Kronika I, 23:4 - BAIBLO ALOO NGMAMI KLƆUKLƆU Ɔ

⁴ David dla ní tsumi nɛ ɔmɛ ngɔ ha mɛ: nihi akpe nyingmi enyɔ kɛ eywiɛ maa hyɛ Yawɛ we ɔ mami ní tsumi ɔ nɔ, akpe ekpa ma tsu ma ní nɛ a maa kojo,

Kronika I, 23:4 ပူးပေါင်းရင်းမြစ်များ

Kronika II, 19:8

Yehoshafat wo Levi bi ɔmɛ, osɔfo ɔmɛ, kɛ Israel ma nimeli ɔmɛ a ti ni komɛ kojoli ngɛ Yerusalem hulɔ. Mɛɛ a ní tsumi ji a kojo sanehi nɛ kɔɔ Yawɛ mlaa a nɔ tɔmi he, nɛ a hyɛ ma mi bi ɔmɛ a kpɛti sanehi a mi. Yerusalem ji he nɛ a kojoɔ ngɛ.

Mose V, 16:18

“Nyɛɛ wo kojoli kɛ tsɔli ngɛ nyɛ wɛtso ɔmɛ a mi ngɛ ma amɛ tsuo nɛ Yawɛ, nyɛ Mawu ɔ ngɛ nyɛ hae ɔ a mi. Mɛɛ a ní tsumi ji kaa a maa hyɛ nɛ dami sane yemi nɛ ma si.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Nehemia 11:22

Nɔ nɛ hyɛɛ Levi bi nɛ ngɛ Yerusalem ɔ a nɔ ji Bani bi Uzi, Hashabia bibi ɔ. E nɛmɛ ji Matania kɛ Mika. E je Asaf we puɔ nya. We puɔ nya nɛ ɔ blɔ nya ji kaa e hyɛ la nɛ a laa kɛ sɔmɔɔ ngɛ Mawu we ɔ nɔ saminya.

Nehemia 11:9

A nyatsɛ ji Zikri bi Yoel; nɛ Hasenua bi Yuda ji ma a nɔ hyɛlɔ ɔ setsɔ.

Kronika I, 6:48

A nyɛmimɛ Levi bi ɔmɛ ji nihi nɛ a dla ní tsumi slɔɔtoslɔɔto ɔmɛ tsuo nɛ ngɛ Yawɛ we ɔ kɛ ha.

Ezekiel 44:24

Ke sane ko ba a, osɔfo ɔmɛ nɔuu nɛ a hyɛ sane ɔ mi, nɛ á kojo ngɛ ye mlaa amɛ a nya. Mlaahi, kɛ blɔ nya tomihi nɛ kɔɔ nyami be ɔmɛ tsuo a he ɔ, a hyɛ nɛ a ye a nɔ pɛpɛɛpɛ, nɛ a pee Hejɔɔmi ligbi ɔmɛ klɔuklɔu.

Kronika II, 23:18

Yehoyada ngɔ Yawɛ we ɔ ní tsumi ɔ ngɔ wo osɔfo ɔmɛ, kɛ Levi bi ɔmɛ a dɛ mi, konɛ a tsu ní ɔ kaa bɔ nɛ Matsɛ David dla ní tsumi ɔ ngɔ ha mɛ ɔ. Mɛ lɛ a maa sã bɔ ɔmɛ kɛ ha Yawɛ kaa bɔ nɛ a ngma ngɛ Mose mlaa a mi ɔ. Mɛ kɛ̃ ji ni nɛmɛ nɛ maa hyɛ lami, kɛ nyami blɔ nya tomi ɔmɛ a nɔ.

Kronika II, 34:13

Levi bi kpa komɛ hu hyɛɛ tlomi tlooli, kɛ ní tsuli kpahi a nɔ. A ti ni komɛ hu ji womi ngmali, ma ní tsuli, kɛ agbo nya buli.