Kronika I, 25:2 - BAIBLO ALOO NGMAMI KLƆUKLƆU Ɔ

² Asaf binyumu eywiɛ ɔmɛ: Mɛ ji Zakur, Yosef, Netania, kɛ Asharela. A nyatsɛ ji Asaf, nɛ be tsuaa be nɛ matsɛ ɔ ma fa lɛ ɔ, e gbaa.

Kronika I, 25:2 ပူးပေါင်းရင်းမြစ်များ

Kronika I, 25:6

Heman binyumu ɔmɛ tsuo fiaa ngmlɛ, kɛ saku kɛ sɔmɔɔ ngɛ Yawɛ we ɔ kaa bɔ nɛ a tsɛ ɔ faa mɛ ɔ. Asaf, Yedutun, kɛ Heman lɛɛ matsɛ ɔ nɛ faa mɛ loko a tsuɔ ní.

Kronika I, 25:1

Matsɛ David kɛ asafoatsɛmɛ ɔmɛ ngɔ ní tsumi pɔtɛɛ komɛ ngɔ ha Levi weku nɛ ɔmɛ: Asaf, Heman, kɛ Yedutun. A ní tsumi ji a gba, nɛ a fia saku kɛ ngmlɛ ngɔ to he. Nihi nɛ a hla a, kɛ ní tsumihi pɔtɛɛ nɛ a ngɔ wo a dɛ ɔ ji nɛ ɔmɛ nɛ:

Kronika I, 16:5

Asaf ji a nyatsɛ, nɛ e he piɛlɔ ji Zakaria. Yeyel, Shemiramot, Yehiel, Metitia, Eliab, Benaya, Obed Edom, kɛ Yeyel maa fia kpa saku. Asaf maa fia ngmlɛ,

Yesaya 3:6

Be ma, nɛ we puɔ nya ko bi maa hla a ti nɔ ko, nɛ a ma de lɛ ke, “Wa nɔ́ tsuaa nɔ́ hɛ mi kpata, se moo lɛɛ o ngɛ he ha nɔ́ ko, lɔ ɔ he ɔ, ba pee wa tsɛ, nɛ o ye wa nɔ.”

La 83:1

Mawu, ko ma o nya; koo pee dii, koo pee kɔ̃!

La 82:1

Mawu daa si ngɛ hiɔwe gua nguaa a mi. E ngɛ kojoli ɔmɛ a hɛ mi kae ke,

La 81:1

Nyɛ wo nyɛ gbi nɔ kɛ la ha Mawu, wa he bulɔ ɔ. Nyɛ hwɔ lele kɛ je Yakob Mawu ɔ yi.

La 80:1

Israel to hyɛlɔ, mo nɛ o nyɛɛɔ Israel hɛ mi kaa bɔ nɛ to hyɛlɔ tsɔɔ to ɔ, moo bu wɔ tue koo! Mo nɛ o hii si ngɛ hɛ kali a nɔ ɔ,

La 79:1

Mawu, ma je li ɔmɛ ba tua o zugba a. A ble o we klɔuklɔu ɔ, nɛ a pee Yerusalem ma doku.

La 78:1

Ye ma, nyɛɛ bu nɔ́ nɛ ma tsɔɔ nyɛ nɛ ɔ tue; nyɛɛ bu ye nya mi munyu ɔmɛ tue.

La 77:1

I fa kue boboobo ha Mawu; i fa kue ha Mawu, nɛ e nu ye gbi.

La 76:1

A le Mawu ngɛ Yuda, a woɔ e biɛ ɔ hɛ mi nyami ngɛ Israel.

La 75:1

Mawu lee, wa naa mo si. Wa naa mo si! Wa ngɛ o biɛ ta woe, nɛ wa ngɛ nyakpɛ níhi nɛ o pee ɔ jajee.

La 74:1

Mawu, mɛni he je lɛ o hɛ wɔ ngɔ fɔ he ɔ? Anɛ o mi mi ma fu mo nitsɛ o ma a daa kikɛ nɛ ɔ lo?

La 73:1

Niinɛ, Mawu hi ha Israel; e hi ha ni nɛmɛ nɛ a tsui mi tsɔ.

Kronika I, 25:3

Yedutun binyumu ekpa amɛ: Mɛ ji Gedalia, Zeri, Yeshaya, Shimei, Hashabia, kɛ Matitia. A tsɛ ji a nya dalɔ. Ke e fa mɛ ɔ, a gbaa nɛ a fiaa saku kɛ toɔ he. A laa kɛ jeɔ Yawɛ yi, nɛ a naa lɛ si.

Kronika I, 15:17

Nihi nɛ a hla kɛ je lali a weku ɔmɛ a mi nɛ a fia akɔblee ngmlɛhi ji Heman, Yoel bi ɔ e nyɛmi Asaf, Berekia bi ɔ, kɛ Etan, Kushaya bi ɔ nɛ je Merari weku ɔ mi ɔ. A he piɛli nɛ a hla nɛ a fia kpa saku nɛ gbi ya hiɔwe ɔ ji Levi bi nɛ ɔmɛ: Zakaria, Yaaziel, Shemiramot, Yehiel, Uni, Eliab, Maaseya, kɛ Benaya. Jehanɛ, a hla Levi bi nɛ ɔmɛ hulɔ nɛ mɛɛ a fia kpa saku nɛ gbi ba si ɔ: Matitia, Elifelehu, Mikneya, kɛ Azazia. A hla Yawɛ we buli enyɔ hu kɛ piɛ a he; a tsɛɛ nɔ kake ke Obed Edom, nɛ a tsɛɛ nɔ kake hu ke Yeyel.

Kronika I, 6:39

Lali a kuu enyɔne ɔ, a nya dalɔ ji Asaf. Asaf je Gershon weku ɔ mi, nɛ e tsɛ ji Berekia. Bɔ nɛ Asaf weku kpa a nyɛɛ senyasenya kɛ ya si Levi nɔ ji nɛ ɔ nɛ: Asaf, Berekia, Shimea,

Kronika I, 25:8

A fɔ sɔ nɛ a kɛ dla ní tsumi ɔ. A hyɛ we nɔ ko hɛ mi, jokuɛ jio, nɔkɔtɔma jio, tsɔɔlɔ jio, kaselɔ jio.

Ezra 3:10

Benɛ tsu mali ɔmɛ bɔni Mawu we ɔ sisi tomi ɔ fiami ɔ, osɔfo ɔmɛ kɛ a he tade ɔmɛ kɛ a dɛ mi titimati ya da a blɔ hehi. Levi bi nɛ je Asaf we puɔ ɔ nya a hu hɛɛ gɔgɔhi ngɛ a dɛ kɛ ya da si ngɛ lejɛ ɔ. A je Yawɛ yi kaa bɔ nɛ Matsɛ David to blɔ nya ha mɛ kɛ je blema a.