Kronika I, 23:26 - BAIBLO ALOO NGMAMI KLƆUKLƆU Ɔ

²⁶ Enɛ ɔ he je ɔ, e pa hia we hu kaa Levi bi ɔmɛ nɛ a hɛɛ kpe he bo tsu ɔ, kɛ ní ɔmɛ tsuo nɛ a kɛ jaa Mawu ɔ.”

Kronika I, 23:26 ပူးပေါင်းရင်းမြစ်များ

Mose IV, 4:5

“Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ya sɛ bo tsu ɔ mi, nɛ a je tsu mi pomi bo ɔ nɛ ngɛ somi daka a nɛ somi womi ɔ ngɛ mi ɔ hɛ mi ɔ kɛ ha daka a he.

Mose IV, 7:9

Se Kohat bi ɔmɛ lɛɛ Mose ha we mɛ nɔ́ ko; ejakaa ní klɔuklɔu ɔmɛ nɛ a kɛ ha mɛ nɛ a hyɛ nɔ ɔ, a konɔ a kɛ maa fɔ.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose V, 10:8

Benɛ a ngɛ yoku ɔ he ɔ, Yawɛ hla Levi wɛtso ɔ mi nyumuhi, konɛ a hyɛ somi daka a nɔ, nɛ a sɔmɔ kaa osɔfohi, nɛ́ a ngɔ Yawɛ biɛ kɛ gbaa ma a. A blɔ nya ní tsumihi ji enɛ ɔmɛ kɛ mwɔɔ.

Mose IV, 4:49

A ngma nɔ tsuaa nɔ biɛ kakaaka kaa bɔ nɛ Yawɛ fa Mose ɔ, nɛ a dla ní tsumi slɔɔto ɔmɛ, kɛ tlomi ɔmɛ a tloomi ngɔ ha mɛ, nɔ tsuaa nɔ kɛ e nɔ́. Bɔ nɛ Yawɛ fa Mose ke e pee ji nɛ ɔ nɛ.

Kronika I, 23:27

Kaa bɔ nɛ David de ngɛ e nyagbe munyu ɔmɛ a mi ɔ, Levi no tsuaa Levi no nɛ ye kɛ je jeha nyingmi enyɔ kɛ yaa pɛ, a kane lɛ.

Kronika II, 35:3

Levi bi ɔmɛ nɛ a pee a he klɔuklɔu kɛ ha Yawɛ, nɛ mɛ lɛ a tsɔɔ Israel ma a ní ɔ, Yosia de mɛ ke, “Nyɛ wo somi daka klɔuklɔu ɔ kɛ ya ma Yawɛ we ɔ nɛ Israel matsɛ, David bi Salomo po ɔ. Jehanɛ lɛɛ nyɛ be somi daka a hɛɛe kɛ ya kɛ ba hu; nyɛ ní tsumi ji nyɛ sɔmɔ Yawɛ, nyɛ Mawu ɔ, kɛ e ma Israel.