Kronika I, 26:27 - BAIBLO ALOO NGMAMI KLƆUKLƆU Ɔ

²⁷ Ta yibu ní nɛ a ha ngɛ ta mi ɔ, a hla ekomɛ ngɔ to nɛ a gbaa nɔ, konɛ a ngɔ kɛ tsu ní ngɛ Yawɛ we ɔ.

Kronika I, 26:27 ပူးပေါင်းရင်းမြစ်များ

Matsɛmɛ II, 12:14

Se mohu, a kɛ haa ní tsuli ɔmɛ, nɛ mɛ hu a kɛ dlaa Yawɛ we ɔ.

Yoshua 6:19

Sika hiɔ, sika tsu, akɔblee, kɛ dade níhi tsuo lɛɛ a hla kɛ to ha Yawɛ, lɔ ɔ he ɔ, a ngɔ kɛ ba Yawɛ nito he ɔ.”

Kronika I, 26:26

Nike ní tsuo nɛ Matsɛ David, we puɔ nya dali ɔmɛ, wɛtsoyi ɔmɛ, kɛ tatsɛmɛ ɔmɛ gbaa nɔ kɛ to ha Mawu ɔ, Shelomit kɛ e we mi bi ɔmɛ lɛ a hyɛɛ nɔ.

Kronika I, 26:28

Nɔ́ tsuaa nɔ́ nɛ a gbaa nɔ kɛ to konɛ a kɛ tsu ní ngɛ Yawɛ we ɔ, Shelomit kɛ e we mi bi ɔmɛ ji ni nɛmɛ nɛ a hyɛɛ nɔ. Ní ɔmɛ ekomɛ ji nike ní nɛ gbalɔ Samuel, Matsɛ Saul, Kish bi ɔ, Ner bi Abner, kɛ Zeruya bi Yoab ngɔ kɛ ba.

Samuel II, 8:11

Matsɛ David gbaa ní nɛ ɔmɛ a nɔ kɛ ha Yawɛ kɛ piɛ sika hiɔ kɛ sika tsu nɛ e kpɔ ngɛ je ma amɛ nɛ e ye a nɔ ɔ a dɛ ɔ he.

Kronika I, 18:11

Matsɛ David gbaa ní nɛ ɔmɛ a nɔ kɛ ha Yawɛ kaa bɔ nɛ e pee sika hiɔ kɛ sika tsu nɛ e kpɔ ngɛ je mahi nɛ e ye a nɔ ɔ a dɛ ɔ. Je ma nɛ ɔmɛ ji Edom, Moab, Amon, Filistia, kɛ Amalek.

Kronika II, 5:1

Benɛ Matsɛ Salomo gbe Yawɛ we ɔ he ní tsumi ɔ tsuo nya a, e ngɔ níhi tsuo nɛ e tsɛ David gbaa nɔ ngɔ ha Yawɛ ɔ ngɔ to nito hehi ngɛ lejɛ ɔ. Ní ɔmɛ ji sika hiɔ, sika tsu, kɛ ní kpa komɛ.