Kronika I, 26:17 - BAIBLO ALOO NGMAMI KLƆUKLƆU Ɔ

¹⁷ Daa ligbi ɔ, buli ekpa ya buu agbo ɔ nɛ ngɛ beleku je ɔ nya; ni eywiɛ ya buu omleyi je nɔ́ ɔ nya, nɛ ni eywiɛ hu ya buu leneyi je nɔ́ ɔ nya. Buli eywiɛ ya buu nito he ɔmɛ daa ligbi; ni enyɔ buu kake he, nɛ ni enyɔ hu buu kake he.

Kronika I, 26:17 ပူးပေါင်းရင်းမြစ်များ

Kronika II, 8:14

Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Kronika I, 9:24

Kpe he bo tsu agbo ɔmɛ peeɔ eywiɛ; agbo ɔ kake ngɛ beleku je, kake ngɛ bonyoku je, kake ngɛ omleyi je, kake hu ngɛ leneyi je; nɛ bulɔ nɔkɔtɔma kake ngɛ eko tsuaa eko nya.

Kronika I, 26:16

Shupim kɛ Hosa nɔ́ ji agbo ɔ nɛ ngɛ beleku je ɔ, kɛ Shaleket agbo ɔ, ngɛ gbɛjegbɛ nɛ ngɛ yiti je ɔ he.

Kronika I, 26:18

Tsu nguaa a nɛ ngɛ bonyoku je ɔ, buli eywiɛ buu gbɛjegbɛ ɔ he ngɛ lejɛ ɔ, nɛ ni enyɔ buu tsu nguaa a nitsɛ he.

Kronika II, 31:14

Nike ní ɔmɛ nɛ a kɛ ba ha Yawɛ, nɛ ji bɔhi nɛ je tsui mi faa a, nɔ nɛ a to nɛ ma he ngɛ ma a dɛ, nɛ lɛ nɔuu e maa dla ji Imna binyumu Kore, Levi no ɔ. Kore ji Yawɛ we ɔ beleku je agbo ɔ nya buli ɔmɛ a nɔkɔtɔma.

Nehemia 12:25

Buli nɛ ɔmɛ ji nihi nɛ buu ngɛ nito hehi nɛ ngɛ sɔlemi we ɔ agbo ɔmɛ a nya: Matania, Bakbukia, Obadia, Meshulam, Talmon, kɛ Akub.