Kronika I, 23:29 - BAIBLO ALOO NGMAMI KLƆUKLƆU Ɔ

²⁹ A ní tsumi hu ji kaa a hyɛ ní nɛ ɔmɛ a nɔ: abolo ɔ nɛ a kɛ maa Mawu hɛ mi ɔ, ma nɛ a kɛ sãã niye ní bɔ ɔ, abolo kplolo ɔ, keeki nɛ a sã a, kɛ mamu bukɔbukɔ ɔ nɛ a futu mi nu ɔ. Jehanɛ, Levi bi ɔmɛ a ní tsumi ji kaa sɛnihi, kɛ ní kpahi nɛ a kɛ ngmɛɛ, loo a kɛ susuu níhi nɛ a kɛ ba sãã bɔ ɔ, a hyɛ kaa jamɛ a ní ɔmɛ ngɛ pɛpɛɛpɛ lo.

Kronika I, 23:29 ပူးပေါင်းရင်းမြစ်များ

Mose II, 25:30

Nɛ o ngɔ abolo klɛdɛɛ ɔ nɛ a kɛ maa ma ye hɛ mi daa a kɛ ma okplɔɔ ɔ nɔ.

Hebribi 9:2

A ma bo tsu, nɛ a po mi enyɔ. A tsɛɛ bo tsu ɔ he nɛ a guu kɛ sɛɛ mi ɔ he klɔuklɔu. Kane tso, kɛ okplɔɔ kɛ e nɔ abolo klɛdɛɛ ɔ ngɛ lejɛ ɔ.

Mateo 12:4

David ya sɛ Mawu we ɔ, nɛ e kɛ e we bi ɔmɛ ye abolo ɔ nɛ a kɛ maa Mawu hɛ mi ɔ. Mlaa a ngmɛ́ blɔ kaa a peeɔ ja; osɔfo ɔmɛ pɛ lɛ a ngɛ he blɔ nɛ a yeɔ jamɛ a abolo ɔ.

Nehemia 10:33

Wɔ tsuo wa maa ngɔ ní nɛ ɔmɛ kɛ ba nɛ a kɛ sɔmɔ ngɛ Yawɛ we ɔ: abolo klɔuklɔu ɔ, niye ní bɔ nɛ a sãã daa ligbi ɔ, lohwehi nɛ a kɛ sãã bɔ daa ligbi ɔ, bɔ klɔuklɔu ɔmɛ nɛ a sãã Hejɔɔmi ligbi ɔmɛ ɔ, kɛ Nyɔhiɔhe nyami be ɔ, kɛ nyami be kpa amɛ a nɔ ɔ. Wa ma ha níhi nɛ a kɛ sãã bɔ klɔuklɔu kpa amɛ hulɔ kaa yayami pami bɔ nɛ a kɛ kpataa Yawɛ ha Israel kikɛ nɛ ɔ, kɛ nɔ́ ko saisaa nɛ he hia nɛ a kɛ ma sɔmɔ ngɛ wa Mawu ɔ we ɔ.

Kronika II, 29:18

Kɛkɛ nɛ Levi bi ɔmɛ ba Matsɛ Hezekia ngɔ, nɛ a ba bɔ lɛ amaniɛ ke, “Wa pee kusumi kɛ tsukɔ Yawɛ we ɔ tsuo gbe nya. La tɛ ɔ nɛ a sãã sami bɔ ngɛ nɔ ɔ, kɛ okplɔɔ ɔ nɛ a kɛ abolo klɔuklɔu ɔ maa nɔ ɔ, kɛ a he ní ɔmɛ tsuo, wa tsukɔ a he.

Kronika II, 13:11

Daa mɔtu kɛ gbɔkuɛ ɔ, a sãã sami bɔhi, kɛ tsopa kɛ e he via kɛ haa Yawɛ. A toɔ abolo klɛdɛɛ ɔ ngɔ fɔɔ okplɔɔ nɛ he tsɔ ko nɔ kɛ maa Yawɛ hɛ mi, nɛ daa gbɔkuɛ ɔ, a suɔ kane ɔmɛ ngɛ sika tsu kane tso ɔmɛ a nɔ. Wɔɔ lɛɛ nɔ́ nɛ Yawɛ, wa Mawu ɔ fa wɔ ke waa pee ɔ, lɔ ɔ wa peeɔ; se nyɛɛ lɛɛ nyɛ kua lɛ.

Matsɛmɛ I, 7:48

Salomo ha a kɛ sika tsu ngmingmiingmi pee ní nɛ ɔmɛ hulɔ kɛ ma Yawɛ we ɔ mi: bɔ sami la tɛ ɔ, okplɔɔ ɔ nɛ a kɛ abolo klɛdɛɛ ɔ maa nɔ ngɛ Yawɛ we ɔ,

Mose IV, 3:50

Sika nɛ a ha ngɛ Israel bitɛte ɔmɛ a he, nɛ e nine su nɔ ji sika hiɔ yi akpe, kɛ e nya lafa etɛ kɛ nyingmi ekpa kɛ enuɔ kaa bɔ nɛ he klɔuklɔu ɔ jua nɛ a po ɔ ngɛ ɔ.

Mose III, 7:9

Niye ní bɔ tsuaa niye ní bɔ nɛ a sã ngɛ flɔɔnɔɔ mi, aloo nɔ́ nɛ a si ngɛ kutu mi, loo ngɛ ngɛyu mi ɔ, osɔfo ɔ nɛ sã bɔ ɔ nɔ́ ji lɔ ɔ nɛ.

Kronika I, 23:28

Ke a ngma a biɛ se ɔ, a ní tsumi ji a wa osɔfo ɔmɛ nɛ ji Aaron nina a nɛ a kɛ sɔmɔ ngɛ Yawɛ we ɔ. A blɔ nya ji kaa a hyɛ kue ɔmɛ, kɛ tsu ɔmɛ a nɔ, nɛ a tsukɔ ní klɔuklɔu ɔmɛ tsuo a he.

Kronika I, 23:30

Mɛ ji ni nɛmɛ nɛ a ma la kɛ je Yawɛ yi, nɛ a maa wo e biɛ ɔ hɛ mi nyami daa mɔtu kɛ gbɔkuɛ,