Kronika I, 26:20 - BAIBLO ALOO NGMAMI KLƆUKLƆU Ɔ

²⁰ Ahiya nɛ je Levi wɛtso ɔ mi ɔ hyɛɛ Mawu we ɔ nito he ɔmɛ, kɛ nito hehi he nɛ a toɔ nike níhi nɛ a gbaa nɔ ngɔ to ha Yawɛ ngɛ ɔ hu a nɔ.

Kronika I, 26:20 ပူးပေါင်းရင်းမြစ်များ

Kronika I, 26:22

Ladan bimɛ kpahi nɛ ji Zetam, kɛ Yoel ɔ, mɛɛ a ní tsumi ji a hyɛ Yawɛ nito he ɔ, kɛ nito he kpa amɛ a nɔ.

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?

Ezra 2:69

A ha bɔ nɛ a ma nyɛ, konɛ a kɛ tsu ní ɔ. Bɔ nɛ a ha ji nɛ ɔ nɛ: sika tsu kilo 500 sika hiɔ kilo 2,800 osɔfohi a tade 100.

Kronika I, 26:24

Yawɛ we ɔ nito he ɔ nɔ hyɛli ɔmɛ a nyatsɛ ji Shebuel. E je Mose bi Gershom weku ɔ mi.

Kronika I, 18:11

Matsɛ David gbaa ní nɛ ɔmɛ a nɔ kɛ ha Yawɛ kaa bɔ nɛ e pee sika hiɔ kɛ sika tsu nɛ e kpɔ ngɛ je mahi nɛ e ye a nɔ ɔ a dɛ ɔ. Je ma nɛ ɔmɛ ji Edom, Moab, Amon, Filistia, kɛ Amalek.

Matsɛmɛ I, 15:18

Enɛ ɔ he je ɔ, Matsɛ Asa ya muɔ sika hiɔ, kɛ sika tsu tsuo nɛ piɛ ngɛ Yawɛ we ɔ nito he ɔ, kɛ matsɛ we ɔ nito he ɔ, nɛ e tsɔ e tsɔli ɔmɛ ekomɛ Damasko, nɛ e kɛ ní ɔmɛ ya ha Siria matsɛ, Benhadad, Hezio binyumu Tabrimon bi ɔ. Sɛ gbi nɛ piɛ he ji nɛ ɔ nɛ:

Matsɛmɛ I, 14:26

nɛ e muɔ june níhi nɛ ngɛ Yawɛ we ɔ, kɛ matsɛ we ɔ, kɛ sika tsu tsɛ̃ihi nɛ Salomo pee ɔ kɛ ho.

Matsɛmɛ I, 7:51

Benɛ Matsɛ Salomo gbe Yawɛ we ɔ he ní tsumi ɔ tsuo nya a, e ngɔ níhi tsuo nɛ e tsɛ David gbaa nɔ ngɔ ha Yawɛ ɔ ngɔ to nito hehi ngɛ lejɛ ɔ. Ní ɔmɛ ji nɛ ɔmɛ nɛ: sika hiɔ, sika tsu, kɛ ni kpa komɛ.

Kronika I, 26:19

Bɔ nɛ a dla bumi ní tsumi ɔ ngɔ ha Kora kɛ Merari weku ɔmɛ ji nɛ ɔ nɛ.

Kronika I, 26:21

Ladan nɛ ji Gershon bimɛ ɔmɛ a ti nɔ kake ɔ, e bi ji Yahiel. Yahiel we puɔ nya amɛ, kɛ we puɔ nya kpahi babauu a nɛ̃ ji lɛ.

Mose IV, 8:26

Kɛ je jamɛ a be ɔ kɛ yaa a, a ní tsumi ji kaa a maa piɛ a nyɛmimɛ Levi bi ɔmɛ a he kɛ sɔmɔ ngɛ kpe he bo tsu ɔ mi, se mɛ nitsɛmɛ lɛɛ a be ní tsumi pɔtɛɛ ko tsue. Bɔ nɛ o maa to ní tsumi ɔ he blɔ nya kɛ ha Levi bi ɔmɛ ji nɛ ɔ nɛ.”

Kronika II, 8:15

Mlaahi nɛ David wo osɔfo ɔmɛ, kɛ Levi bi ɔmɛ, nɛ kɔɔ nito hehi, kɛ ní kpa komɛ a he ɔ, a ye a nɔ sisiisi.

Ezra 8:28

I de nihi nɛ i hla a ke, “Yawɛ, nyɛ nɛmɛ a Mawu ɔ nimli klɔuklɔuhi ji nyɛ. Sika tsu, kɛ sika hiɔ kpluhi nɛ ma a kɛ ba ha Mawu kaa nike ní nɛ je a tsui mi faa a, lɔ ɔmɛ hu ngɛ klɔuklɔu jã nɔuu.

Nehemia 12:44

Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;