Kronika I, 26:26 - BAIBLO ALOO NGMAMI KLƆUKLƆU Ɔ

²⁶ Nike ní tsuo nɛ Matsɛ David, we puɔ nya dali ɔmɛ, wɛtsoyi ɔmɛ, kɛ tatsɛmɛ ɔmɛ gbaa nɔ kɛ to ha Mawu ɔ, Shelomit kɛ e we mi bi ɔmɛ lɛ a hyɛɛ nɔ.

Kronika I, 26:26 ပူးပေါင်းရင်းမြစ်များ

Samuel II, 8:11

Matsɛ David gbaa ní nɛ ɔmɛ a nɔ kɛ ha Yawɛ kɛ piɛ sika hiɔ kɛ sika tsu nɛ e kpɔ ngɛ je ma amɛ nɛ e ye a nɔ ɔ a dɛ ɔ he.

Kronika I, 22:14

I gbo dengme bua ní nɛ ɔmɛ a nya kɛ to, konɛ a kɛ po Yawɛ we ɔ: sika tsu nɛ jiɔmi ji tɔn akpe etɛ kɛ lafa eywiɛ, sika hiɔ nɛ jiɔmi ji tɔn akpe nyingmi etɛ kɛ eywiɛ, akɔblee kɛ dade babauu nɛ a li nya, tso, kɛ tɛ. Bɔɔ mɔde nɛ mo hu o na eko kɛ piɛ he.

Kronika I, 18:11

Matsɛ David gbaa ní nɛ ɔmɛ a nɔ kɛ ha Yawɛ kaa bɔ nɛ e pee sika hiɔ kɛ sika tsu nɛ e kpɔ ngɛ je mahi nɛ e ye a nɔ ɔ a dɛ ɔ. Je ma nɛ ɔmɛ ji Edom, Moab, Amon, Filistia, kɛ Amalek.

Kronika I, 26:25

Kɛ gu Gershom nyɛminyumu Eliezer nɔ ɔ, Shebuel peeɔ Shelomit nyɛmi. Eliezer bi ji Rehabia; Rehabia bi ji Yeshia; Yeshia bi ji Yoram; Yoram bi ji Zikri, nɛ Zikri bi ji Shelomit.

Kronika I, 26:27

Ta yibu ní nɛ a ha ngɛ ta mi ɔ, a hla ekomɛ ngɔ to nɛ a gbaa nɔ, konɛ a ngɔ kɛ tsu ní ngɛ Yawɛ we ɔ.

Kronika I, 9:14

Levi bi nɛ ba hi Yerusalem ji: Shemaya, Hashub bi ɔ. E nɛmɛ ji Azrikam kɛ Hashabia nɛ a je Merari weku ɔ mi ɔ Bakbakar, Heresh, ke Galal Matania, Mika bi ɔ. E nɛmɛ ji Zikri kɛ Asaf Obadia, Shemaya bi ɔ. E nɛmɛ ji Galal kɛ Yedutun Berekia, Elkana bi Asa bi ɔ nɛ hi Netofa bi ɔmɛ a zugba a nɔ ɔ.

Kronika I, 28:21

A dla ní tsumi ngɔ ha osɔfo ɔmɛ, kɛ Levi bi ɔmɛ nɛ a ma tsu ngɛ Yawɛ we ɔ. Ní tsuli nɛ le ga ní tsumi slɔɔtohi pee klaalo nɛ a maa piɛ o he. Jehanɛ se hu, ma a, kɛ ma nimeli ɔmɛ tsuo ngɛ mlɛe nɛ o wo gbi, konɛ a ba piɛ o he.”

Kronika II, 23:8

Levi bi ɔmɛ, kɛ Yuda ma a pee kaa bɔ nɛ osɔfo Yehoyada fa mɛ ɔ pɛpɛɛpɛ. Nihi nɛ ba tsu ní Hejɔɔmi ligbi ɔ nɛ sa kaa a ya we mi ɔ, osɔfo Yehoyada ha we nɛ a ngmɛɛ a he. Enɛ ɔ he je ɔ, asafoatsɛmɛ ɔmɛ ná we bi babauu, nihi nɛ ma ní tsumi, kɛ ni nɛmɛ nɛ kpa.

Kronika II, 31:2

Matsɛ Hezekia kpale dla ní tsumi kɛ ha osɔfo ɔmɛ, kɛ Levi bi ɔmɛ, nɔ tsuaa nɔ kɛ e ní tsumi pɔtɛɛ. Ní tsumi slɔɔto ɔmɛ ji nɛ ɔmɛ nɛ: sami bɔ sami, tue mi jɔmi bɔ sami, sɔmɔmi ngɛ Yawɛ we ɔ, kɛ Yawɛ yi jemi kɛ si nami.

Nehemia 12:45

ejakaa a pee he julaami, kɛ kusumi kpahi nɛ Mawu fa ke a pee ɔ pɛpɛɛpɛ. Jã kɛ̃, sɔlemi we ɔ lali ɔmɛ, kɛ buli ɔmɛ hu tsu a blɔ nya ní tsumi ɔmɛ pɛpɛɛpɛ kaa bɔ nɛ Matsɛ David kɛ e bi Salomo tsɔɔ kaa a pee ɔ.