Kronika I, 22:9 - BAIBLO ALOO NGMAMI KLƆUKLƆU Ɔ

⁹ Se kɛ̃ ɔ, e ha mi si womi ko. E de mi ke, ‘A ma fɔ binyumu ko ha mo, nɛ e maa ye matsɛ ngɛ tue mi jɔmi mi; ejakaa ma ha e kɛ e he nyɛli tsuo nɛ bɔle lɛ ɔ maa hi si ngɛ tue mi jɔmi mi. A ma tsɛ e biɛ ke Salomo, ejakaa e yi nɔ ɔ, ma ha Israel he jɔmi, kɛ tue mi jɔmi.

Kronika I, 22:9 ပူးပေါင်းရင်းမြစ်များ

Matsɛmɛ I, 1:13

Yaa Matsɛ David ngɔ esɔ, nɛ o ya de lɛ ke, ‘Ye nyɔmtsɛ matsɛ! Anɛ o ka we mi kita kaa ye bi Salomo ma ba ye tsɛ ngɛ o se lo? Mɛni he je mɔ nɛ Adoniya ngɛ matsɛ yee ɔ?’ ”

Matsɛmɛ I, 2:15

Adoniya de lɛ ke, “Kaa bɔ nɛ o le ɔ, jinɛ imi lɛ i yeɔ matsɛ; Israel ma a tsuo hyɛ blɔ kaa imi lɛ ma ba ye matsɛ ɔ nɛ. Se e ya bɛ lɛ ja, nɛ ye senɔ mohu ba ye matsɛ; ejakaa Yawɛ lɛ ha nɛ e ba mi ja.

Matsɛmɛ I, 3:7

Yawɛ ye Mawu lee, o ha nɛ i ba ngɛ tsɛ yee ngɛ tsaatsɛ David se, be mi nɛ jokuɛ bɔbɔyoo kɛkɛ ji mi, nɛ́ i li nɔ́ ko nɔ́ ko.

Matsɛmɛ I, 4:20

Nimli nɛ ngɛ Yuda kɛ Israel ɔ hiɛ babauu kaa wo nya zia; a yeɔ ní, nɛ a nuɔ ní, nɛ a náá bua jɔmi.

Matsɛmɛ I, 4:24

Salomo ye tsɛ ngɛ zugba a nɛ ngɛ Yufrate pa a bonyoku je ɔ tsuo nɔ, kɛ je Tifsa hluu kɛ ya pue Gaza. Matsɛmɛ ɔmɛ tsuo nɛ ngɛ Yufrate pa a bonyoku je ɔ sɔmɔ lɛ; nɛ e kɛ je ma amɛ nɛ bɔle lɛ kɛ kpe ɔ hi si ngɛ tue mi jɔmi mi.

Matsɛmɛ I, 4:25

Salomo yi nɔ ɔ, Yuda kɛ Israel tsuo hi si ngɛ he jɔmi mi kɛ je Dan kɛ ya si Beersheba; nɔ tsuaa nɔ ngɛ lɛ nitsɛ e wai tso kɛ ngmɔkɔ tso.

Matsɛmɛ I, 5:4

Se jehanɛ lɛɛ Yawɛ, ye Mawu ɔ ha mi tue mi jɔmi ngɛ ye huza amɛ a mi he tsuaa he; i be he nyɛli, nɛ nɔ ko hu ti si kɛ wui mi.

Matsɛmɛ I, 8:56

“A je Yawɛ yi; ejakaa e ha e ma a tue mi jɔmi kaa bɔ nɛ e de to ke e maa pee ɔ. Ní kpakpahi nɛ e wo si kɛ gu e tsɔlɔ, Mose nɔ kaa e maa pee ɔ, e pee mɛ tsuo pɛpɛɛpɛ.

Kronika I, 17:11

Ke o gbo, nɛ a ya dla mo ngɛ o nɛmɛ ɔmɛ a hwɔ he ɔ, ma wo mo nitsɛ o mi mi bimɛ ɔmɛ a ti nɔ kake matsɛ ngɛ o se, nɛ ma ha e matsɛ yemi ɔ maa ya nɔ.

Kronika I, 22:18

E de mɛ ke, “Yawɛ, nyɛ Mawu ɔ kɛ nyɛ nɛ hi si, nɛ e ha nyɛ tue mi jɔmi ngɛ he tsuaa he nɛ nyɛ ngɛ ɔ. Nihi nɛ ngɛ zugba nɛ ɔ nɔ loko wa ba hiɛ ɔ, Yawɛ ngɔ mɛ tsuo ngɔ wo ye dɛ mi. I ye a nɔ kunimi, nɛ amlɔ nɛ ɔ, a ba pee nyɛɛ kɛ Yawɛ nyɛ sɔmɔli.

Kronika II, 6:15

Si ko nɛ o wo tsaatsɛ David ɔ, o ye nɔ; nɛ mwɔnɛ ɔ, nɔ́ tsuaa nɔ́ nɛ o de to ɔ ba mi.

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

La 72:1

Mawu, ngɔɔ o dami sane yemi mumi kɛ wo matsɛ ɔ mi, konɛ o bi, odehe ɔ nɛ kojo pɛpɛɛpɛ!

La 72:7

Á ye dami sane saminya ngɛ e yi nɔ; e yi nɔ nɛ jɔ kulaa ngɛ he tsuaa he hluu kɛ yaa su be nɛ nyɔhiɔ be hu!

Yesaya 26:12

Yawɛ, mo lɛ o haa wɔ tue mi jɔmi; nɔ́ tsuaa nɔ́ nɛ wa ngɛ pee ɔ, mo lɛ o peeɔ ha wɔ.

Yesaya 45:7

Imi ji nɔ nɛ bɔ la kɛ diblii tsuo. Imi ji nɔ nɛ haa he jɔmi baa, haomi hu imi nɔuu. Imi Yawɛ ji nɔ nɛ peeɔ ní nɛ ɔmɛ tsuo.

Yesaya 57:19

Nihi nɛ a ngɛ kpo nya, kɛ tsitsaa tsuo ma na tue mi jɔmi. Ma tsa ye ma a.

Yesaya 66:12

Yawɛ ke, “Ma ha nyɛ ma ná ní kpɔtɔɔ. Je ma amɛ a juetli ma ba hyi nyɛ ma a mi tɔ kaa pa nɛ hyi ywia nga. Nyɛ maa pee kaa bimwɔyo nɛ e nyɛ hɛɛ lɛ dɔdɔɔdɔ ngɛ e tɛ nɔ; bɔɔ kɛkɛ e kɛ lɛ to e kasa nya ngɛ lɛ nyɔ hae, kɛkɛ ɔ, e ngɔ lɛ ngɔ fɔ e tɛ nɔ ekohu.

Hagai 2:9

Mawu we he ɔ maa hi fɛu pe momo ɔ. Ma ha kplɔkɔtɔ maa ba ye ma a nɔ, nɛ ni ɔmɛ maa hi si ngɛ tue mi jɔmi mi.” Yawɛ lɛ de.

Manyadali 6:24

Gideon pee bɔ sami la tɛ ngɛ lejɛ ɔ kɛ ha Yawɛ, nɛ e wo lɛ biɛ ke, “Yawɛ ji he jɔmi.” Bɔ sami la tɛ nɛ ɔ maa si ngɛ Abiezer bi ɔmɛ a ma a mi ngɛ Ofra kɛ ba si mwɔnɛ ɔ.