Kronika I, 23:6 - BAIBLO ALOO NGMAMI KLƆUKLƆU Ɔ

⁶ David dla Levi bi ɔmɛ kɛ wo kuu etɛ mi kaa bɔ nɛ we puɔ nya amɛ ngɛ ɔ: Gershon bi, Kohat bi, kɛ Merari bi.

Kronika I, 23:6 ပူးပေါင်းရင်းမြစ်များ

Kronika II, 8:14

Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Kronika I, 6:1

Levi ngɛ binyumuhi nɛ a tsɛɛ mɛ Gershon, Kohat, kɛ Merari.

Ezra 6:18

A to osɔfo ɔmɛ, kɛ Levi bi ɔmɛ ngɛ a we asafo kuu ɔmɛ a nya kɛ ha Mawu we ɔ sɔmɔmi ní tsumi ɔmɛ ngɛ Yerusalem, kaa bɔ nɛ a ngma ngɛ Mose mlaa womi ɔ mi ɔ.

Kronika II, 29:25

Mlaahi nɛ Yawɛ wo Matsɛ David kɛ gu lɛ David ɔ gbalɔ Gad, kɛ gbalɔ Natan a nɔ ɔ, Matsɛ Hezekia ye mlaa amɛ a nɔ pɛpɛɛpɛ. E ngɔ Levi bi ɔmɛ ya da si ngɛ Yawɛ we ɔ kɛ a dɛ mi gɔgɔhi, bɛhi, kɛ sakuhi

Kronika I, 6:16

Levi binyumuhi ji Gershon, Kohat, kɛ Merari.

Kronika II, 35:10

Benɛ a to blɔ nya kɛ ha Hetsɔmi ɔ gbe nya a, osɔfo ɔmɛ, kɛ Levi bi ɔmɛ ho ya da a blɔ hehi kaa bɔ nɛ matsɛ ɔ fa mɛ ke a pee ɔ.

Kronika II, 31:2

Matsɛ Hezekia kpale dla ní tsumi kɛ ha osɔfo ɔmɛ, kɛ Levi bi ɔmɛ, nɔ tsuaa nɔ kɛ e ní tsumi pɔtɛɛ. Ní tsumi slɔɔto ɔmɛ ji nɛ ɔmɛ nɛ: sami bɔ sami, tue mi jɔmi bɔ sami, sɔmɔmi ngɛ Yawɛ we ɔ, kɛ Yawɛ yi jemi kɛ si nami.

Kronika I, 26:1

Levi bi nɛ buu ngɛ Yawɛ we ɔ, bɔ nɛ a dla ní tsumi ngɔ ha mɛ ji nɛ ɔ nɛ. Ngɛ Kora weku ɔ mi ɔ, a hla Kore binyumu Meshelemia kɛ je Asaf we ɔ mi.

Kronika I, 24:1

Kuuhi a mi nɛ a gba Aaron nina kɛ wo ji nɛ ɔmɛ nɛ. Aaron binyumuhi ji Nadab, Abihu, Eleazar, kɛ Itamar.

Kronika I, 23:7

Gershon binyumuhi ji Ladan kɛ Shimei.

Kronika I, 28:13

Jehanɛ, David ha Salomo fonihi nɛ a maa hyɛ nɔ kɛ dla ní tsumi ha osɔfo ɔmɛ, kɛ Levi bi ɔmɛ ngɛ Yawɛ we ɔ, kɛ bɔ nɛ a maa hyɛ níhi tsuo nɛ a kɛ tsuɔ ní ngɛ Yawɛ we ɔ a nɔ ha.

Kronika II, 23:18

Yehoyada ngɔ Yawɛ we ɔ ní tsumi ɔ ngɔ wo osɔfo ɔmɛ, kɛ Levi bi ɔmɛ a dɛ mi, konɛ a tsu ní ɔ kaa bɔ nɛ Matsɛ David dla ní tsumi ɔ ngɔ ha mɛ ɔ. Mɛ lɛ a maa sã bɔ ɔmɛ kɛ ha Yawɛ kaa bɔ nɛ a ngma ngɛ Mose mlaa a mi ɔ. Mɛ kɛ̃ ji ni nɛmɛ nɛ maa hyɛ lami, kɛ nyami blɔ nya tomi ɔmɛ a nɔ.

Mose IV, 3:3

A pɔ mɛ nu, nɛ Aaron ngɔ mɛ ngɔ wo osɔfo yemi ní tsumi ɔ mi.

Mose IV, 3:17

Levi ngɛ binyumuhi etɛ: Gershon, Kohat, kɛ Merari. Mɛ ji a we puɔ nyatsɛmɛ. Gershon ngɛ binyumuhi enyɔ: Libni, kɛ Shimei. Kohat ngɛ binyumuhi eywiɛ: Amram, Izhar, Hebron, kɛ Uziel. Merari ngɛ binyumuhi enyɔ: Mahli, kɛ Mushi. Mɛ ji a weku ɔmɛ a nyatsɛmɛ.

Mose IV, 4:4

Kohat bi ɔmɛ ji ni nɛmɛ nɛ ma tsu níhi nɛ ngɛ klɔuklɔu pe kulaa ngɛ kpe he bo tsu ɔ mi ɔ a he ní.

Kronika II, 35:4

Nyɛ ya hi nyɛ blɔ hehi ngɛ Yawɛ we ɔ we puɔ nya we puɔ nya kaa bɔ nɛ Israel matsɛ, David kɛ e bi Salomo dla ní tsumi ɔmɛ ngɔ ha nyɛ ɔ.