Kronika I, 24:1 - BAIBLO ALOO NGMAMI KLƆUKLƆU Ɔ

¹ Kuuhi a mi nɛ a gba Aaron nina kɛ wo ji nɛ ɔmɛ nɛ. Aaron binyumuhi ji Nadab, Abihu, Eleazar, kɛ Itamar.

Kronika I, 24:1 ပူးပေါင်းရင်းမြစ်များ

Mose II, 6:23

Aaron ngɔ Aminadab biyo Elisheba, Nahshon nyɛmiyo ɔ; nɛ e kɛ lɛ fɔ Nadab, Abihu, Eleazar, kɛ Itamar.

Kronika I, 23:6

David dla Levi bi ɔmɛ kɛ wo kuu etɛ mi kaa bɔ nɛ we puɔ nya amɛ ngɛ ɔ: Gershon bi, Kohat bi, kɛ Merari bi.

Mose IV, 26:60

Aaron bimɛ ji Nadab, Abihu, Eleazar, kɛ Itamar.

Mose IV, 3:2

Aaron ngɛ binyumuhi eywiɛ. Tɛte ɔ biɛ ji Nadab, nɛ e senihi ji Abihu, Eleazar, kɛ Itamar.

Kronika I, 6:3

Amram binyumuhi ji Aaron kɛ Mose. E ngɛ biyo hu nɛ a tsɛɛ lɛ Miriam. Aaron binyumuhi ji Nadab, Abihu, Eleazar, kɛ Itamar.

Mose II, 28:1

“Moo tsɔ ya ngɔ o nyɛminyumu Aaron kɛ e binyumu ɔmɛ nɛ ji Nadab, Abihu, Eleazar, kɛ Itamar kɛ ba. Mo ha nɛ a tsɔ a he kɛ je Israel bi kpa amɛ a he, bɔ nɛ pee nɛ a ba sɔmɔ mi kaa osɔfohi.

Kronika I, 28:13

Jehanɛ, David ha Salomo fonihi nɛ a maa hyɛ nɔ kɛ dla ní tsumi ha osɔfo ɔmɛ, kɛ Levi bi ɔmɛ ngɛ Yawɛ we ɔ, kɛ bɔ nɛ a maa hyɛ níhi tsuo nɛ a kɛ tsuɔ ní ngɛ Yawɛ we ɔ a nɔ ha.

Kronika II, 5:11

Osɔfo ɔmɛ tsuo nɛ ba bua a he nya a tsu a he, tsa pi ngɛ a kuu ɔmɛ a mi kɛkɛ. Levi bi, ni nɛmɛ nɛ ji lali ɔmɛ tsuo bu kploba saminyawiiwi. Mɛ ji Asaf, Heman, kɛ Yedutun, kɛ a bimɛ, kɛ a nyɛmimɛ. Levi bi ɔmɛ ya da si ngɛ bɔ sami la tɛ ɔ beleku je kɛ a dɛ mi ngmlɛhi, bɛhi, kɛ sakuhi. Osɔfohi lafa kɛ nyingmi enyɔ piɛ a he ngɛ lejɛ ɔ, nɛ mɛɛ lɛɛ a ngɛ titimati kpae. Titimati kpali ɔmɛ, ngmlɛ fiali ɔmɛ, kɛ saku fiali ɔmɛ piɛ lali ɔmɛ a he, nɛ mɛ tsuo a nya sɔ kɛ wo la a nɔ. A la kɛ je Yawɛ yi ke, “A je Yawɛ yi, ejakaa e hi, ejakaa e suɔmi ɔ ngɛ kɛ yaa neneene.” Benɛ osɔfo ɔmɛ ngɛ kpo jee ngɛ Yawɛ we ɔ mi ɔ, bɔku ba ha lejɛ ɔ tlukaa. Bɔku nɛ ɔ ngɛ kpɛe kaa Yawɛ hɛ mi nyami; enɛ ɔ he je ɔ, osɔfo ɔmɛ nyɛ we nɛ a kpale kɛ ya lejɛ ɔ nɛ a ya tsu ní.

Kronika II, 8:14

Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Kronika II, 23:8

Levi bi ɔmɛ, kɛ Yuda ma a pee kaa bɔ nɛ osɔfo Yehoyada fa mɛ ɔ pɛpɛɛpɛ. Nihi nɛ ba tsu ní Hejɔɔmi ligbi ɔ nɛ sa kaa a ya we mi ɔ, osɔfo Yehoyada ha we nɛ a ngmɛɛ a he. Enɛ ɔ he je ɔ, asafoatsɛmɛ ɔmɛ ná we bi babauu, nihi nɛ ma ní tsumi, kɛ ni nɛmɛ nɛ kpa.

Kronika II, 31:2

Matsɛ Hezekia kpale dla ní tsumi kɛ ha osɔfo ɔmɛ, kɛ Levi bi ɔmɛ, nɔ tsuaa nɔ kɛ e ní tsumi pɔtɛɛ. Ní tsumi slɔɔto ɔmɛ ji nɛ ɔmɛ nɛ: sami bɔ sami, tue mi jɔmi bɔ sami, sɔmɔmi ngɛ Yawɛ we ɔ, kɛ Yawɛ yi jemi kɛ si nami.

Ezra 6:18

A to osɔfo ɔmɛ, kɛ Levi bi ɔmɛ ngɛ a we asafo kuu ɔmɛ a nya kɛ ha Mawu we ɔ sɔmɔmi ní tsumi ɔmɛ ngɛ Yerusalem, kaa bɔ nɛ a ngma ngɛ Mose mlaa womi ɔ mi ɔ.

Mose IV, 3:4

Se Nadab, kɛ Abihu lɛɛ a gbo benɛ a ngɔ la nɛ he tsɔ we kɛ ba Yawɛ hɛ mi ngɛ Sinai nga a nɔ ɔ. Akɛnɛ mɛɛ a be bimɛ he je ɔ, Eleazar kɛ Itamar pɛ lɛ a sɔmɔ kaa osɔfohi ngɛ a tsɛ Aaron wami be mi.

Kronika I, 6:34

Elkana, Yeroham, Eliel, Toa,

Ezra 7:5

Buki tsɛ ji Abishua, Abishua tsɛ ji Finehas, Finehas tsɛ ji Eleazar, nɛ Eleazar tsɛ ji Aaron.