Kronika I, 24:19 - BAIBLO ALOO NGMAMI KLƆUKLƆU Ɔ

¹⁹ Enɛ ɔ ji ní tsumi nɛ a ha mɛ ɔ he blɔ nya tomi nɛ fɔɔ si, nɛ e nɔ a daa kɛ ya sɔmɔɔ ngɛ Yawɛ we ɔ. A nɛ̃, Aaron ji nɔ nɛ to blɔ nya nɛ ɔ kɛ fɔ si kaa bɔ nɛ Yawɛ, Israel Mawu ɔ fa lɛ ɔ.

Kronika I, 24:19 ပူးပေါင်းရင်းမြစ်များ

Kronika I, 9:25

Agbo nya buli nɛ ɔmɛ a nyɛmimɛ nɛ ngɛ kɔpe ɔmɛ a mi ɔ ba kpeeɔ mɛ kɛ tsuɔ bumi ní tsumi nɛ ɔ otsiotsi. Ke kuu kake ba bu otsi, kɛkɛ kuu kake ba tsake mɛ.

Hebribi 7:11

Kaa Levi, nɛ e yi nɔ a wo mlaa a, e nina nɛ yeɔ osɔfo ɔ tsu ní bɔ nɛ sa a, jinɛ e he be hiae kaa osɔfo kpa ko kaa Melkizedek nɛ pi Aaron nina ji lɛ kulaa a nɛ ba.

1 Korintobi 14:40

Á pee nɔ́ tsuaa nɔ́ bɔ nɛ sa ngɛ blɔ nya tomi nya.

Kronika II, 23:8

Levi bi ɔmɛ, kɛ Yuda ma a pee kaa bɔ nɛ osɔfo Yehoyada fa mɛ ɔ pɛpɛɛpɛ. Nihi nɛ ba tsu ní Hejɔɔmi ligbi ɔ nɛ sa kaa a ya we mi ɔ, osɔfo Yehoyada ha we nɛ a ngmɛɛ a he. Enɛ ɔ he je ɔ, asafoatsɛmɛ ɔmɛ ná we bi babauu, nihi nɛ ma ní tsumi, kɛ ni nɛmɛ nɛ kpa.

Kronika II, 23:4

Lɔ ɔ he ɔ, bɔ nɛ wa maa pee ji nɛ ɔ nɛ. Ke osɔfo ɔmɛ, kɛ Levi bi ɔmɛ ba ní tsumi Hejɔɔmi ligbi ɔ, a mi dlami etɛ mi kake ma ya bu Yawɛ we ɔ agbo ɔmɛ a nya,

Kronika I, 24:1

Kuuhi a mi nɛ a gba Aaron nina kɛ wo ji nɛ ɔmɛ nɛ. Aaron binyumuhi ji Nadab, Abihu, Eleazar, kɛ Itamar.

Luka 1:8

Ligbi ko ɔ, Zakaria ya ngɛ osɔfo ní tsumi tsue ngɛ sɔlemi we ɔ. Jamɛ a be ɔ, e su a we osɔfo kuu ɔ nɔ kaa mɛ lɛ a ma sɔmɔ.

Kronika I, 24:20

Levi nina nɛ piɛ ɔ ji nɛ ɔmɛ nɛ: Amram nina ji Shebuel, nɛ Shebuel nina ji Yedeya;

Kronika I, 6:34

Elkana, Yeroham, Eliel, Toa,