kronika II, 6:7

Salomo ya nɔ nɛ e de ke, “Jinɛ tsaatsɛ David to kaa e maa po we nɛ a ja Yawɛ, Israel Mawu ɔ ngɛ mi,

Yesaya 60:13

“A maa poo Lebanon tso kpakpa nɛ ɔmɛ kɛ ba ma Yerusalem ekohu: sɛsɛo, odum kɛ tsohi nɛ da tlɔmɔɔ ɔ tsuo. Enɛ ɔ ma ha nɛ ye we klɔuklɔu ɔ maa pee fɛu, nɛ ye ma a hɛ mi maa ba nyami.

Kronika I, 22:6

E tsɛ e bi Salomo, nɛ e fa lɛ ke e po we ha Yawɛ Israel Mawu ɔ.

Kronika I, 22:7

David de lɛ ke, “Ye bi, jinɛ imi nitsɛ i hla kaa ma po we kɛ wo Yawɛ, ye Mawu ɔ hɛ mi nyami.

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

La 132:2

E ka mo Yawɛ kita, nɛ e wo mo Yakob Mawu Ope ɔ si ke,

Ezekiel 43:7

“Nɔmlɔ adesa, ye matsɛ sɛ maa si ngɛ hiɛmɛ nɛ ɔ; ma hi Israel bi ɔmɛ a kpɛti ngɛ hiɛmɛ nɛ ɔ kɛ maa ya neneene. Kɛkɛ ɔ, Israel ma a jio, a matsɛmɛ ɔmɛ jio, a be ye hɛ mi si puee hu; a be mawu kpahi jae, nɛ a be a matsɛmɛ ɔmɛ a gbogboe ɔmɛ pue ngɛ hiɛmɛ nɛ ɔ hu.

Mateo 25:16

Nɔ nɛ na sika tsu yi akpe enuɔ ɔ ho amlɔ, nɛ e kɛ sika a ya tsu ní; nɛ e na sika tsu yi akpe enuɔ kɛ bɔ he.