Kronika I, 22:6 - BAIBLO ALOO NGMAMI KLƆUKLƆU Ɔ

⁶ E tsɛ e bi Salomo, nɛ e fa lɛ ke e po we ha Yawɛ Israel Mawu ɔ.

Kronika I, 22:6 ပူးပေါင်းရင်းမြစ်များ

2 Timoteo 4:1

I ngɛ Mawu, kɛ Kristo Yesu odase tsɛe kɛ ngɛ mo ga woe. Kristo ma ba ye matsɛ; e ma ba kojo nihi nɛ a hɛ ngɛ, kɛ ni nɛmɛ nɛ gbo ɔ tsuo.

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ nɛ e tsɔɔ bɔfohi nɛ e hla a mlaa nɛ a ye nɔ.

Mose V, 31:23

Jehanɛ, Yawɛ to Nun bi Yoshua si, nɛ e de lɛ ke, “Pee kã, nɛ o he nɛ wa. Mo nɛ o ma kpaka Israel ma a kɛ ya zugba a nɛ i wo mɛ e he si ɔ nɔ. I kɛ mo maa hi si.”

Mose V, 31:14

Enɛ ɔ se ɔ, Yawɛ de Mose ke, “O gbenɔ be su ta. Mo tsɛ Yoshua nɛ o kɛ lɛ nɛ ba bo tsu ɔ mi, konɛ ma tsɔɔ lɛ bɔ nɛ e pee.” Mose kɛ Yoshua ya bo tsu ɔ mi.

Mose IV, 27:23

Nɛ, kaa bɔ nɛ Yawɛ fa lɛ ɔ, Mose ngɔ e nine kɛ pue Yoshua yi mi; nɛ e ngɔ he wami ɔ ngɔ wo e dɛ kaa e se yelɔ.

Mose I, 12:20

Matsɛ ɔ fa e we bi ɔmɛ nɛ a ha nɛ Abram, kɛ e yo ɔ, kɛ e we mi bi ɔmɛ je ma a mi kɛ a nɔ́ tsuaa nɔ́.

Matsɛmɛ I, 2:1

Benɛ David gbenɔ be su ɔ, e tsɛ e binyumu Salomo, nɛ e de lɛ ke,

Samuel II, 7:1

Benɛ Matsɛ David ba ngɛ e we ɔ mi, nɛ Yawɛ ha he jɔmi ba zugba a nɔ, nɛ David kɛ e he nyɛli nɛ bɔle lɛ kɛ kpe ɔ jɔɔ ta hwumi ɔ,

Kronika I, 17:1

Jehanɛ lɛɛ David ba je matsɛ we ɔ mi. Ligbi ko ɔ, e tsɔ ya tsɛ gbalɔ Natan kɛ ba, nɛ e de lɛ ke, “Hyɛ kaa imi i ngɛ we nɛ a ma kɛ seda mi, be mi nɛ Yawɛ somi daka a lɛɛ e ngɛ bo tsu mi!”

Kronika I, 28:2

Kɛkɛ nɛ David ba da si ngɛ ma a hɛ mi, nɛ e de ke, “Ye nyɛmimɛ, kɛ ye ma, nyɛɛ bu mi tue! Jinɛ i to nɛ ma po we nitsɛ nɛ a to somi daka a, he nɛ Yawɛ, wa Mawu ɔ hii ɔ ngɛ mi. Nɔ́ tsuaa nɔ́ nɛ he maa hia kɛ ha we nɛ ɔ pomi ɔ, i bua nya.