Kronika I, 27:1 - BAIBLO ALOO NGMAMI KLƆUKLƆU Ɔ

¹ A dla Israel tabo ɔ kɛ wo asafo kuu nyɔngma kɛ enyɔ mi. Asafo kuu tsuaa asafo kuu mi ɔ, nyumuhi akpe nyingmi enyɔ kɛ eywiɛ ngɛ mi, kɛ a nya asafoatsɛmɛ, kɛ ma ní tsuli nikɔtɔmahi, kɛ a we bi. Daa jeha a, asafo kuu kake kɛ a we asafoatsɛ ya tsuɔ ní nyɔhiɔ kake. Asafo kuu ɔmɛ, kɛ a we asafoatsɛmɛ ɔmɛ ji nɛ ɔmɛ nɛ:

Kronika I, 27:1 ပူးပေါင်းရင်းမြစ်များ

Samuel II, 23:8

David ta buli kpanaa amɛ a biɛhi ji nɛ ɔmɛ: Kekleekle nɔ ɔ ji Yosheb Bashebet, Takemon no ɔ; lɛ ji “Ni etɛ ɔmɛ” a nyatsɛ. E kɛ nimli lafa kpaanyɔ ya bua si kake, nɛ e kɛ e we akplɔ ɔ gbe mɛ tsuo.

Matsɛmɛ I, 4:27

Matsɛ Salomo ganɔhi nyɔngma kɛ enyɔ ɔmɛ a ti nɔ tsuaa nɔ ngɔɔ niye ní ba haa matsɛ ɔ, kɛ nihi tsuo nɛ a yeɔ ní ngɛ matsɛ okplɔɔ ɔ he ɔ. Nɔ tsuaa nɔ kɛ e nɔ́ baa ngɛ nyɔhiɔ nɛ a to lɛ ɔ nɔ; nɔ ko pui mi.

Matsɛmɛ I, 4:7

Jehanɛ, Salomo pee nyumuhi nyɔngma kɛ enyɔ amlaalohi ngɛ Israel zugba a tsuo nɔ. Mɛ lɛ a ba haa matsɛ ɔ, kɛ e we ɔ niye ní; nɔ tsuaa nɔ ba haa niye ní hlami kake ngɛ jeha mi.

Matsɛmɛ I, 5:14

nɛ e ngɔ Adoniram ngɔ pee a nyatsɛ. E dla mɛ ngɔ wo kuu etɛ a mi. Ke kuu kake mi bi akpe nyɔngma a ya tsu ní ngɛ Lebanon nyɔhiɔ kake ɔ, a maa kpale kɛ ba hi we nyɔhiɔ enyɔ. Jamɛ a be ɔ kɛkɛ kuu enyɔne ɔ ho Lebanon ya. Ke mɛ hu a ba pɛ kɛkɛ kuu etɛne ɔ hu ho. Ja sɔuu a hii a sibi tsakee.

Kronika I, 11:10

David ta buli kpanaa amɛ ji nɛ ɔmɛ nɛ. Ta buli kpanaa nɛ ɔmɛ, kɛ Israel ma a tsuo pee kake nɛ a wo David matsɛ kaa bɔ nɛ Yawɛ wo si ɔ. Mɛ lɛ a piɛ David he nɛ e matsɛ yemi ɔ da si.

Kronika I, 13:1

Matsɛ David kɛ e we asafoatsɛmɛ ɔmɛ nɛ ji ta buli akpehi kɛ lafahi a nyatsɛmɛ ɔmɛ kpe.

Kronika I, 26:32

Matsɛ David hla katsɛmɛ nɛ ji we puɔ nya dali akpe enyɔ kɛ e nya lafa kpaago kɛ je Yeria nyɛmimɛ ɔmɛ a kpɛti. Mɛ ji ní nɛmɛ nɛ hyɛɛ jami, kɛ ma ní tsumi ɔmɛ a nɔ ngɛ Israel, ngɛ Yordan pa a beleku je, ngɛ Ruben, Gad, kɛ Manase wɛtso fa a a mi.

Kronika I, 27:2

Kekleekle asafo kuu ɔ nyatsɛ ji Zabdiel bi Yashobeam. E je Yuda wɛtso fa a nɛ a tsɛɛ Perez ɔ mi. E kɛ e we bi akpe nyingmi enyɔ kɛ eywiɛ tsuɔ ní ngɛ kekleekle nyɔhiɔ ɔ mi daa jeha.

Kronika I, 28:1

Matsɛ David kpee Israel ma ní tsuli nikɔtɔma amɛ tsuo kɛ ba Yerusalem: wɛtsoyi ɔmɛ, asafo kuu ɔmɛ a nyatsɛmɛ ɔmɛ, asafoatsɛmɛ ɔmɛ, kɛ ni nɛmɛ nɛ hyɛɛ matsɛ ɔ, kɛ e bimɛ ɔmɛ a weto ní, kɛ a lohwehi a nɔ. Jehanɛ hu, matsɛ we mi ní tsuli ɔmɛ, ta buli katsɛmɛ ɔmɛ, kɛ tabo ɔ tsuo ba bua a he nya ngɛ Yerusalem.

Kronika I, 29:6

Kɛkɛ nɛ we puɔ nya dali ɔmɛ, wɛtsoyi ɔmɛ, asafoatsɛmɛ ɔmɛ, kɛ matsɛ ní tsumihi nɔ hyɛli ɔmɛ si a gugue ke a ma ha

Kronika II, 1:2

Matsɛ Salomo kɛ Israel ma kpekpemi ɔ tsuo tu munyu: asafoatsɛmɛ ɔmɛ nɛ ngɛ nihi akpehi kɛ lafahi a nya a, kojoli, ma nikɔtɔmahi, kɛ we puɔ nya dali ɔmɛ tsuo.

Mose II, 18:25

Mose hla nyumuhi nɛ a nine si wa kɛ je Israel bi ɔmɛ a kpɛti, nɛ e wo mɛ nikɔtɔmahi ngɛ ma a nya. Ni komɛ hyɛɛ nimli nyɔngma nɔ, ni komɛ hyɛɛ nimli nyingmi enuɔ nɔ; ni komɛ hyɛɛ nimli lafa nɔ, nɛ ni komɛ hu hyɛɛ nimli akpe nɔ.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mose V, 1:15

Lɔ ɔ he ɔ, i ngɔ wɛtsoyihi nɛ ji nyumuhi nɛ le ní, nɛ a ngɛ juɛmi, nɛ a ngɛ biɛ kpakpa nɛ nyɛ hla a ngɔ to ma a nya. Ni komɛ hyɛ nimli nyɔngma nɔ, ni komɛ hyɛ nimli nyingmi enuɔ nɔ, ni komɛ hyɛ nimli lafa nɔ, nɛ ni komɛ hu hyɛ nimli akpe nɔ. Jehanɛ i hla nɔ hyɛli kpa komɛ kɛ je nyɛ wɛtso ɔmɛ tsuo a mi.”

Yoshua 23:1

Be saii se ɔ, Yawɛ ha Israel tue mi jɔmi, nɛ a he nyɛli ɔmɛ nɛ bɔle mɛ ɔ doo we a nya hu. Jamɛ a be ɔ mi ɔ, Yoshua bwɔ kotokoto.

Samuel I, 8:12

E maa to tatsɛmɛ ngɛ ta buli akpehi, kɛ nyingmi enuɔɔnuɔ a nya. Ni komɛ ma hu ngmɔ nɛ a ma kpa ní ha lɛ, nɛ ni komɛ hu maa sɔ̃ ta hwumi níhi, kɛ ta zugba lɛ ɔmɛ a he níhi.