Kronika I, 23:5 - BAIBLO ALOO NGMAMI KLƆUKLƆU Ɔ

⁵ akpe eywiɛ maa bu agbo nya, nɛ akpe eywiɛ hu maa fia saku ɔmɛ nɛ matsɛ ɔ pee ɔ kɛ je Yawɛ yi.

Kronika I, 23:5 ပူးပေါင်းရင်းမြစ်များ

Amos 6:5

Nyɛ suɔ kaa nyɛ maa po lahi kaa bɔ nɛ David pee ɔ, nɛ nyɛɛ fia la amɛ ngɛ kpa sakuhi a nɔ.

La 87:7

A maa do, nɛ a ma la ke, “Zion lɛ wa gbaami ɔmɛ tsuo jeɔ.”

Kronika II, 8:14

Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Nehemia 7:73

Osɔfo ɔmɛ, Levi bi ɔmɛ, buli ɔmɛ, lali ɔmɛ, ma mi bi ɔmɛ saii, sɔlemi we ɔ he ní tsuli ɔmɛ, kɛ Israel ma a tsuo ba hi Yuda ma amɛ a mi.

Kronika II, 35:15

Lali ɔmɛ nɛ ji Asaf bimɛ ɔmɛ ya hi a blɔ hehi kaa bɔ nɛ Matsɛ David wo mlaa ke a pee ɔ. Mɛ ji Asaf, Heman, kɛ Yedutun, matsɛ ɔ gbalɔ ɔ. Agbo nya buli ɔmɛ ho ya da a blɔ hehi kaa bɔ nɛ a peeɔ daa a; mɛɛ lɛɛ e hia we kaa a si a ní tsumi ɔ, ejakaa a nyɛmimɛ Levi bi ɔmɛ ngɔ a blɔ fa mi nɔ́ ɔ kɛ ba ha mɛ.

Kronika I, 16:38

A he piɛli ji Yedutun binyumu Obed Edom, kɛ nyumuhi nyingmi ekpa kɛ kpaanyɔ nɛ je e weku ɔ mi. Hosa kɛ Obed Edom ji agbo nya buli.

Kronika I, 9:33

Levi bi ɔmɛ a ti ni komɛ a ní tsumi ji a la ngɛ Yawɛ we ɔ. A nya dali ɔmɛ hii tsuhi nɛ ngɛ Yawɛ we ɔ ekomɛ a mi. Mɛɛ lɛɛ a ha we mɛ ní tsumi kpa ko, ejakaa a tsuɔ ní nyɔ kɛ pia.

Matsɛmɛ I, 10:12

Salomo kɛ tso nɛ ɔmɛ eko kpɛ piɛ ngɔ wo Yawɛ we ɔ, kɛ matsɛ we ɔ a he, nɛ e kɛ eko hu pee kpa sakuhi, kɛ bɛhi ha e lali ɔmɛ. Tso ɔmɛ nɛ a kɛ ba a, a nɛ a henɔ ko hyɛ ngɛ Israel kɛ ba si mwɔnɛ ligbi nɛ ɔ.

Matsɛmɛ II, 7:10

Kɛkɛ nɛ a ho nɛ a ya tsɛ ma agbo nya buli ɔmɛ nɛ a de mɛ ke, “Wa ya Siria bi ɔmɛ a ma sito he ɔ, se wa nɛ nɔ ko nɔ ko ngɛ lejɛ ɔ; wa nui nɔ ko nɔ ko nya hulɔ. A fi okpɔngɔ ɔmɛ, kɛ teji ɔmɛ kɛ muɔ si, nɛ bo tsu ɔmɛ fɔɔ si kaa bɔ nɛ a si mɛ ɔ.”

Kronika I, 16:4

David hla Levi bi komɛ nɛ a da ma a nya kɛ ja Yawɛ, Israel Mawu ɔ ngɛ somi daka a hɛ mi; a ní tsumi ji a tsɛ Mawu, a na Mawu si, nɛ a je Mawu yi daa.

Kronika I, 23:30

Mɛ ji ni nɛmɛ nɛ a ma la kɛ je Yawɛ yi, nɛ a maa wo e biɛ ɔ hɛ mi nyami daa mɔtu kɛ gbɔkuɛ,

Kronika II, 20:28

Benɛ a ba su ma a mi ɔ, a fia saku, nɛ a kpa bɛ, kɛ titimati kɛ ya sɛ Yawɛ we ɔ mi.

Kronika II, 34:13

Levi bi kpa komɛ hu hyɛɛ tlomi tlooli, kɛ ní tsuli kpahi a nɔ. A ti ni komɛ hu ji womi ngmali, ma ní tsuli, kɛ agbo nya buli.

Yesaya 64:10

O ma klɔuklɔu ɔ plɛ pee nga kplanaa. Zion plɛ pee nga nɔ, nɛ Yerusalem pee ma doku.