Kronika I, 27:33 - BAIBLO ALOO NGMAMI KLƆUKLƆU Ɔ

³³ Ahitofel ji matsɛ ɔ ga wolɔ, nɛ Ark no ɔ nɛ a tsɛɛ lɛ Hushai ɔ ji matsɛ ɔ huɛ.

Kronika I, 27:33 ပူးပေါင်းရင်းမြစ်များ

Samuel II, 15:37

David huɛ Hushai ba su Yerusalem be mi nɛ Absalom hu maa ho ma a mi sɛmi ya.

Samuel II, 15:12

Benɛ Absalom ngɛ bɔ ɔmɛ sãe ɔ, e tsɔ ya kpee Ahitofel kɛ je Gilo kɛ ba. Ahitofel nɛ ɔ, David ga wolɔ ji lɛ, nɛ e ma mi ji Gilo. Enɛ ɔ wo matsɛ ɔ yi nɔ nɛ a ngɛ soe ɔ mi he wami; nɛ nihi nɛ nyɛɛ Absalom se ɔ, a he ba bɔni hiɛmi.

Samuel II, 15:32

Benɛ David ya su yo ɔ yi mi he nɛ a dla kɛ ha Mawu jami ɔ, Hushai, Arki no ɔ ba kpee lɛ kɛ e hiɔwe tade nɛ hía, kɛ e yi mi zu.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

La 55:13

Se e ya pee mo, ye juã, ye he nɔ, kɛ ye huɛ kpakpa.

Samuel II, 17:23

Benɛ Ahitofel na kaa a yi ga nɛ e wo ɔ nɔ ɔ, e wo e teji nɔ ní, nɛ e je kɛ ho lɛ nitsɛ e ma mi ya. Benɛ e to e níhi a blɔ nya gbe nya a, e ho nɛ e ya wo e kuɛ kpa; nɛ a pu lɛ ngɛ e tsɛ yɔkɔ ɔ mi.

Samuel II, 16:23

Ga tsuaa ga nɛ Ahitofel wo Absalom ɔ, e buɔ tue pɛpɛɛpɛ kaa bɔ nɛ e tsɛ David hu pee ɔ; ejakaa jamɛ a be ɔ, ke Ahitofel tu munyu ko ɔ, a ngɔɔ munyu ɔ kaa Mawu nitsɛ nya mi munyu.

Kronika I, 27:32

Matsɛ David tsɛko Yonatan ji ga wolɔ. E ngɛ juɛmi saminya, nɛ e le womi mi hulɔ. E kɛ Hakmoni bi Yehiel ji ni nɛmɛ nɛ a hyɛɛ matsɛbimɛ ɔmɛ a ní kasemi nɔ.

Matsɛmɛ I, 4:5

Tsɔli ɔmɛ a nyatsɛ ji Natan binyumu Azaria. Matsɛ ga wolɔ ji osɔfo Zabud, Natan binyumu ɔ.