Kronika I, 25:5 - BAIBLO ALOO NGMAMI KLƆUKLƆU Ɔ

⁵ Mawu ha Heman, matsɛ gbalɔ ɔ binyumuhi nyɔngma kɛ eywiɛ, kɛ biyihi etɛ kaa bɔ nɛ e wo si ɔ, konɛ e kɛ wo Heman hɛ mi nyami.

Kronika I, 25:5 ပူးပေါင်းရင်းမြစ်များ

Kronika I, 21:9

Kɛkɛ nɛ Yawɛ de Gad, David gbalɔ ɔ ke,

Yesaya 8:18

Nyɛ nɛ mi, kɛ ye bimɛ ɔmɛ nɛ Yawɛ ke mi ɔ. Yawɛ Tabohiatsɛ ɔ nɛ e matsɛ sɛ ngɛ Zion yo ɔ nɔ ɔ tsɔ wɔ ke waa ngɔ sɛ gbi nɛ ɔmɛ kɛ ba ha Israel ma a.

La 127:3

Bimɛ ji weto ní nɛ Yawɛ haa nɔ; bimɛ ji nike ní nɛ e kɛ dlooɔ nɔ.

Kronika I, 28:5

E ha mi bimɛ babauu, nɛ e hla Salomo kɛ je ye binyumu ɔmɛ tsuo a kpɛti ke e ba hi matsɛ sɛ ɔ nɔ nɛ e ye Yawɛ nitsɛ ma, Israel ɔ nɔ.

Samuel II, 24:11

Benɛ David te si mɔtu ɔ, Yawɛ ngɔ sɛ gbi ngɔ ha gbalɔ Gad, David ní nalɔ ɔ ke

Samuel I, 9:9

Saul de ke, “Mo! O le demi; ha nɛ waa ho.” Nɛ a pue nɔ kɛ ho ma a mi he nɛ Mawu nɔmlɔ ɔ ngɛ ɔ ya. Benɛ a ngɛ yoku ɔ kuɔe kɛ yaa a, a kɛ yihewi komɛ kpe nɛ a yaa yɛ nyu. A bi yihewi ɔmɛ ke, “Ní nalɔ ɔ ngɛ ma a mi lo?” (Jamɛ a be ɔ, bɔ nɛ a tsɛɔ gbalɔ ji ní nalɔ. Lɔ ɔ he ɔ, ke nɔ ko yaa bi ní ngɛ Israel ɔ, bɔ nɛ e deɔ ji, “Nyɛ ha waa ho ní nalɔ ɔ ngɔ ya.”)

Mose I, 33:5

Benɛ Esau na yi ɔmɛ kɛ jokuɛwi ɔmɛ ɔ, e bi ke, “Mɛnɔmɛ o kɛ nyɛɛ ɔ?” Yakob he nɔ ke, “Bimɛ nɛ Mawu kɛ dloo imi, o tsɔlɔ ɔ ji nɛ ɔmɛ nɛ.”

Kronika I, 25:4

Heman binyumu ɔmɛ: Mɛ ji Bukia, Matania, Uziel, Shebuel, Yerimot, Hanania, Hanani, Eliata, Gidalti, Romamti Ezer, Yoshbekasha, Maloti, Hotir, kɛ Mahaziot.

Kronika II, 35:15

Lali ɔmɛ nɛ ji Asaf bimɛ ɔmɛ ya hi a blɔ hehi kaa bɔ nɛ Matsɛ David wo mlaa ke a pee ɔ. Mɛ ji Asaf, Heman, kɛ Yedutun, matsɛ ɔ gbalɔ ɔ. Agbo nya buli ɔmɛ ho ya da a blɔ hehi kaa bɔ nɛ a peeɔ daa a; mɛɛ lɛɛ e hia we kaa a si a ní tsumi ɔ, ejakaa a nyɛmimɛ Levi bi ɔmɛ ngɔ a blɔ fa mi nɔ́ ɔ kɛ ba ha mɛ.