Kronika I, 26:28 - BAIBLO ALOO NGMAMI KLƆUKLƆU Ɔ

²⁸ Nɔ́ tsuaa nɔ́ nɛ a gbaa nɔ kɛ to konɛ a kɛ tsu ní ngɛ Yawɛ we ɔ, Shelomit kɛ e we mi bi ɔmɛ ji ni nɛmɛ nɛ a hyɛɛ nɔ. Ní ɔmɛ ekomɛ ji nike ní nɛ gbalɔ Samuel, Matsɛ Saul, Kish bi ɔ, Ner bi Abner, kɛ Zeruya bi Yoab ngɔ kɛ ba.

Kronika I, 26:28 ပူးပေါင်းရင်းမြစ်များ

Samuel I, 9:9

Saul de ke, “Mo! O le demi; ha nɛ waa ho.” Nɛ a pue nɔ kɛ ho ma a mi he nɛ Mawu nɔmlɔ ɔ ngɛ ɔ ya. Benɛ a ngɛ yoku ɔ kuɔe kɛ yaa a, a kɛ yihewi komɛ kpe nɛ a yaa yɛ nyu. A bi yihewi ɔmɛ ke, “Ní nalɔ ɔ ngɛ ma a mi lo?” (Jamɛ a be ɔ, bɔ nɛ a tsɛɔ gbalɔ ji ní nalɔ. Lɔ ɔ he ɔ, ke nɔ ko yaa bi ní ngɛ Israel ɔ, bɔ nɛ e deɔ ji, “Nyɛ ha waa ho ní nalɔ ɔ ngɔ ya.”)

Samuel I, 17:55

Benɛ David yaa nɛ e kɛ Filisti no ɔ ya kpe ɔ, Saul bi e tatsɛ, Abner ke, “Abner, mɛnɔ bi ji kikɛmɛ a niheyo nɛ ɔ?” Abner he nɔ ke, “Nɛnɛ, i na o nane kaa i li.”

Kronika I, 26:27

Ta yibu ní nɛ a ha ngɛ ta mi ɔ, a hla ekomɛ ngɔ to nɛ a gbaa nɔ, konɛ a ngɔ kɛ tsu ní ngɛ Yawɛ we ɔ.

Kronika I, 26:29

A hla Kenania kɛ e bimɛ ɔmɛ kɛ je Izhar nina a kpɛti, nɛ a pee mɛ Israel ma a nɔ hyɛli kɛ kojoli.

Kronika I, 28:12

David ha Salomo fonihi nɛ a maa hyɛ a nɔ kɛ ma níhi tsuo nɛ ngɛ e juɛmi mi, Yawɛ we ɔ he kue ɔmɛ, tsuhi nɛ bɔle mɛ kɛ kpe ɔ, níhi nɛ a kɛ tsuɔ ní ngɛ Yawɛ we ɔ, kɛ nike níhi nɛ a gbaa nɔ kɛ ha Yawɛ ɔ a to hehi.