Kronika I, 22:3 - BAIBLO ALOO NGMAMI KLƆUKLƆU Ɔ

³ David bua dade babauu nya nɛ a kɛ maa pee plɛɛko kɛ sá kɛ ha agbo ɔmɛ, kɛ akɔblee hu babauu nɛ a li nya.

Kronika I, 22:3 ပူးပေါင်းရင်းမြစ်များ

Matsɛmɛ I, 7:47

Salomo ha we nɛ a ngmɛ akɔblee ní ɔmɛ nɛ a pee ɔ, ejakaa a hiɛ tsɔ; lɔ ɔ he ɔ, nɔ ko nɔ ko li akɔblee ɔ nya.

Kronika I, 22:14

I gbo dengme bua ní nɛ ɔmɛ a nya kɛ to, konɛ a kɛ po Yawɛ we ɔ: sika tsu nɛ jiɔmi ji tɔn akpe etɛ kɛ lafa eywiɛ, sika hiɔ nɛ jiɔmi ji tɔn akpe nyingmi etɛ kɛ eywiɛ, akɔblee kɛ dade babauu nɛ a li nya, tso, kɛ tɛ. Bɔɔ mɔde nɛ mo hu o na eko kɛ piɛ he.

Kronika I, 29:2

Níhi nɛ a kɛ maa ma ye Mawu ɔ we ɔ, i bɔ mɔde bua nya: sika tsu, sika hiɔ, akɔblee, dade, tso, tɛhi nɛ a he jua wa, tɛhi nɛ kpɛɔ, tɛhi nɛ a kɛ maa níhi a mi, kɛ tɛhi nɛ a he jua wa kpa komɛ.

Kronika I, 29:7

ní nɛ ɔmɛ nɛ a kɛ ma Yawɛ we ɔ: sika tsu nɛ jiimi pe tɔn lafa kɛ nyingmi kpaago, sika hiɔ nɛ jiimi pe tɔn lafa etɛ kɛ nyingmi eywiɛ, akɔblee nɛ jiimi maa su tɔn lafa ekpa kɛ nyingmi enyɔ, kɛ dade nɛ jiimi pe tɔn akpe etɛ kɛ e nya lafa eywiɛ.

Kronika II, 4:18

Ní ɔmɛ nɛ a pee ɔ hiɛ babauu nitsɛ nɛ nɔ ko li akɔblee nɛ a kɛ pee mɛ ɔ nya.

Yeremia 52:20

Akɔblee níhi nɛ Matsɛ Salomo pee kɛ wo Yawɛ we ɔ nɛ ji titima enyɔ ɔmɛ, nyu nɔ́ agbo ɔ, kɛ na ku nyɔngma kɛ enyɔ ɔmɛ nɛ nyu nɔ́ ɔ maa si ngɛ a nɔ ɔ, kɛ a sisi daka amɛ lɛɛ a nyɛ we nɛ a ngmɛ, ejakaa a jiɔ tsɔ.

Mose V, 8:9

Hwɔ be nyɛ yee, nɛ nɔ́ ko nɔ́ ko be nyɛ hiae. Tɛ nɛ ngɛ zugba a mi ɔ, dade ngɛ mi. Yo ɔmɛ a mi hu akɔblee ngɛ nɛ nyɛ ma nyɛ maa tsua.