Kronika I, 28:11 - BAIBLO ALOO NGMAMI KLƆUKLƆU Ɔ

¹¹ Kɛkɛ nɛ David ngɔ foni ɔ nɛ a maa hyɛ nɔ kɛ ma Yawɛ we ɔ kɛ e mi tsu ɔmɛ ɔ, nito he ɔmɛ, hiɔwe tsu ɔmɛ, se tsu ɔmɛ, kɛ he klɔuklɔu pe kulaa a, he nɛ a kɛ yayami paa ngɛ ɔ ngɔ ha Salomo.

Kronika I, 28:11 ပူးပေါင်းရင်းမြစ်များ

Kronika I, 28:19

Matsɛ David de Salomo ke, “Foni ɔ nɛ Yawɛ nitsɛ ha nɛ a pee, nɛ e ngɔ ha mi nɛ ma hyɛ nɔ kɛ tsu ní ɔ, a ngma ní nɛ ɔmɛ tsuo kɛ wo mi.”

Matsɛmɛ I, 6:3

Kue ɔ nɛ ngɛ Yawɛ we ɔ hɛ mi ɔ kami ji nine mi blimi nyingmi eywiɛ, kaa we ɔ blimi ɔ nɔuu; lɛ e blimi ji nine mi blimi nyingmi enyɔ.

Mose II, 25:40

Hyɛ nɛ o pee mɛ pɛpɛɛpɛ kaa henɔhi nɛ i ngɛ mo tsɔɔe ngɛ yo ɔ nɔ ɔ.

Hebribi 8:5

Ní nɛ osɔfo ɔmɛ tsuɔ ɔ ngɛ kaa ní tsumi nɛ a tsuɔ ngɛ hiɔwe ɔ henɔ, loo e nini kɛkɛ. Mose hu kikɛ nɛ ɔ nɔuu e tsu ní. Benɛ e maa ma bo tsu ɔ, Mawu de lɛ ke, “Hyɛ nɛ o pee ní ɔmɛ tsuo pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.”

Luka 21:1

Ligbi ko benɛ Yesu ya sɔlemi we ɔ mi ɔ, e na niatsɛmɛ nɛ ngɔ a nike ní kɛ ngɛ tó tsumi daka a mi woe.

Ezekiel 40:15

Kɛ je gbogbo ɔ he ngɛ agbo ɔ nya kɛ ya su nyagbe tsu ɔ se tsuo peeɔ gugue nyɔngma kɛ enyɔ kɛ fa.

Yeremia 35:2

“Yaa Rekab bi ɔmɛ a we ɔ mi nɛ o kɛ mɛ ya tu munyu. Ke o kɛ mɛ tu munyu ɔ gbe nya a, ngɔɔ mɛ kɛ ba tsu kake mi ngɛ Yawɛ we ɔ, nɛ o ba ha mɛ wai nɛ a nu.”

Nehemia 13:5

Eliashib dla tsu agbo ko ngɔ to Tobia. Jinɛ ní nɛ ɔmɛ pɛ nɛ a toɔ ngɛ tsu ɔ mi: niye ní bɔ, mimɛ, níhi nɛ a kɛ tsuɔ ní ngɛ Mawu we ɔ, bɔhi nɛ a haa osɔfo ɔmɛ, blɛfo mi dlami nyɔngmanyɔngma mi kakaaka amɛ, wai, kɛ oliv nu nɛ a kɛ haa Levi bi ɔmɛ, kɛ Mawu we ɔ lali ɔmɛ, kɛ buli ɔmɛ ɔ.

Kronika II, 5:7

Enɛ ɔ se ɔ, osɔfo ɔmɛ ngɔ somi daka a ya ma e blɔ he ngɛ he klɔuklɔu pe kulaa a, ngɛ kerub ɔmɛ a pɛli ɔmɛ a sisi.

Matsɛmɛ I, 6:10

E ma tsu tsɔwihi siaudo etɛ, nɛ e kɛ seda plai tsa mɛ kɛ wo gbogbo ɔmɛ a he kɛ kpe. Siaudo tsuaa siaudo hiɔwe yami ji nine mi blimi nyɔngma.

Mose II, 26:30

O pee kpe he bo tsu nɛ ɔ pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.

Kronika I, 28:12

David ha Salomo fonihi nɛ a maa hyɛ a nɔ kɛ ma níhi tsuo nɛ ngɛ e juɛmi mi, Yawɛ we ɔ he kue ɔmɛ, tsuhi nɛ bɔle mɛ kɛ kpe ɔ, níhi nɛ a kɛ tsuɔ ní ngɛ Yawɛ we ɔ, kɛ nike níhi nɛ a gbaa nɔ kɛ ha Yawɛ ɔ a to hehi.

Mose II, 25:9

A pee sihi he nɛ ɔ kɛ e mi dlami ní ɔmɛ ngɛ henɔhi a nya pɛpɛɛpɛ kaa bɔ nɛ ma tsɔɔ mo ɔ.