Kronika I, 24:6 - BAIBLO ALOO NGMAMI KLƆUKLƆU Ɔ

⁶ Womi ngmalɔ ɔ nɛ a tsɛɛ lɛ Shemaya, Netanel binyumu ɔ nɛ je Levi bi ɔmɛ a kpɛti ɔ ji nɔ nɛ ngma a biɛ. A pee nɔ́ nɛ ɔ ngɛ matsɛ ɔ, kɛ ganɔ nɛ ɔmɛ a hɛ mi: osɔfo Zadok, Abiatar binyumu Ahimelek, osɔfo weku ɔmɛ a nya dali ɔmɛ, kɛ Levi weku ɔmɛ a nya dali ɔmɛ. Ke a hla kuu kake kɛ je Eleazar nina a a kpɛti, kɛkɛ a hla kake hu kɛ je Itamar nina a a kpɛti.

Kronika I, 24:6 ပူးပေါင်းရင်းမြစ်များ

Kronika I, 18:16

Ahitub binyumu Zadok kɛ Abiatar binyumu Ahimelek ji osɔfohi, nɛ Seraya ji David nitsɛ e pɛdiyo.

Mateo 13:52

E de mɛ ke, “Enɛ ɔ tsɔɔ kaa mlaa tsɔɔlɔ tsuaa mlaa tsɔɔlɔ nɛ ba plɛ pee kaselɔ ngɛ hiɔwe matsɛ yemi ɔ mi ɔ, e ngɛ kaa wetsɛ ko nɛ jeɔ ní hehi, kɛ ní momohi kɛ jeɔ e nito he.”

Mateo 8:19

Kɛkɛ nɛ mlaa tsɔɔlɔ ko ba e ngɔ ba de lɛ ke, “Tsɔɔlɔ, he tsuaa he nɛ o yaa a, i kɛ mo maa ya.”

Nehemia 8:1

Nyɔhiɔ kpaago ɔ mi ɔ, Israel bi ɔmɛ ba he si ngɛ a ma amɛ a mi. Jamɛ a nyɔhiɔ ɔ kekleekle ligbi ɔ, ma a tsuo ba bua a he nya ngɛ Yerusalem, ngɛ ma kpe he ɔ, ngɛ Nyu Agbo ɔ nya. A de osɔfo Ezra, mlaa tsɔɔlɔ ɔ ke e ngɔ womi ɔ nɛ mlaa a nɛ Yawɛ ha Israel kɛ gu Mose nɔ ɔ ngɛ mi ɔ kɛ ba.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Kronika II, 34:13

Levi bi kpa komɛ hu hyɛɛ tlomi tlooli, kɛ ní tsuli kpahi a nɔ. A ti ni komɛ hu ji womi ngmali, ma ní tsuli, kɛ agbo nya buli.

Kronika I, 23:24

Levi nina nɛ a kane nɛ a ngma a biɛ weku nya weku nya, kɛ we puɔ nya we puɔ nya ji nɛ ɔmɛ nɛ. Nɔ tsuaa nɔ nɛ ye kɛ je jeha nyingmi enyɔ kɛ yaa a, ya tsuɔ ní ngɛ Yawɛ we ɔ.

Matsɛmɛ I, 4:3

Matsɛ Pɛdiyohi ji Shisha binyumuhi Elihoref, kɛ Ahiya. Sanehi ngmalɔ ji Ahilud binyumu Yehoshafat.

Marko 2:26

lɔ ɔ he ɔ, e ya Mawu we ɔ mi, nɛ e ya ye abolo klɛdɛɛ nɛ a kɛ maa Mawu hɛ mi ɔ. Enɛ ɔ ba mi benɛ Abiatar ngɛ osɔfo nɔkɔtɔma pe kulaa yee ɔ. Wa mlaa a nya a, osɔfo ɔmɛ pɛ lɛ a ngɛ he blɔ nɛ a yeɔ abolo nɛ ɔ, se David ye eko, nɛ e ha nihi nɛ kɛ lɛ nyɛɛ ɔ tete eko nɛ a ye.”

Kronika I, 24:7

Benɛ a fɔ sɔ ɔ, bɔ nɛ e ba ha kɛ je kekleekle blɔ he ɔ kɛ ya si nyagbe nɔ́ nɛ ji nyingmi enyɔ kɛ eywiɛ ɔ nɔ ji nɛ ɔ nɛ. 1. Yehoyarib 2. Yedaya 3. Harim 4. Seorim 5. Malkiya 6. Miyamin 7. Hakoz 8. Abiya 9. Yeshua 10. Shekania 11. Eliashib 12. Yakim 13. Hupa 14. Yeshebeab 15. Bilga 16. Imer 17. Hezir 18. Hapizez 19. Petahia 20. Yehezkel 21. Yakin 22. Gamul 23. Delaya 24. Maazia.

Kronika I, 24:31

Kaa bɔ nɛ Levi bi ɔmɛ a nyɛmimɛ osɔfo ɔmɛ nɛ ji Aaron nina a pee ɔ, Levi bi ɔmɛ hu fɔ sɔ kɛ dla ní tsumi ɔmɛ ngɔ ha a he. Weku ɔmɛ a nya dali, kɛ a senihi ji ni nɛmɛ nɛ fɔ sɔ ɔ. A fɔ sɔ nɛ ɔ ngɛ Matsɛ David, Zadok, Ahimelek, osɔfo ɔmɛ, kɛ Levi bi ɔmɛ a nikɔtɔma amɛ a hɛ mi.