Kronika I, 24:5 - BAIBLO ALOO NGMAMI KLƆUKLƆU Ɔ

⁵ A fɔ sɔ kɛ gba ní tsumi ha kuu slɔɔtoslɔɔto ɔmɛ tsuo, konɛ e ko pee kaa a hyɛ nɔ ko hɛ mi; ejakaa Yawɛ we ɔ ní tsuli, kɛ Mawu ní tsuli ngɛ Eleazar nina a, kɛ Itamar nina a tsuo a kpɛti.

Kronika I, 24:5 ပူးပေါင်းရင်းမြစ်များ

Kronika I, 24:31

Kaa bɔ nɛ Levi bi ɔmɛ a nyɛmimɛ osɔfo ɔmɛ nɛ ji Aaron nina a pee ɔ, Levi bi ɔmɛ hu fɔ sɔ kɛ dla ní tsumi ɔmɛ ngɔ ha a he. Weku ɔmɛ a nya dali, kɛ a senihi ji ni nɛmɛ nɛ fɔ sɔ ɔ. A fɔ sɔ nɛ ɔ ngɛ Matsɛ David, Zadok, Ahimelek, osɔfo ɔmɛ, kɛ Levi bi ɔmɛ a nikɔtɔma amɛ a hɛ mi.

Ni Tsumi 5:24

Benɛ osɔfo nikɔtɔma amɛ, kɛ sɔlemi we ɔ asafoatsɛ ɔ nu kikɛmɛ a munyu nɛ ɔ, a hɛ mi pee mɛ yaa, nɛ a li nɔ nɛ a ma de.

Ni Tsumi 4:6

Hana, osɔfo nɔkɔtɔma pe kulaa a, Kayafa, Yohane, Aleksandro, kɛ nihi abɔ nɛ je osɔfo nɔkɔtɔma pe kulaa a weku ɔ mi ba kpe ɔ.

Ni Tsumi 4:1

Petro kɛ Yohane ngɛ munyu ɔ tue kɛ ngɛ ma a tsɔɔe kɛ mwɔɔ, kɛkɛ nɛ osɔfo komɛ, sɔlemi we ɔ asafoatsɛ ɔ, kɛ Saduki bi komɛ ba pue a nɔ ngɛ lejɛ ɔ.

Ni Tsumi 1:26

Kɛkɛ nɛ a fɔ sɔ, konɛ a kɛ hla ni enyɔ ɔmɛ a ti nɔ kake. Sɔ ɔ ya nɔ Matia nɔ; nɛ a ngɔ lɛ ngɔ piɛ bɔfo nyɔngma kɛ kake ɔmɛ a he.

Mateo 27:1

Benɛ je na a, osɔfo nikɔtɔma amɛ, kɛ ma nimeli ɔmɛ tsuo so Yesu yi nɔ, konɛ a gbe lɛ.

Mateo 26:3

Jamɛ a be ɔ mi ɔ, osɔfo nikɔtɔma amɛ, kɛ ma nimeli ɔmɛ ya bua a he nya ngɛ osɔfo nɔkɔtɔma pe kulaa Kayafa mɔ ɔ mi,

Yona 1:7

Lɛ mi bi ɔmɛ de a he ke, “Nyɛ ha nɛ waa fɔ sɔ, nɛ wa kɛ hla nɔ nɛ kɛ amanehlu nɛ ɔ ba wa nɔ.” A pee ja, nɛ sɔ ɔ ya nɔ Yona nɔ.

Abɛ Womi 16:33

Nimli adesahi fɔɔ sɔ nɛ a kɛ le Mawu yi mi tomi. Se bɔ nɛ níhi ma ya ba ha a, Yawɛ pɛ lɛ e tsɔɔ.

Nehemia 11:11

Hilkia bi Seraya, Meshulam bibi ɔ. E nɛmɛ ji Zadok, Merayot, kɛ osɔfo nɔkɔtɔma pe kulaa Ahitub.

Kronika II, 35:8

Ganɔ ɔmɛ hu ke ma a, osɔfo ɔmɛ, kɛ Levi bi ɔmɛ níhi babauu kɛ je a tsui mi faa. Tsɔli nikɔtɔmahi nɛ hyɛɛ Mawu we ɔ nɔ ɔ, mɛ hu a ha osɔfo ɔmɛ to akpe enyɔ kɛ e nya lafa ekpa, kɛ na lafa etɛ, nɛ a kɛ sã bɔhi Hetsɔmi be ɔ. Tsɔli nɛ ɔmɛ ji osɔfo nɔkɔtɔma pe kulaa Hilkia, Zakaria, kɛ Yehiel.

Yoshua 18:10

Yoshua fɔ sɔ kɛ bi Yawɛ ga womi ha mɛ ngɛ lejɛ ɔ, nɛ e dla zugba a ngɔ ha Israel wɛtso ɔmɛ nɛ piɛ ɔ.

Kronika I, 24:4

A gba Eleazar nina a mi kɛ wo kuu nyɔngma kɛ ekpa mi, nɛ a gba Itamar nina a mi kɛ wo kuu kpaanyɔ mi. Nɔ́ nɛ ha nɛ e ba lɛ kikɛ nɛ ɔ ji nyumuhi nikɔtɔmahi hiɛ ngɛ Eleazar nina a a kpɛti pe Itamar nina a.

Kronika I, 26:13

A fɔ sɔ kɛ dla agbo ɔmɛ nɛ a maa bu a he ɔ kɛ ha we puɔ nya tsuaa we puɔ nya; a hyɛ we we puɔ nya ko klemi kɛ pee nɔ́ nɛ ɔ.

Kronika I, 25:8

A fɔ sɔ nɛ a kɛ dla ní tsumi ɔ. A hyɛ we nɔ ko hɛ mi, jokuɛ jio, nɔkɔtɔma jio, tsɔɔlɔ jio, kaselɔ jio.

Yesaya 43:28

nɛ nyɛ ganɔ ɔmɛ hu ble ye he klɔuklɔu ɔ; lɔ ɔ he ɔ, i ha a kpata Israel hɛ mi; i ha a pue ye ma a hɛ mi si.”