Kronika I, 26:30 - BAIBLO ALOO NGMAMI KLƆUKLƆU Ɔ

³⁰ A hla Hashabia kɛ e nyɛminyumuhi akpe kɛ e nya lafa kpaago kɛ je Hebron bi ɔmɛ a kpɛti; katsɛmɛ ji mɛ tsuo. A ní tsumi ji a hyɛ jami, kɛ ma ní tsumi ɔmɛ a nɔ ngɛ Israel, ngɛ Yordan pa a bonyoku je.

Kronika I, 26:30 ပူးပေါင်းရင်းမြစ်များ

Kronika I, 23:12

Kohat ngɛ binyumuhi eywiɛ. A biɛhi ji Amram, Izhar, Hebron, kɛ Uziel.

Kronika I, 23:19

Kohat binyumu etɛne ɔ nɛ a tsɛɛ lɛ Hebron ɔ, ngɛ binyumuhi eywiɛ. A biɛhi ji Yeria, Amaria, Yehaziel, kɛ Yekameam.

Kronika II, 19:11

Sanehi tsuo nɛ kɔɔ Yawɛ jami he ɔ, ke Amaria, osɔfo nɔkɔtɔma pe kulaa a ngɔ e nya ngɔ wo mi pɛ, a po sisi; nɔ kpa ko be he blɔ nɛ e deɔ nɔ́ ko hu. Ma mi sanehi lɛɛ, nɔkɔtɔma pe kulaa nɛ maa to blɔ nya ji Ishmael binyumu Zebadia, amlaalo ɔ nɛ ngɛ Yuda a. Ke lɛɛ e tu munyu ɔ, nɔ kpa ko be he blɔ nɛ e deɔ nɔ́ ko hu. Ke a ye sane ko gbe nya nɛ a buá he ɔ, Levi bi ɔmɛ a blɔ nya ní tsumi ji kaa a hyɛ konɛ blɔ nya nɛ kojomi he ɔ to ɔ, a ye nɔ. Nyɛɛ pee kã, nɛ nyɛɛ ye mlaa nɛ ɔmɛ a nɔ. Yawɛ nɛ piɛ nɔ nɛ peeɔ nɔ́ nɛ da a he!”

Mose IV, 3:27

Wekuhi nɛ peeɔ Kohat we puɔ nya ji Amram, Izhar, kɛ Hebron, kɛ Uziel.