Kronika I, 23:3 - BAIBLO ALOO NGMAMI KLƆUKLƆU Ɔ

³ David ha nɛ a kane nyumuhi tsuo nɛ ngɛ Levi bi ɔmɛ a kpɛti ɔ, kɛ je ni nɛmɛ nɛ ye jeha nyingmi etɛ kɛ yaa a, nɛ a ná nihi akpe nyingmi etɛ kɛ kpaanyɔ.

Kronika I, 23:3 ပူးပေါင်းရင်းမြစ်များ

Kronika I, 23:24

Levi nina nɛ a kane nɛ a ngma a biɛ weku nya weku nya, kɛ we puɔ nya we puɔ nya ji nɛ ɔmɛ nɛ. Nɔ tsuaa nɔ nɛ ye kɛ je jeha nyingmi enyɔ kɛ yaa a, ya tsuɔ ní ngɛ Yawɛ we ɔ.

Mose IV, 8:24

“Mlaa nɛ kɔɔ Levi bi ɔmɛ a he ji nɛ ɔ nɛ: Levi no tsuaa Levi no nɛ ye kɛ je jeha nyingmi enyɔ kɛ enuɔ kɛ yaa a, e ma sɔmɔ ngɛ kpe he bo tsu ɔ mi.

Kronika I, 23:2

Matsɛ David ya kpee Israel ma nikɔtɔma amɛ, osɔfo ɔmɛ, kɛ Levi bi ɔmɛ tsuo kɛ ba.

Kronika II, 31:16

se pi ngɛ weku nya. Nyumuhi tsuo nɛ ye jeha nyingmi etɛɛtɛ, loo nɔ́ nɛ pe ja, nɛ a ya sɔmɔɔ ngɛ Yawɛ we ɔ mi daa ligbi ɔ, a dla niye ní ha mɛ hulɔ kaa bɔ nɛ blɔ nya nɛ a hɛɛ ɔ tsɔɔ ɔ.