Kronika I, 23:28 - BAIBLO ALOO NGMAMI KLƆUKLƆU Ɔ

²⁸ Ke a ngma a biɛ se ɔ, a ní tsumi ji a wa osɔfo ɔmɛ nɛ ji Aaron nina a nɛ a kɛ sɔmɔ ngɛ Yawɛ we ɔ. A blɔ nya ji kaa a hyɛ kue ɔmɛ, kɛ tsu ɔmɛ a nɔ, nɛ a tsukɔ ní klɔuklɔu ɔmɛ tsuo a he.

Kronika I, 23:28 ပူးပေါင်းရင်းမြစ်များ

Nehemia 13:9

I fa ke a sá tsu ɔmɛ a mi saminya, nɛ a ngɔ níhi nɛ a kɛ tsuɔ ní ngɛ Mawu we ɔ, kɛ ngma bɔ ɔmɛ, kɛ mimɛ ɔ kɛ ya to a hi hehi.

Kronika II, 31:11

Hezekia fa ke a dla nito hehi ngɛ Yawɛ we ɔ. Benɛ a pee ja a,

Ezekiel 42:13

Kɛkɛ nɛ nyumu ɔ de mi ke, “Tsu enyɔ nɛ ɔmɛ ngɛ klɔuklɔu. Osɔfohi nɛ baa Yawɛ we ɔ, tsu nɛ ɔmɛ a mi a yeɔ bɔ klɔuklɔu pe kulaa a ngɛ. Tsu nɛ ɔmɛ ngɛ klɔuklɔu, nɛ a mi nɛ osɔfo ɔmɛ toɔ bɔ klɔuklɔu pe kulaa nɛ ɔmɛ ngɛ: niye ní bɔ, yayami pami bɔ, kɛ fɔ yemi bɔ.

Ezekiel 42:3

Blɔ nɛ ngɛ tsu nɛ ɔ, kɛ kpo ɔ nɔ je nɔ́ ɔ a kpɛti ji gugue enuɔ, nɛ tsu ɔmɛ ngɛ a sibi a hanɔ. A ka tɛ ngɛ lejɛ ɔ zugba a. Agbo nya tsu nɛ ɔ, a ma lɛ siaudo etɛ, nɛ ablanaa ngɛ eko tsuaa eko hɛ mi.

Ezekiel 41:26

Saflɛhi nɛ a pee puɔhi ngɛ a mi, nɛ a tɛni tãhi ngɛ a he ngɛ kue ɔ gbogbo ɔmɛ a he hiɛ kɛ hiɛ.

Yeremia 35:4

I ngɔ mɛ kɛ ba Yawɛ we ɔ, nɛ i kɛ mɛ ba wo gbalɔ Hanan, Igdalia bi ɔ se nyɛɛli ɔmɛ a tsu ɔ mi. Tsu nɛ ɔ ngɛ ma nimeli ɔmɛ a tsu ɔ kasa nya, ngɛ Shalum bi Maaseya tsu ɔ yiti je. Maaseya ji agbo nya bulɔ.

Nehemia 11:24

Meshezabel bi Petahia nɛ je Zera we puɔ nya, kɛ Yuda we puɔ nya a, daa Israel ma a nya ngɛ ma a sane yemihi a mi.

Ezra 8:29

Nyɛɛ hyɛ ní ɔmɛ a nɔ saminya kɛ ya su Mawu we ɔ ngɛ Yerusalem. Ke nyɛ su lejɛ ɔ, nyɛɛ ngmɛ ní ɔmɛ ngɛ osɔfo ɔmɛ a tsu ɔ mi ngɛ osɔfo nikɔtɔma amɛ, Levi bi ɔmɛ, kɛ Israel ma nimeli ɔmɛ a hɛ mi, konɛ nyɛɛ tu ngɔ wo a dɛ.”

Kronika II, 29:5

nɛ e kɛ mɛ ba tu munyu ngɛ lejɛ ɔ. E de mɛ ke, “Nyɛ Levi bi, nyɛɛ bu mi tue! Nyɛɛ tsukɔ nyɛ he, nɛ nyɛɛ tsukɔ Yawɛ, nyɛ nɛmɛ a Mawu ɔ we ɔ hu he. Nyɛ je nɔ́ tsuaa nɔ́ nɛ bleɔ Yawɛ we ɔ kɛ je hiɛ ɔ.

Kronika I, 28:13

Jehanɛ, David ha Salomo fonihi nɛ a maa hyɛ nɔ kɛ dla ní tsumi ha osɔfo ɔmɛ, kɛ Levi bi ɔmɛ ngɛ Yawɛ we ɔ, kɛ bɔ nɛ a maa hyɛ níhi tsuo nɛ a kɛ tsuɔ ní ngɛ Yawɛ we ɔ a nɔ ha.

Kronika I, 23:4

David dla ní tsumi nɛ ɔmɛ ngɔ ha mɛ: nihi akpe nyingmi enyɔ kɛ eywiɛ maa hyɛ Yawɛ we ɔ mami ní tsumi ɔ nɔ, akpe ekpa ma tsu ma ní nɛ a maa kojo,

Kronika I, 18:17

Yehoyada binyumu Benaya ji Keret kɛ Pelet bi ɔmɛ a nyatsɛ. Ni nɛ ɔmɛ ji David we bi a tabo. David binyumu ɔmɛ hɛɛ blɔ nya nguanguahi ngɛ matsɛ tsɔli ɔmɛ a kpɛti.

Matsɛmɛ I, 6:5

E ma tsu wawihi kɛ wo gbogbo ɔmɛ a he ngɛ kpo nɔ je, ngɛ we ɔ kasa hiɛ kɛ hiɛ, kɛ se ɔ tsuo.

Kronika I, 23:27

Kaa bɔ nɛ David de ngɛ e nyagbe munyu ɔmɛ a mi ɔ, Levi no tsuaa Levi no nɛ ye kɛ je jeha nyingmi enyɔ kɛ yaa pɛ, a kane lɛ.

Kronika I, 23:29

A ní tsumi hu ji kaa a hyɛ ní nɛ ɔmɛ a nɔ: abolo ɔ nɛ a kɛ maa Mawu hɛ mi ɔ, ma nɛ a kɛ sãã niye ní bɔ ɔ, abolo kplolo ɔ, keeki nɛ a sã a, kɛ mamu bukɔbukɔ ɔ nɛ a futu mi nu ɔ. Jehanɛ, Levi bi ɔmɛ a ní tsumi ji kaa sɛnihi, kɛ ní kpahi nɛ a kɛ ngmɛɛ, loo a kɛ susuu níhi nɛ a kɛ ba sãã bɔ ɔ, a hyɛ kaa jamɛ a ní ɔmɛ ngɛ pɛpɛɛpɛ lo.

Kronika II, 23:6

Nɔ ko nɔ ko nɛ ko ya Yawɛ we ɔ kaa ja osɔfohi, kɛ Levi bi nɛ ngɛ sɔmɔe ɔ pɛ; mɛɛ lɛɛ a ma nyɛ maa ya lejɛ ɔ, ejakaa a ngɛ klɔuklɔu. Ma a nɛ piɛ ɔ, mɛɛ a ye Yawɛ mlaa amɛ a nɔ; a ko ya lejɛ ɔ.

Kronika II, 29:15

Nyumu nɛ ɔmɛ ya bua a nyɛmimɛ Levi bi ɔmɛ a nya, nɛ mɛ tsuo a tsukɔ a he. Kɛkɛ ɔ, kaa bɔ nɛ matsɛ ɔ fa mɛ ke a pee ngɛ Yawɛ munyu ɔ nya a, a bɔni Yawɛ we ɔ he tsukɔmi.

Kronika II, 31:2

Matsɛ Hezekia kpale dla ní tsumi kɛ ha osɔfo ɔmɛ, kɛ Levi bi ɔmɛ, nɔ tsuaa nɔ kɛ e ní tsumi pɔtɛɛ. Ní tsumi slɔɔto ɔmɛ ji nɛ ɔmɛ nɛ: sami bɔ sami, tue mi jɔmi bɔ sami, sɔmɔmi ngɛ Yawɛ we ɔ, kɛ Yawɛ yi jemi kɛ si nami.

Ezekiel 40:17

Nyumu ɔ kɛ mi ya su kue ɔ nɛ ngɛ kpo nɔ je ɔ mi. Tsu nyingmi etɛ tsa a sibi a nɔ ngɛ gbogbo ɔ he. A ka tɛ ngɛ lejɛ ɔ zugba a tsuo

Ezekiel 44:14

Se kɛ̃ ɔ, ma ha a maa hyɛ sɔlemi we ɔ nɔ. Sɔmɔmi ní tsumi, kɛ ní tsumi kpahi nɛ hia kaa a tsu ɔ, mɛ lɛ a ma tsu.”

Kronika II, 23:4

Lɔ ɔ he ɔ, bɔ nɛ wa maa pee ji nɛ ɔ nɛ. Ke osɔfo ɔmɛ, kɛ Levi bi ɔmɛ ba ní tsumi Hejɔɔmi ligbi ɔ, a mi dlami etɛ mi kake ma ya bu Yawɛ we ɔ agbo ɔmɛ a nya,