Kronika I, 25:6 - BAIBLO ALOO NGMAMI KLƆUKLƆU Ɔ

⁶ Heman binyumu ɔmɛ tsuo fiaa ngmlɛ, kɛ saku kɛ sɔmɔɔ ngɛ Yawɛ we ɔ kaa bɔ nɛ a tsɛ ɔ faa mɛ ɔ. Asaf, Yedutun, kɛ Heman lɛɛ matsɛ ɔ nɛ faa mɛ loko a tsuɔ ní.

Kronika I, 25:6 ပူးပေါင်းရင်းမြစ်များ

Samuel II, 6:5

Jamɛ a be ɔ, David kɛ Israel bi ɔmɛ tsuo ngɛ lae nɛ a ngɛ doe kɛ a he wami tsuo kɛ ngɛ Yawɛ hɛ mi nyami woe. A fiɛ do, nɛ a fia kpa saku slɔɔtohi, kɛ ngmlɛhi, kɛ gɔgɔhi.

Matsɛmɛ I, 10:12

Salomo kɛ tso nɛ ɔmɛ eko kpɛ piɛ ngɔ wo Yawɛ we ɔ, kɛ matsɛ we ɔ a he, nɛ e kɛ eko hu pee kpa sakuhi, kɛ bɛhi ha e lali ɔmɛ. Tso ɔmɛ nɛ a kɛ ba a, a nɛ a henɔ ko hyɛ ngɛ Israel kɛ ba si mwɔnɛ ligbi nɛ ɔ.

Kronika I, 15:16

David fa Levi bi ɔmɛ a nya dali ɔmɛ ke a ha nɛ a nyɛmimɛ ɔmɛ nɛ a la kɛ bua jɔmi, nɛ a fia saku, kɛ ngmlɛ, gegeege.

Kronika I, 15:22

La jelɔ ɔ ji Kenania nɛ nyɛɛ Levi bi ɔmɛ a hɛ mi kɛ la a. A je blɔ hla lɛ ejakaa e le lami he blɔ nya tomi saminya.

Kronika I, 23:5

akpe eywiɛ maa bu agbo nya, nɛ akpe eywiɛ hu maa fia saku ɔmɛ nɛ matsɛ ɔ pee ɔ kɛ je Yawɛ yi.

Kronika II, 20:28

Benɛ a ba su ma a mi ɔ, a fia saku, nɛ a kpa bɛ, kɛ titimati kɛ ya sɛ Yawɛ we ɔ mi.

Kronika II, 23:13

E maa hyɛ ɔ, matsɛ ɔ ji nɛ ɔ nɛ daa si ngɛ titima a he kaa bɔ nɛ kusumi ɔ ngɛ ɔ. Asafoatsɛmɛ ɔmɛ, kɛ titimati kpali ɔmɛ daa si kɛ bɔle lɛ, nɛ ma a tsuo ngɛ lele hwɔe, nɛ a ngɛ titimati kpae. Lali ɔmɛ hu ngɛ lae, nɛ a ngɛ saku fiae kɛ nyɛɛ ma a hɛ mi kɛ ngɛ nyami ɔ he sɔ woe. Kɛkɛ nɛ Atalia hía tade ɔmɛ ngɛ e he, nɛ e kpa bubuubui, nɛ e de ke, “Nyɛ tsɔ atuã! Nyɛ tsɔ atuã!”

Kronika II, 29:25

Mlaahi nɛ Yawɛ wo Matsɛ David kɛ gu lɛ David ɔ gbalɔ Gad, kɛ gbalɔ Natan a nɔ ɔ, Matsɛ Hezekia ye mlaa amɛ a nɔ pɛpɛɛpɛ. E ngɔ Levi bi ɔmɛ ya da si ngɛ Yawɛ we ɔ kɛ a dɛ mi gɔgɔhi, bɛhi, kɛ sakuhi

Nehemia 11:17

Mika bi Matania, Asaf nina ko nɛ a tsɛɛ Zabdi ɔ bibi ɔ. Lɛ ji nɔ nɛ jeɔ la nɛ a kɛ jeɔ si nami sɔlemi sisi. Bakbukia, Matania setsɔ ɔ, kɛ Shamua bi Abda, Yedutun nina Galal bibi ɔ.

Nehemia 12:24

A dla Levi bi ɔmɛ a mi ngɔ wo kuuhi a mi. A nyatsɛmɛ ji Hashabia, Sherebia, Yeshua, Binui, kɛ Kadmiel. Kuu enyɔ ya buaa a he nya si kake kɛ laa kɛ jeɔ Mawu yi. Kuu kake jeɔ la a, nɛ enyɔne ɔ heɔ nɔ kaa bɔ nɛ Matsɛ David, Mawu nɔmlɔ ɔ to blɔ nya ha mɛ ke a pee ɔ.

Nehemia 12:46

Lali a kuu nɛ laa yi jemi, kɛ sina lahi kɛ haa Mawu ɔ, Matsɛ David, kɛ la polɔ Asaf be ɔ mi tɔɔ nɛ a to nikɔtɔmahi ngɛ a nya.

La 68:25

Lali nyɛɛ hɛ mi, yihewi fao fiali nyɛɛ a se, nɛ saku fiali gbe nya. A ngɛ dee ke,

Efesobi 5:19

Nyɛɛ kɛ nyɛ sibi nɛ sɛɛ munyuhi nɛ ngɛ saku fiami, yi jemi, kɛ mumi mi la amɛ a mi ɔ a he ní. Nyɛɛ fia saku, nɛ nyɛ la kɛ je nyɛ tsui mi tɔɔ nɛ nyɛ kɛ je Nyɔmtsɛ ɔ yi.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.