Kronika I, 25:1 - BAIBLO ALOO NGMAMI KLƆUKLƆU Ɔ

¹ Matsɛ David kɛ asafoatsɛmɛ ɔmɛ ngɔ ní tsumi pɔtɛɛ komɛ ngɔ ha Levi weku nɛ ɔmɛ: Asaf, Heman, kɛ Yedutun. A ní tsumi ji a gba, nɛ a fia saku kɛ ngmlɛ ngɔ to he. Nihi nɛ a hla a, kɛ ní tsumihi pɔtɛɛ nɛ a ngɔ wo a dɛ ɔ ji nɛ ɔmɛ nɛ:

Kronika I, 25:1 ပူးပေါင်းရင်းမြစ်များ

Matsɛmɛ I, 10:12

Salomo kɛ tso nɛ ɔmɛ eko kpɛ piɛ ngɔ wo Yawɛ we ɔ, kɛ matsɛ we ɔ a he, nɛ e kɛ eko hu pee kpa sakuhi, kɛ bɛhi ha e lali ɔmɛ. Tso ɔmɛ nɛ a kɛ ba a, a nɛ a henɔ ko hyɛ ngɛ Israel kɛ ba si mwɔnɛ ligbi nɛ ɔ.

Matsɛmɛ II, 3:15

Se kɛ̃ nyɛ hla saku fialɔ ko ha mi.” Benɛ saku fialɔ ɔ ngɛ e saku ɔ fiae ɔ, Yawɛ he wami ɔ ba Elisha nɔ,

Kronika I, 13:8

Jamɛ a be ɔ mi ɔ, David kɛ Israel ma a tsuo ngɛ lae nɛ a ngɛ doe kɛ a he wami tsuo kɛ ngɛ Mawu hɛ mi nyami woe. A la, nɛ a fiɛ do, nɛ a fia saku slɔɔtohi, kpa sakuhi, ngmlɛhi, kɛ gɔgɔhi; nɛ a kpa titimatihi.

Kronika I, 15:28

Kɛkɛ nɛ Israel ma a tsuo ngɔ somi daka a kɛ ba Yerusalem. Benɛ a ma a tsuo a ngɛ titimati kɛ koli kpae, nɛ a ngɛ ngmlɛ kɛ kpa saku hu fiae kɛ ngmlaa.

Kronika I, 23:2

Matsɛ David ya kpee Israel ma nikɔtɔma amɛ, osɔfo ɔmɛ, kɛ Levi bi ɔmɛ tsuo kɛ ba.

Kronika I, 25:2

Asaf binyumu eywiɛ ɔmɛ: Mɛ ji Zakur, Yosef, Netania, kɛ Asharela. A nyatsɛ ji Asaf, nɛ be tsuaa be nɛ matsɛ ɔ ma fa lɛ ɔ, e gbaa.

Kronika I, 25:3

Yedutun binyumu ekpa amɛ: Mɛ ji Gedalia, Zeri, Yeshaya, Shimei, Hashabia, kɛ Matitia. A tsɛ ji a nya dalɔ. Ke e fa mɛ ɔ, a gbaa nɛ a fiaa saku kɛ toɔ he. A laa kɛ jeɔ Yawɛ yi, nɛ a naa lɛ si.

Kronika I, 25:9

A dla nimli 288 nɛ ɔmɛ a mi ngɛ weku nya kɛ wo kuu nyingmi enyɔ kɛ eywiɛ mi. Nihi nyɔngma kɛ enyɔ ngɛ kuu tsuaa kuu mi, kɛ a nya dalɔ. Bɔ nɛ a to blɔ nya kɛ ha kuu ɔmɛ a ní tsumi kɛ je kekleekle kuu ɔ nɔ kɛ ya si nyagbe nɔ́ ɔ nɔ ji nɛ ɔ nɛ: 1. Yosef ngɛ Asaf weku ɔ mi 2. Gedalia 3. Zakur 4. Zeri 5. Netania 6. Bukia 7. Asharela 8. Yeshaya 9. Matania 10. Shimei 11. Uziel 12. Hashabia 13. Shebuel 14. Matitia 15. Yerimot 16. Hanania 17. Yoshbekasha 18. Hanani 19. Maloti 20. Eliata 21. Hotir 22. Gidalti 23. Mahaziot 24. Romamti Ezer.

Kronika I, 6:16

Levi binyumuhi ji Gershon, Kohat, kɛ Merari.

Kronika I, 6:33

Nimli nɛ ɔmɛ, kɛ a nina ji nihi nɛ tsu ní tsumi nɛ ɔ nɛ. Kekleekle lali a kuu ɔ, a nya dalɔ ji Heman. Heman je Kohat weku ɔ mi, nɛ e tsɛ ji Yoel. Bɔ nɛ Heman weku kpa a nyɛɛ senyasenya kɛ ya si Yakob nɔ ji nɛ ɔ nɛ: Heman, Yoel, Samuel,

Kronika I, 6:39

Lali a kuu enyɔne ɔ, a nya dalɔ ji Asaf. Asaf je Gershon weku ɔ mi, nɛ e tsɛ ji Berekia. Bɔ nɛ Asaf weku kpa a nyɛɛ senyasenya kɛ ya si Levi nɔ ji nɛ ɔ nɛ: Asaf, Berekia, Shimea,

Kronika I, 6:44

Lali a kuu etɛne ɔ, a nya dalɔ ji Etan. Etan je Merari weku ɔ mi, nɛ e tsɛ ji Kishi. Bɔ nɛ Etan weku kpa a nyɛɛ senyasenya kɛ ya si Levi nɔ ji nɛ ɔ nɛ: Etan, Kishi, Abdi, Maluk,

Kronika I, 9:33

Levi bi ɔmɛ a ti ni komɛ a ní tsumi ji a la ngɛ Yawɛ we ɔ. A nya dali ɔmɛ hii tsuhi nɛ ngɛ Yawɛ we ɔ ekomɛ a mi. Mɛɛ lɛɛ a ha we mɛ ní tsumi kpa ko, ejakaa a tsuɔ ní nyɔ kɛ pia.

Kronika II, 23:1

Manyɛ Atalia yi nɔ, jeha nɛ ji kpaago ɔ, osɔfo Yehoyada ba na kaa e su be nɛ sa kaa e pee nɔ́ ko. E kɛ asafoatsɛmɛ enuɔ so. Mɛ ji Yeroham bi Azaria, Yehohanan bi Ishmael, Obed bi Azaria, Adaya bi Maaseya, kɛ Zikri bi Elishafat.

Kronika II, 23:13

E maa hyɛ ɔ, matsɛ ɔ ji nɛ ɔ nɛ daa si ngɛ titima a he kaa bɔ nɛ kusumi ɔ ngɛ ɔ. Asafoatsɛmɛ ɔmɛ, kɛ titimati kpali ɔmɛ daa si kɛ bɔle lɛ, nɛ ma a tsuo ngɛ lele hwɔe, nɛ a ngɛ titimati kpae. Lali ɔmɛ hu ngɛ lae, nɛ a ngɛ saku fiae kɛ nyɛɛ ma a hɛ mi kɛ ngɛ nyami ɔ he sɔ woe. Kɛkɛ nɛ Atalia hía tade ɔmɛ ngɛ e he, nɛ e kpa bubuubui, nɛ e de ke, “Nyɛ tsɔ atuã! Nyɛ tsɔ atuã!”

Kronika II, 23:18

Yehoyada ngɔ Yawɛ we ɔ ní tsumi ɔ ngɔ wo osɔfo ɔmɛ, kɛ Levi bi ɔmɛ a dɛ mi, konɛ a tsu ní ɔ kaa bɔ nɛ Matsɛ David dla ní tsumi ɔ ngɔ ha mɛ ɔ. Mɛ lɛ a maa sã bɔ ɔmɛ kɛ ha Yawɛ kaa bɔ nɛ a ngma ngɛ Mose mlaa a mi ɔ. Mɛ kɛ̃ ji ni nɛmɛ nɛ maa hyɛ lami, kɛ nyami blɔ nya tomi ɔmɛ a nɔ.

Kronika II, 23:9

Osɔfo Yehoyada dla Matsɛ David akplɔhi, kɛ tsɛ̃ihi nɛ ngɛ Yawɛ we ɔ kɛ ha asafoatsɛmɛ ɔmɛ.

Kronika II, 31:2

Matsɛ Hezekia kpale dla ní tsumi kɛ ha osɔfo ɔmɛ, kɛ Levi bi ɔmɛ, nɔ tsuaa nɔ kɛ e ní tsumi pɔtɛɛ. Ní tsumi slɔɔto ɔmɛ ji nɛ ɔmɛ nɛ: sami bɔ sami, tue mi jɔmi bɔ sami, sɔmɔmi ngɛ Yawɛ we ɔ, kɛ Yawɛ yi jemi kɛ si nami.

Kronika II, 34:12

Ní tsuli nɛ ɔmɛ yeɔ anɔkuale saminya. Levi bi eywiɛ lɛ hyɛɛ a nɔ. Mɛ ji Yahat, kɛ Obadia nɛ a je Merari weku ɔ mi ɔ, kɛ Zakaria kɛ Meshulam nɛ a je Kohat weku ɔ mi ɔ. Saku fiali kpakpahi ji Levi bi ɔmɛ tsuo.

Kronika II, 35:15

Lali ɔmɛ nɛ ji Asaf bimɛ ɔmɛ ya hi a blɔ hehi kaa bɔ nɛ Matsɛ David wo mlaa ke a pee ɔ. Mɛ ji Asaf, Heman, kɛ Yedutun, matsɛ ɔ gbalɔ ɔ. Agbo nya buli ɔmɛ ho ya da a blɔ hehi kaa bɔ nɛ a peeɔ daa a; mɛɛ lɛɛ e hia we kaa a si a ní tsumi ɔ, ejakaa a nyɛmimɛ Levi bi ɔmɛ ngɔ a blɔ fa mi nɔ́ ɔ kɛ ba ha mɛ.

Kronika II, 8:14

Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Ezra 6:18

A to osɔfo ɔmɛ, kɛ Levi bi ɔmɛ ngɛ a we asafo kuu ɔmɛ a nya kɛ ha Mawu we ɔ sɔmɔmi ní tsumi ɔmɛ ngɛ Yerusalem, kaa bɔ nɛ a ngma ngɛ Mose mlaa womi ɔ mi ɔ.

Nehemia 11:17

Mika bi Matania, Asaf nina ko nɛ a tsɛɛ Zabdi ɔ bibi ɔ. Lɛ ji nɔ nɛ jeɔ la nɛ a kɛ jeɔ si nami sɔlemi sisi. Bakbukia, Matania setsɔ ɔ, kɛ Shamua bi Abda, Yedutun nina Galal bibi ɔ.

Nehemia 12:24

A dla Levi bi ɔmɛ a mi ngɔ wo kuuhi a mi. A nyatsɛmɛ ji Hashabia, Sherebia, Yeshua, Binui, kɛ Kadmiel. Kuu enyɔ ya buaa a he nya si kake kɛ laa kɛ jeɔ Mawu yi. Kuu kake jeɔ la a, nɛ enyɔne ɔ heɔ nɔ kaa bɔ nɛ Matsɛ David, Mawu nɔmlɔ ɔ to blɔ nya ha mɛ ke a pee ɔ.

Nehemia 12:27

Benɛ a maa julaa Yerusalem gbogbo ɔ, a ya kpee Levi bi ɔmɛ kɛ je hehi tsuo nɛ a ngɛ ɔ kɛ ba. A ba piɛ Yerusalem ma mi bi ɔmɛ a he, nɛ a fia gɔgɔ, kɛ saku, nɛ a la sina lahi nɛ a kɛ ye nyami ligbi ɔ.

La 81:2

Nyɛ je la, nɛ nyɛɛ fia gɔgɔ. Nyɛɛ fia saku nɛ gbi ngɔɔ, nɛ nyɛɛ fia miɛ kɛ piɛ he.

La 81:3

Nyɛ kpa titimati wa nyami ligbi ɔmɛ tsuo, be mi nɛ nyɔhiɔ da, kɛ be mi nɛ nyɔhiɔ ɔ wa.

Ezekiel 40:44

Jehanɛ nyumu ɔ kɛ mi ba mi mi je kue ɔ mi. Tsu enyɔ ngɛ lejɛ ɔ nɛ a bliɔ a sinya amɛ kɛ baa we ɔ mi je; kake ngɛ omleyi je agbo ɔ nya, nɛ e hɛ mi kpee leneyi je; nɛ kake hu ngɛ leneyi je agbo ɔ nya, nɛ e hɛ mi kpee omleyi je.

Samuel I, 10:5

Lɔ ɔ se ɔ, nyɛ maa ya Mawu yo ɔ nɔ ngɛ Gibea, he nɛ Filisti bi ɔmɛ a ta a pueɔ si ngɛ ɔ. Nyɛ ma a mi sɛmi pɛ nyɛɛ kɛ gbali a kuu ko maa kpe nɛ a kple si kɛ je yoku ɔ nɔ kɛ ma kɛ a dɛ mi kpa saku, miɛ, kɛ bɛ. Nyɛ maa na kaa a ngɛ doe, nɛ a ngɛ huhui kpae.