Kronika I, 23:32 - BAIBLO ALOO NGMAMI KLƆUKLƆU Ɔ

³² A ní tsumi hu ji kaa a hyɛ kpe he bo tsu ɔ, kɛ Yawɛ we ɔ a nɔ, nɛ a piɛ a nyɛmimɛ osɔfo ɔmɛ, nɛ ji Aaron bimɛ ɔmɛ a he kɛ sɔmɔ ngɛ Yawɛ we ɔ.

Kronika I, 23:32 ပူးပေါင်းရင်းမြစ်များ

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Mose IV, 3:38

Ni nɛmɛ nɛ maa to si ngɛ kpe he ɔ hɛ mi kɛ yaa beleku je ji Mose, Aaron, kɛ Aaron binyumu ɔmɛ. Mɛ ji nihi nɛ ma tsu kusumi ní tsumihi tsuo ngɛ he klɔuklɔu ɔ kɛ ha Israel ma a nɛ. Nɔ kpa ko nɛ maa hɛ lɛ kɛ su ní tsumi nɛ ɔ he ɔ, a gbe lɛ.

Kronika I, 9:27

Blɔ nya nɛ a hɛɛ ɔ he je ɔ, Yawɛ we ɔ kasa nya a hii, ejakaa a ní tsumi ji a bu lejɛ ɔ, nɛ a bli agbo ɔmɛ daa mɔtu.

Matsɛmɛ I, 8:4

nɛ a hɛɛ kɛ ho Yawɛ we ɔ mi ya. Levi bi ɔmɛ, kɛ osɔfo ɔmɛ hɛɛ kpe he bo tsu ɔ, kɛ ní klɔuklɔu ɔmɛ nɛ ngɛ mi ɔ hu kɛ ho Yawɛ we ɔ mi ya.

Mose IV, 8:26

Kɛ je jamɛ a be ɔ kɛ yaa a, a ní tsumi ji kaa a maa piɛ a nyɛmimɛ Levi bi ɔmɛ a he kɛ sɔmɔ ngɛ kpe he bo tsu ɔ mi, se mɛ nitsɛmɛ lɛɛ a be ní tsumi pɔtɛɛ ko tsue. Bɔ nɛ o maa to ní tsumi ɔ he blɔ nya kɛ ha Levi bi ɔmɛ ji nɛ ɔ nɛ.”

Mose IV, 18:5

He klɔuklɔu ɔ, kɛ bɔ sami la tɛ ɔ, o kɛ o bimɛ ɔmɛ pɛ nyɛ tsu ní ngɛ lejɛ ɔ, konɛ ye mi mi nɛ ko fu Israel bi ɔmɛ ekohu.

Mose V, 18:7

E ma nyɛ ma ba ja nɛ e sɔmɔ Yawɛ, e Mawu ɔ ngɛ lejɛ ɔ kaa bɔ nɛ Levi bi kpa amɛ nɛ ngɛ lejɛ ɔ peeɔ ɔ pɛpɛɛpɛ.

Ezekiel 44:14

Se kɛ̃ ɔ, ma ha a maa hyɛ sɔlemi we ɔ nɔ. Sɔmɔmi ní tsumi, kɛ ní tsumi kpahi nɛ hia kaa a tsu ɔ, mɛ lɛ a ma tsu.”