Kronika I, 21:7 - BAIBLO ALOO NGMAMI KLƆUKLƆU Ɔ

⁷ Sane nɛ ɔ ngɔɛ Mawu nya; enɛ ɔ he je ɔ, e gbla Israel ma a tue.

Kronika I, 21:7 ပူးပေါင်းရင်းမြစ်များ

Kronika I, 21:14

Lɔ ɔ he ɔ, Yawɛ ha gbenɔ hiɔ ba Israel ma a nɔ, nɛ nihi akpe nyingmi kpaago gbo.

Matsɛmɛ I, 15:5

Yawɛ pee nɔ́ nɛ ɔ, ejakaa David wami be ɔ tsuo ɔ, e pee Yawɛ suɔmi nya ní. Mlaa amɛ nɛ Yawɛ wo lɛ ɔ, e tɔ we ekoeko pe sane ɔ nɛ ya ba ngɛ e kɛ Hit no Uria a kpɛti ɔ pɛ.

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

Samuel II, 21:14

A ya pu Saul kɛ e bi Yonatan a wu ɔmɛ ngɛ Benyamin zugba a nɔ ngɛ Zela, ngɛ e tsɛ Kish yɔkɔ ɔ mi; nɛ a pee nɔ́ tsuaa nɔ́ kaa bɔ nɛ matsɛ ɔ fa mɛ ɔ. Lɔ ɔ se ɔ, Mawu bu a kue nɛ a fa kɛ ha ma a tue.

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Samuel II, 11:27

Benɛ e nyɛ ya ha lɛ gbe nya a, David tsɔ ya ngɔ lɛ kɛ ba e we ɔ mi, nɛ e ba pee e yo; nɛ e fɔ binyumu ha lɛ. Se nɔ́ nɛ David pee nɛ ɔ ngɔɛ Yawɛ nya.

Yoshua 7:13

Tee si, nɛ o tsukɔ ma a he, nɛ o ha a pee a he klɔuklɔu ngɛ ye hɛ mi. De mɛ ke hwɔɔ je nɛ maa na a, a dla a he; ejakaa nɔ́ nɛ imi Yawɛ, Israel Mawu ɔ, i ngɛ mɛ dee ji nɛ ɔ nɛ: ‘Níhi nɛ i wo nyɛ mlaa ke nyɛ kpata a hɛ mi ɔ ekomɛ ngɛ nyɛ dɛ! Nyɛ be he nyɛli ɔmɛ a nya nyɛe maa da, ja nyɛ je musu ní ɔmɛ kɛ je nyɛ kpɛti!’

Yoshua 7:5

Ai bi ɔmɛ wo mɛ fo kɛ je ma a agbo ɔ nya kɛ ya su he nɛ a gbaa tɛ ngɛ ɔ, nɛ a gbe Israel bi ɔmɛ maa pee nihi nyingmi etɛ kɛ ekpa benɛ a ngɛ si kplee ɔ. Nɛ e pee ja a, Israel ma a tsui po, nɛ a he jɔ kaa nyu.

Yoshua 7:1

Yawɛ wo Israel bi ɔmɛ mlaa ke níhi nɛ a ma ya na ngɛ Yeriko, nɛ ji níhi nɛ a ma kpata a hɛ mi ɔ, a ti nɔ ko kó ta eko he, se a tɔ mlaa a. Nɔ ko nɛ a tsɛɛ lɛ Akan ɔ ya ngɔ ní ɔmɛ ekomɛ, nɛ lɔ ɔ he ɔ, Yawɛ mi mi fu Israel bi ɔmɛ wawɛɛ. Akan tsɛ ji Karmi, nɛ e nɛ̃ ji Zabdi. E je Zera we puɔ nya, ngɛ Yuda wɛtso ɔ mi.

Samuel II, 15:26

Se ke Yawɛ sume ɔ, lɛɛ imi ji nɛ ɔ nɛ; nɔ́ tsuaa nɔ́ nɛ e suɔ ɔ, e pee mi.”

Kronika I, 21:6

Se akɛnɛ matsɛ ɔ fami ɔ ngɔɛ Yoab nya he je ɔ, e kane we Levi, kɛ Benyamin wɛtso ɔmɛ.

Kronika I, 21:8

David de Mawu ke, “I pee yayami agbo kaa i tsu kikɛmɛ a ní nɛ ɔ. I kpa mo pɛɛ nɛ o ngɔ kɛ pa mi. I je kuasia.”

Samuel II, 24:10

Benɛ David kane ni ɔmɛ se ɔ, e he nile hao lɛ; nɛ e de Yawɛ ke, “I pee yayami agbo kaa i tsu kikɛmɛ a ní nɛ ɔ. Lɔ ɔ he ɔ, Yawɛ, i kpa mo pɛɛ nɛ o ngɔ kɛ pa mi.”