Kronika I, 22:5 - BAIBLO ALOO NGMAMI KLƆUKLƆU Ɔ

⁵ David de e he ke, “We ɔ nɛ ye bi Salomo ma ba ma ha Yawɛ ɔ, e sa nɛ e kle agbo, nɛ́ e he biɛ ngɛ je ɔ mi tsuo. Se ye bi ɔ, jokuɛyo ji lɛ, nɛ e hɛ mi fa we lolo. Lɔ ɔ he ɔ, e hia kaa imi nitsɛ ma bɔni níhi a nya buami kɛ to nyɔngloo.” Enɛ ɔ he je ɔ, David bua tsu mami níhi babauu nya loko e gbo.

Kronika I, 22:5 ပူးပေါင်းရင်းမြစ်များ

Kronika I, 29:1

Matsɛ David de ma kpekpemi ɔ tsuo ke, “Ye bi Salomo nɔ kake too nɛ Mawu hla a, jokuɛyo ji lɛ; e kpa we níhi a si lolo. Ní tsumi ɔ yi gbo; ejakaa pi nimli a mɔ nɛ a yaa mami ɔ, se Yawɛ Mawu ɔ nitsɛ e we.

Matsɛmɛ I, 3:7

Yawɛ ye Mawu lee, o ha nɛ i ba ngɛ tsɛ yee ngɛ tsaatsɛ David se, be mi nɛ jokuɛ bɔbɔyoo kɛkɛ ji mi, nɛ́ i li nɔ́ ko nɔ́ ko.

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 3:30

E sa kaa e ya nɔ, konɛ imi lɛɛ ma ba si.”

Yohane 9:4

Nɛ je na nɛ ɔ, ja wa tsu nɔ nɛ tsɔ mi ɔ ní tsumi ɔmɛ. Je maa jɔ, nɛ nɔ ko nɔ ko be nyɛe ma tsu ní.

Luka 21:5

Ni komɛ bɔni ní sɛɛmi ngɛ sɔlemi we ɔ he, bɔ nɛ a dla lɛ saminyayoo kɛ tɛ kpakpa, kɛ nike níhi nɛ a kɛ ba ha Mawu. Kɛkɛ nɛ Yesu de mɛ ke,

Hagai 2:9

Mawu we he ɔ maa hi fɛu pe momo ɔ. Ma ha kplɔkɔtɔ maa ba ye ma a nɔ, nɛ ni ɔmɛ maa hi si ngɛ tue mi jɔmi mi.” Yawɛ lɛ de.

Hagai 2:3

“Anɛ nɔ ko ngɛ nyɛ kpɛti nɛ ma nyɛ kai bɔ nɛ Mawu we ɔ he fɛu ngɛ sa a lo? Jehanɛ lɛɛ kɛ nyɛ na lɛ kɛɛ? E peeɔ nyɛ kaa enɛ ɔ pí nɔ ko saasaa.

Ezekiel 7:20

A ngɔ a he dlami ní saminyawiiwi nɛ ɔmɛ kɛ pee amagahi, níhi nɛ a hiee, kɛ níhi nɛ ngɛ tai. Enɛ ɔ he ɔ, Yawɛ ha nɛ a june ɔmɛ plɛ pee níhi nɛ he tsɔ we ha mɛ.

Yesaya 64:11

Wa sɔlemi we klɔuklɔu saminyayoo, he nɛ wa nɛmɛ ɔmɛ je o yi ngɛ ɔ, a kɛ la sã, nɛ a kpata hehi nɛ ngɛ fɛu ɔ tsuo a hɛ mi.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Ezra 3:12

Benɛ osɔfo ɔmɛ ekomɛ, Levi bi ɔmɛ ekomɛ, we puɔ nya dali ɔmɛ ekomɛ, kɛ nimeli nɛ le bɔ nɛ Mawu we ɔ ngɛ sa a, na Mawu we ɔ sisi tomi nɛ ɔ fiami kikɛ nɛ ɔ, a wo yana boboobo. Se ni kpa amɛ nɛ ngɛ lejɛ ɔ lɛɛ ose ɔ kɛkɛ a ngɛ hee wawɛɛ kɛ ngɛ nyae.

Kronika II, 13:7

Pee se ɔ, e bua yaka nimli komɛ a nya, nɛ e kɛ mɛ ya na Salomo binyumu Rehoboam. A nyɛ e nɔ nɛ e pee a suɔmi nya ní. Rehoboam nyɛ we mɛ, ejakaa e wɛ, nɛ e kpa we je mi si lolo.

Kronika II, 7:21

“Amlɔ nɛ ɔ, bu ngɛ we nɛ ɔ he wawɛɛ nitsɛ. Se jamɛ a be ɔ mi ɔ, we nɛ ɔ maa pee we doku, nɛ nɔ tsuaa nɔ nɛ bee ɔ, e he mi ma jɔ̃, nɛ e nya maa kpɛ e he, nɛ e ma bi ke, ‘Mɛni he je nɛ Yawɛ pee zugba nɛ ɔ, kɛ we nɛ ɔ kikɛ nɛ ɔ?’

Kronika II, 2:5

We nɛ ma po nɛ ɔ maa kle agbo; ejakaa wa Mawu ɔ kle pe mawu ɔmɛ tsuo.

Matsɛmɛ I, 9:8

We nɛ ɔ maa pee we doku, nɛ nɔ tsuaa nɔ nɛ bee ɔ he mi ma jɔ̃, nɛ e nya maa kpɛ e he; nɛ e ma bi ke, ‘Mɛni he je nɛ Yawɛ pee zugba nɛ ɔ, kɛ we nɛ ɔ kikɛ nɛ ɔ?’

Abɛ Womi 4:3

Tsaatsɛ kɛ maa a bi kake too ji mi. Benɛ jokuɛyo bɔbɔyoo kɛkɛ ji mi ɔ,

Kronika II, 2:4

I yaa po we kɛ wo Yawɛ, ye Mawu ɔ hɛ mi nyami. We nɛ ɔ maa pee he klɔuklɔu nɛ a hla kɛ to ha Yawɛ. Lejɛ ɔ i kɛ ye ma a ma sɔmɔ Yawɛ ngɛ. Wa maa sã tsopa kɛ e he via, nɛ waa kɛ abolo klɔuklɔu ɔ maa ma Yawɛ hɛ mi daa ngɛ lejɛ ɔ. Daa mɔtu kɛ gbɔkuɛ ɔ, wa maa sã sami bɔhi ngɛ lejɛ ɔ. Wa maa sã sami bɔhi Hejɔɔmi ligbi, Nyɔhiɔhe nyami be, kɛ nyami be kpahi hu ngɛ lejɛ ɔ kɛ wo Yawɛ, wa Mawu ɔ hɛ mi nyami. Blɔ nya nɛ Yawɛ to kɛ ha Israel kɛ yaa neneene ji nɛ ɔ nɛ.

Kronika II, 2:8

I le kaa o tsɔli nɛ ngɛ Lebanon ɔ le tso hɛmi saminya. Lɔ ɔ he ɔ, ha nɛ a hɛ seda, sɛsɛo, kɛ algum tsohi ha mi. Ye tsɔli ɔmɛ ma ba piɛ o tsɔli ɔmɛ a he