Kronika I, 22:14 - BAIBLO ALOO NGMAMI KLƆUKLƆU Ɔ

¹⁴ I gbo dengme bua ní nɛ ɔmɛ a nya kɛ to, konɛ a kɛ po Yawɛ we ɔ: sika tsu nɛ jiɔmi ji tɔn akpe etɛ kɛ lafa eywiɛ, sika hiɔ nɛ jiɔmi ji tɔn akpe nyingmi etɛ kɛ eywiɛ, akɔblee kɛ dade babauu nɛ a li nya, tso, kɛ tɛ. Bɔɔ mɔde nɛ mo hu o na eko kɛ piɛ he.

Kronika I, 22:14 ပူးပေါင်းရင်းမြစ်များ

Kronika I, 22:3

David bua dade babauu nya nɛ a kɛ maa pee plɛɛko kɛ sá kɛ ha agbo ɔmɛ, kɛ akɔblee hu babauu nɛ a li nya.

Matsɛmɛ II, 25:16

Akɔblee níhi nɛ Matsɛ Salomo pee kɛ wo Yawɛ we ɔ mi, nɛ ji titima enyɔ ɔmɛ, kɛ nyu nɔ́ agbo ɔ kɛ e sisi daka amɛ lɛɛ a nyɛ we nɛ a ngmɛ, ejakaa akɔblee ɔ jiɔ tsɔ.

Matsɛmɛ I, 10:14

Sika tsu nɛ baa Matsɛ Salomo dɛ mi daa jeha ji sika tsu kilo akpe nyingmi enyɔ kɛ etɛ;

2 Korintobi 8:2

Wa nyɛmimɛ ɔmɛ nɛ ngɛ Makedonia nɛ heɔ Kristo yeɔ ɔ ba na amanehlu wawɛɛ; se be tsuaa be ɔ, a bua jɔ. Jehanɛ hu, nɔ́ ko be a dɛ, se kɛ̃ ɔ, a ha nɔ́ faa kɛ je a tsui mi.

Yeremia 52:20

Akɔblee níhi nɛ Matsɛ Salomo pee kɛ wo Yawɛ we ɔ nɛ ji titima enyɔ ɔmɛ, nyu nɔ́ agbo ɔ, kɛ na ku nyɔngma kɛ enyɔ ɔmɛ nɛ nyu nɔ́ ɔ maa si ngɛ a nɔ ɔ, kɛ a sisi daka amɛ lɛɛ a nyɛ we nɛ a ngmɛ, ejakaa a jiɔ tsɔ.

Matsɛmɛ I, 7:47

Salomo ha we nɛ a ngmɛ akɔblee ní ɔmɛ nɛ a pee ɔ, ejakaa a hiɛ tsɔ; lɔ ɔ he ɔ, nɔ ko nɔ ko li akɔblee ɔ nya.

Kronika I, 22:15

O ngɛ ní tsuli babauu, tɛ gbali, tso kɛ tɛ a he ni tsuli, ga ní tsuli slɔɔtoslɔɔtohi babauu nɛ tsuɔ

Kronika I, 29:2

Níhi nɛ a kɛ maa ma ye Mawu ɔ we ɔ, i bɔ mɔde bua nya: sika tsu, sika hiɔ, akɔblee, dade, tso, tɛhi nɛ a he jua wa, tɛhi nɛ kpɛɔ, tɛhi nɛ a kɛ maa níhi a mi, kɛ tɛhi nɛ a he jua wa kpa komɛ.